NINDAT KEP TUHAN NICUKTI NYA 13:17 - ALLAH NIHYET MEM TUNGWATU NYA

¹⁷ Ma jiyok ndigban nisigion nya dima mem jenti njem au. Noro suar jibindei sar mun dima yok hagom bingwig hak. Apino tuhan nigga biborti mikes hon leu api Noni mindo nisingat tut jeti hanyen bije. Ningon nggriu sut jeti mibindei ba, jimang ndig bibor bit leu nok gi po Noni preu ei mem jidigup bat-jidigai bat nya pima.

NINDAT KEP TUHAN NICUKTI NYA 13:17 ပူးပေါင်းရင်းမြစ်များ

NITRITI 26:24

Himmun gom lene tuhan tau kep noni bipai bak “Dani ne acig Abraham de Allah rin ba, attin tut Dani au. Midinyohou nani bidinjei mun di kei bak nani cem leu binhyepo ade nintun him yamti di bram yam nya idigek kep mpia bit leu nok gi dipreu ei mem Ditde awak di Abraham nipou su.”

NITRITI 26:4

Midibindei ba, ade nintun him yamti di bram yam nya imangti dem ham mpia-bbed him. Lene midikes minu dini titut yam biyok ba, hagom minok ide minu ninda rom. Mben dihyeisi dini hagom mporo mijoi sut mem gima dinjei mun di kei bak yoni bit leu nok dinjei mun di kei bak yo di intun nani him.

NITRITI 28:14

Yo di intun nani him midigek kep mpia ba, imangti ningot ndig noyam kin dihyei ndung nimangti. Lene mporo yoni mikieng kep mpia ug ei nite bei mpia nicutti kin nite bei mpia nipriti kin nite bei mpia nijjai kin nite bei mpia nibiho. Ba, mben dihyeisi dini hagom mporo mitug ndei mun di kei tug hon nani kin ade nintun him yamti di bram yam nya cem.

MAZMUR 78:38

Noro Allah ngondut Nide limwa nya bikos ser ide sisar leu ba, bindei sar yok bi. Noni om kep niggati bitak kep ningon sibui sut yokti bikwop.

MAZMUR 85:3

Akos ser Ade limwa nya ide sisar nya ba, adip tut ide nitunggweisi nya hagom tu.

NEHEI LEUSI 20:6

Noro midingon ngakei yo di ingon ngakei Da bibit dihyet yahagom kikau ug bipek ide nintun him yamti di bram yam nya ibou sribu-ribu bram yam.

NEHEI LEUSI 32:12

Gino acok tut yok lene mben Mesir misimbot kep biyam bipia abuwak yok kwei leu minu Mesir leu binhyepo acok tut yok bingwig ei nungug him dini. tuhan e, ma angon sibui sut yok au. Noro anggek tut angon kanti leu binhyepo mun di buhun bibor dima micut igkep yok bi.

NIBWOS-BWOS NYENTI 3:32

Niabiati Noni yai ninghuisi wei binye leu lene mingondut nyeni yo. Lewo Noni ba ningon ngakeisi di ug hon nohonti bi bingon ngakei nye kikau.

YEHEZKIEL 37:26

Midipreu ei mem yok leu binhyepo ibong kei igwam kei bijo ninno bijo kikau. Midinjei mun di kei bak yoni lene midibindei ba, idigek kep mpia. Midiwin Ditde Ig ei ikieti bijo ninno bijo kikau.

HOSEA 11:9

Midiba dingon sibuisi bikes hukum ei jeni dip bidibindei ba, jitimek bijingwig bu bi sren. Lewo Dani ne Allah rin ba, dinok tungwatu dihyeisi bi. Dani ne No Di Kwes-Kwau ri. Dingat rin bit je ba, dingon sibui sut je hanyen bi cem.”

MBEN ISRAEL IMBUT-MBUT NYEN 25:4

“Akat nibou mben Israel yahagom ba, akes hukum nimai ei yok dip ei ide limwa nya yahagom yoho bei dem igbit dicuk nati. Tug hon nisinati dima lene midikes hon ba, digga yok bu bi.”

KORINTUS GI NIGOM 16:22

Ma Allah sigion no di ningon ngakei Tuhan bi! Maranatha! Tuhan e, ma akwei hanyen!

NINDAT KEP TUHAN NICUKTI NYA 13:18

Gima hagom nok gino jibit tuhan nicuk jeti nya di ditri tut bije njap di ammani hagom ba, jipwoi ningona.”

NINDAT KEP TUHAN NICUKTI NYA 30:3

tuhan di nok jide Allah mingondut je. Noni minduk je hanyen kwei leu jingkiaisi di Noni com je eisi leu api mibindei ba, jibong kei jigwam kei hanyen.

NINDAT KEP TUHAN NICUKTI NYA 30:5

Lene mijikieng kep dihyei hanjop nsi po jidigup bat-jidigai bat nya ibong ser pima. Lene Noni mibindei ba, jibong kei jigwam kei apino mijidigek kep mpia nindig bibor dor njiriek jidigup bat-jidigai bat nya imangti.

NINDAT KEP TUHAN NICUKTI NYA 7:13

Noni miningon ngakei je biyai gi kei bije leu binhyepo jibon jimunggwom bat nya imang bibor ba, jidigek kep mpia. Noni miyai gi kei bije bibindei ba, njita di nnum hei ei jide miaisi nya apino mijiyai gandum kin ba anggur ningei kin biei zaitun ningei nok gi dem. Noni miyai gi kei bije bibindei ba, jide sapi nya kin jide domba nya mikum eisi bu. Noni minjei mun di kei dini yok hagom bak jeni ei minu po Noni preu ei mem jidigup bat-jidigai bat nya bipia miyai bije pima ri.

NINDAT KEP TUHAN NICUKTI NYA 7:26

Ma jipwoi kwar dima yok ba, juug sut ug ei jide ig bei au. Leu gi nok lene mijitug ndei nisigion jeti noyam kin kwar nya di tuhan sigion tu. Suar jingon mpo tut mun dima yok hagom bijimbres jenti leu. Lewo tuhan sigion mun di dima yok hagom tu.”

YOSUA 22:20

Ma jiyok ngon kep Akhan di Zerah nipmot po kou sut gi bit tuhan nicukti tut ndigban di suar ibindei sar hagom pima apino ningat mindei rintun him i? tuhan kes hukum ei mben Israel dip ttei yam drek dip. Akhan nongkom ngat he rino bon sisar noro nongkom ngat he rino tug ndei nimai drek dip bi.”

YOSUA 6:18

Noro suar jinggek ndigban hagom di jo ei minu ndig dima bingwig ug ba, ma jiyai mun nyeng gom mem jenti au. Gino jiyai mun nyeng gom ngat lene gima mibindei ba, mun di buhun bibor micut igkep nye di mben Israel yahagom.

YOSUA 6:24

Lene tentara nya indig minu ndig Yerikho titut yam bitut mun di joti nya hagom kep hum bitimek bingwig. Noro indig mas kin perak kin ngkimom-tembaga kin ngkimom nitu hagom kep hum bi. Yoni ikon mun dima yok hagom kwei binju ei tuhan de Prak Mengti.

YOSUA 6:26

Mpe dima lene Yosua sok kep tungwatu nya yahagom bipai “Tungwa tou rino kinyon ei gima win minu ndig Yerikho hanyen mitug ndei tuhan de nisigion noti. Tungwa tou rino tig cou nipmem lene nipmot mighumbou mimai drek dip. Tungwa tou rino kinding dimbou di itu ei ngug tig lene nipmot nipumiap mimai drek dip.”

YOSUA 7:1

tuhan pai bak mben Israel tu bipia suar ibindei sar ndigban hagom ei minu ndig Yerikho bihigom lene ma igyai mun nyeng gom mem yonti au. Noro ibit nicukti dima bi. Apino tuhan gga limwa mben Israel bibor drek dip pinai gom di ninyeng Akhan bon mun tunggwei nicukti dima. (Akhan nicig ninyeng rino Karmi ba, nignyon ninyeng rino Zabdi leu Zerah ninsi de ei keret Yehuda.)

YOSUA 7:26

Gima leu api ittei tig mang bibor binju bijo-jo yam dip ei mpia dima ba, tig dima no jo kikau kwei bipek ammani kep. Gima rino ijem mpia dima ninyeng Mbang Briep Nuum Ningon Buhun. Lene tuhan kes hon ba, gga yok bu bi.

YOSUA 8:28

Yosua nya indig minu ndig Ai binok humekti. Lene isindui sut ba, minu ndig Ai jo nok gima kikau kwei bipek ammani kep.