NINDAT KEP TUHAN NICUKTI NYA 13:5 - ALLAH NIHYET MEM TUNGWATU NYA

⁵ Noro suar jihwen no di mbot kep tut mumpriem kin nabi di ibindei ba, jaham jimbuk kep tuhan di teu je bijingwes ngun leu gi jiwer awak ei minu Mesir dima. Yo dima ingon rom nindig bibor ba, iris je leu puig di tuhan ndo bije tu. Suar jihwen yo dima leu binhyepo sisar nindig bibor dima srig jikieti bu bi.

NINDAT KEP TUHAN NICUKTI NYA 13:5 ပူးပေါင်းရင်းမြစ်များ

NIBOU NDIG NYA GI NIGOM 13:19

Apino nabi leu Yehuda dima bit nabi andig-ndau dima ug ei nide ig ba, yem njita bit.

NIBOU NDIG NYA GI NIGOM 18:40

Lene Elia cuk limwa nya “Ma jikat nabi kwar Baal nya yahagom leu binhyepo hi nang biningwes ngun bi!” Gima rino tungwatu pima yok ikat nabi Baal yahagom leu api Elia buwak yok ug ei Minyei Kisyon nyai biyai nimai bak yahagom ei sirima.

YEREMIA 14:15

Yoni itri tut yonti ighyet tug hon dinyeng bipia bit bon pran kin ninggum cut igkep minu dini kan bi. Noro dikes dihyet nok gima biyok bi. Yeremia e, Da di tuhan midiyai notou sut nabi di dipinak yok bi dima i? Midiba pran kin ninggum biyai nimai biyok.

YEREMIA 29:32

Nibon munti dima bindei ba, jiba jimbuk bihwen Da. Gima rino midikes hukum ei noni kin nide nintun him yamti di bram yam nya dip. Hukum dima rinok gini. Noni kin nide nintun him yamti di bram yam nya mimai ba, ingat mun di kei dino midibon mem Ditde limwa nya bou igyai him bi. Da di tuhan disimbot dat tu.”

YEREMIA 50:6

Ditde limwa nya idem kep domba di ide gembala nya isindui yok di israwir ei nungug him. Ba, imbut-mbut wai leu nungug hi ug ei nungug hiter bu ba, igikan tut itimieisi bu bi.

YEREMIA 7:23

Noro dipai nicukti gom ngat dini biyok. Suar ibit dihyet leu api dinok ide Allah lene yoni inok Ditde limwa nya. Lene dicuk yok bipia suar ibit dicuk yokti nya leu binhyepo ibong kei igwam kei.

ZAKHARIA 13:3

Ba, gino tungwagom mpig nibou tut nimbot kepti nipek kepti ningat rinaha yo ne ma nicig-nipmem nya mipai binoni bipia suar noni tug ndei hukum bimai hak lewo mun di mbot kep dima ne suglai nitu he ri. Gino nihyet jo kep bipia noni ne nabi rin ne suar nicig-nipmem nya iriu noni bimai.

KISAH 13:8

Tungwatu nya iba nihyet Yunani bijem no di nung kui no pima ninyeng hi Elimas. Ba, no dini tte tut Barnabas kin Saulus buhum nibou ninsi ser nhyema noni ba ningon com Yesus au.

KORINTUS GI NIGOM 5:13

Bit leu nok gi ipas ei Allah nihyetti “Ma jicom no di sibut leu jikieti hak ug.”

NINDAT KEP TUHAN NICUKTI NYA 13:10

Jiba tig bihwen noni bimai ug. Lewo noni ris na leu tuhan di nok ade Allah di teu na ba, angwes ngun leu gi awer awak ei minu Mesir.

NINDAT KEP TUHAN NICUKTI NYA 13:15

lene suar jiyai nimai bak limwa di ibong minu ndig dima yahagom bitut mindhe-ndhe nihyen kep di ide nya cem. Suar jicok tut minu ndig dima bingwig hak ug.

NINDAT KEP TUHAN NICUKTI NYA 13:9

Noro suar aba tig bihwen noni bimai. Nangkom aba tig bihwen noni bibie leu api mben Israel nindigsi nya iba tig bihwen noni bram bu.

NINDAT KEP TUHAN NICUKTI NYA 17:5

lene suar jikri no di tunggwei sut mun dima ug ei nide minu ndig dima nisai leu api jiba tig bihwen kikau bimai hak ug.

NINDAT KEP TUHAN NICUKTI NYA 17:7

Suar yo di ingat nitunggweisi dima bou igyai him rima iba tig bihwen no dima nimbie him ngat a. Leu api limwa nya yahagom iba tig bihwen bram bu. Tug hon jiyai munti dima lene jibidip tut mun di kinei dima leu jikieti.

NINDAT KEP TUHAN NICUKTI NYA 18:20

Noro gino nabi gom brim ningkek kep mben Israel bitri tut nonti ningon kanti biyok tirigi disok dihyet tut ditde nicuk yokti nya ei noni dip bi lene ma noni tug ndei hukum nimai drek dip nide sisar dima. Nok gima cem tut nabi gom di tri tut nung di ikuk yok bak nya ighyet bak Ditde limwa nya suar mai hak.’

NINDAT KEP TUHAN NICUKTI NYA 19:19

ma noni tug ndei hukum dima biluei no po noni pai kep mikuisi pima. Tug hon nisinati dima lene mijiciu ser sisar dima leu jikieti.

NINDAT KEP TUHAN NICUKTI NYA 22:21

lene suar ibuwak sop dima ug ei nide ndigpoi ide dimbou hui a. Suar ndigpoi nya leu minu dima iba tig bihwen noni ei mpia dima kikau bimai hak. Sop dima bibon mun di biyai nimmai bak ide mben tug hon niyem njita tut pinaisi mem nijam di noni bong bit nide ndigpoi nipou tirigi wak nijjep bigyo. Tug hon nisinati dima mijicok tut sisar di kinei dima leu jikieti.

NINDAT KEP TUHAN NICUKTI NYA 22:24

lene suar jikri yok ug ei minu ndig dima nisai lene jiba tig bihwen yahacem bimai. Suar sop gwam nitta pilei dima tug ndei nimai lewo mbro nok gino bong ei minu ndig dideu tungwatu nya di itingou dile tut nihyet lo, hara tut bi. Lene suar pinai dima tug ndei nimai lewo yem njita tut sop di hiter yok wa kep tu. Mijicok tut sisar di kinei dima tug hon gi jiyai nimai bak yo cin dima.

NINDAT KEP TUHAN NICUKTI NYA 24:7

Tungwa tou rino pos nisut mben Israel gom ba, ubon noni nok nide awak ba, tri noni nok awak mem hiter lene ma no dima tug ndei hukum nimai drek dip. Leu binhyema jidip tut sisar di kinei dima.

NINDAT KEP TUHAN NICUKTI NYA 26:14

Niyem njita dima ndrim hi tirigi ningon ngguk tut nimai bi. Lene nikon hi ba, nuug sut ug ei nisai tirigi nyeni nipuig kinei bi. Lene nikwas ndrim hi nok mun di ipigig ser mem ibigo nimai bi. tuhan e, nibit Ade nicuk nyeti nya tut njita gom leu ningot gom, gom leu ningot gom lene nok bidem tu.

NINDAT KEP TUHAN NICUKTI NYA 4:19

Nok gima cem ma jisindui sut mun di jingat bou jiyai him ei mpia-bbed him nok mpia njap kin bed mmun kin ham nya biris je bijikuk je biyok au. Lewo tuhan di nok jide Allah sindui sut ngkiai nindigsi nya hagom ei gwam nibehei dini bikuk yok bak mun dima yok.

NINDAT KEP TUHAN NICUKTI NYA 6:13

Ma jikon tuhan di nok jide Allah ninyeng lene ma jikuk je biNoni cem jiba neheng bipreu mun ei tug hon Noni Nongkom ninyenga.

NINDAT KEP TUHAN NICUKTI NYA 7:4

Leu binhyepo yoni miris jimunggwom bat nya leu tuhan ndam nung di yo dima ikuk yok bak nya au. Gino mun dima cut igkep je lene tuhan ningon misibui sut je leu api Noni mihwen je bijingwig.

YOSUA 23:8

Noro ma jibit tuhan kin jingon di gom kikau noyam kin gi jibon kep nipou kwei bipek ammani kep.

NINGAT-HI-NGAT NYA 19:20

No di bri bigwam kuda nitiei dip kat mindhe di niten-pos dima kin nide nabi nitrowai di bon mindur nya ei mindhe noho bei. (No dini ba nide mindur nya biris yo di igyai mindhe di niten-pos de nitak bukti kin yok kin yo di ikuk yok bak nide kwar.) No di bri bigwam kuda nitiei dip com mindhe di niten-pos kin nabi nitrowai tut igyaisi ug ei muk hum belerang di cig-cai.

NIJAM NIKEI NYA 20:13

Ma jikes timiei Gibea di ibon mun di kinei-kinau dima bak nyeni leu binhyepo niyai nimai biyok ba, nibicok tut mun di kinei bibor dima leu nye di mben Israel ikieti.” Yo dima itri tut nok noro keret Benyamin nya iba inghim bak keret mben Israel nindigsi nya ighyet.

SAMUEL GI NIGOM 12:14

Gino jinggei sut tuhan ba, jidimig jenti ei mem Noni cem jimiap kep nicuk jeti nya bijibit nihyet cem ba, jeni kin jide nibou ndig jingon gom tut Noni lene mijiyai ningon nggei-hi-nggei.