NINDAT KEP TUHAN NICUKTI NYA 13:16 - ALLAH NIHYET MEM TUNGWATU NYA

¹⁶ Suar jimbus timiei minu ndig dima yok ide ndigban hagom keyam bijo-jo yam dip ei biyati gom leu api jindig minu ndig dima bitut ndigban di inyeng tut nya hagom kep hum nok nibon midut mem jide tuhan Allah. Gima leu su lene suar jisindui sut mpia dima leu binhyepo nindung yem dihyei ei bijo ninno. Lene ma jiwin minu dima hanyen bu au.

NINDAT KEP TUHAN NICUKTI NYA 13:16 ပူးပေါင်းရင်းမြစ်များ

NEHEI LEUSI 22:19

Suar jikes hukum nimai ei pinai di cut tut mindhe dip.

YESAYA 17:1

tuhan pai “Minu ndig Damsyik miwer no minu ndig bu bi. Noro miwer mun ig kum kroisi di kui sur mpia he.

YESAYA 25:2

Abindei timek minu ndig nya ba, anggek tentara nibousi di igya coi nya bisinsiou cem tu. Ig nibou ndig di ngkiai nya iwin dima sar hak. Lene iwin hanyen bu bi bijo ninno bijo kikau.

YEREMIA 49:2

Noro tto bou dem leu api midibindei timiei minu Amon de minu ndig pmem Raba ba, imiap pran nigwei di bong yo. Minu ndig dima mitti sinsiou ba, hum yem minu mien ngot di jo ttai nya hagom bingwig. Leu api mben Israel igyai dihyei di ide hanyen leu yo di nipou igyai di igyati pima inda nsi.

YEHEZKIEL 26:14

Gi ndi dikes ei rino tig bou ngwak gom ngat he. Ba, gima nok mpia di nipos kep wau cig nya idis kep ide jala nya eisi ri. Hi dima miwin minu ndig dima hanyen bu bi. Da di tuhan Di Dinyeng Jei Bibor disimbot dat tu.”

MIKHA 1:6

Gima rino tuhan pai “Midibindei ba, minu ndig Samaria timek bingwig leu api nigkumti minok ha ngunti leu api tungwatu nya mita ba anggur ei mpia dima. Midinjei tig di jo-jo yam dip ei minu dima hagom ug ei mbang briepti bidinggek nikiou nya.

NINDAT KEP TUHAN NICUKTI NYA 7:25

Ma jindig ide kwar di ikuk yok bak nya kep huma. Ma jingon pri kep perak kin mas di jo kin ide kwar nya bijiyai mem jenti au. Gino jiyai mun dima yok mem jenti lene mijitug ndei nimai drek dip lewo tuhan di nok jide Allah ningon mpo tut yo di ikuk yok bak kwar nya.

NINDAT KEP TUHAN NICUKTI NYA 7:26

Ma jipwoi kwar dima yok ba, juug sut ug ei jide ig bei au. Leu gi nok lene mijitug ndei nisigion jeti noyam kin kwar nya di tuhan sigion tu. Suar jingon mpo tut mun dima yok hagom bijimbres jenti leu. Lewo tuhan sigion mun di dima yok hagom tu.”

YOSUA 6:21

Lene iba ide simeda bitot timiei minu ndig Yerikho nya nok pinai nya kin sop nya kin munggwom nya kin andigpoi nya yahagom imai bingwig. Lene ibui sapi nya kin domba nya kin keledai nya hagom bingwig.

YOSUA 6:24

Lene tentara nya indig minu ndig Yerikho titut yam bitut mun di joti nya hagom kep hum bitimek bingwig. Noro indig mas kin perak kin ngkimom-tembaga kin ngkimom nitu hagom kep hum bi. Yoni ikon mun dima yok hagom kwei binju ei tuhan de Prak Mengti.

YOSUA 6:26

Mpe dima lene Yosua sok kep tungwatu nya yahagom bipai “Tungwa tou rino kinyon ei gima win minu ndig Yerikho hanyen mitug ndei tuhan de nisigion noti. Tungwa tou rino tig cou nipmem lene nipmot mighumbou mimai drek dip. Tungwa tou rino kinding dimbou di itu ei ngug tig lene nipmot nipumiap mimai drek dip.”

YOSUA 8:28

Yosua nya indig minu ndig Ai binok humekti. Lene isindui sut ba, minu ndig Ai jo nok gima kikau kwei bipek ammani kep.