NINDAT KEP TUHAN NICUKTI NYA 13:10 - ALLAH NIHYET MEM TUNGWATU NYA

¹⁰ Jiba tig bihwen noni bimai ug. Lewo noni ris na leu tuhan di nok ade Allah di teu na ba, angwes ngun leu gi awer awak ei minu Mesir.

NINDAT KEP TUHAN NICUKTI NYA 13:10 ပူးပေါင်းရင်းမြစ်များ

NIBOU NDIG NYA GI NICAN 11:18

Gima leu lene limwa nya injei bicoi ug ei Baal nibousi binggek. Lene ibinggek nimbar hum dok kin kwar di ikuk yok bak nya cem hagom ningwig a. Lene igyai nimai bak Matan di imam Baal cem ei nimbar hum dok dima nuhui a. Lene Yoyada kes yo di igya ser Tuhan De Ig cem bigya ser bingkiem.

NIBOHON MBEN ISRAEL GI NICAN 24:21

Noro limwa nya igyok ingon gom ba, itte tut Zakharia nihyet drek dip Allah ningon kanti dima. Nibou ndig Yoas cem tte tut noni noyam kin nide limwa nya. Noni yok ngon kep Yoyada di Zakharia nicig di ningon gom tut tuhan kikau bimai kep cem bi. Gima rino cuk tungwatu nya ba, iba tig bihwen Zakharia ei mpia di jo bas hak di iba ngug tig bikrop ttai ei tuhan De Ig nuhui bimai hak. Dideu Zakharia ninnei nikimbasti lene hara “Handei kon ba, tuhan ngat ayaisi dini bibindei ba, abiang ayai munti dini nibuhunti!”

NEHEI LEUSI 20:2

“Dani ne tuhan bidinok jide Allah rin ba, dibuwak je kwei leu minu Mesir minu po jiyai kep midyai nok awak eisi pima.

NEHEI LEUSI 32:27

Lene Musa pai biyok “tuhan di nok mben Israel ide Allah cuk je bipia ma jihit jide simeda leu api jimbut bidem prak meng yati dima nisurti-nipekti lene bikwop jahagom jiyai nimai bak jide bat nya kin jisut bat nya kin yo di imbier kim je nya.”

IMAM NYA IDE MIDYAI 20:2

bipai sut nicukti dini bak mben Israel, “Bikwop no di leu jikieti kin ngkiai nya di ibong timiei ei jikieti cem di bui nimunggwom di ndig kep hum bikuk no bak kwar Molokh lene suar limwa nya yahagom iba tig bihwen bimai hak ug.

IMAM NYA IDE MIDYAI 20:27

Bikwop pinai kin sop tou rimbrap bit njungwes lene suar jiba tig bihwen no dima bimai kep. No dima mai drek dip nonti niyai mun tunggweisi dima.”

IMAM NYA IDE MIDYAI 24:23

Lene tirigi Musa tri tut nihyet dima bak mben Israel leu su lene yoni ibuwak no di sigion Allah pima ug ei prak meng yati nisai leu api iba tig bihwen noni bimai. Tug hon nisinati dima lene mben Israel ibit tuhan nicuk Musati tu.

NINDAT KEP TUHAN NICUKTI NYA 13:5

Noro suar jihwen no di mbot kep tut mumpriem kin nabi di ibindei ba, jaham jimbuk kep tuhan di teu je bijingwes ngun leu gi jiwer awak ei minu Mesir dima. Yo dima ingon rom nindig bibor ba, iris je leu puig di tuhan ndo bije tu. Suar jihwen yo dima leu binhyepo sisar nindig bibor dima srig jikieti bu bi.

NINDAT KEP TUHAN NICUKTI NYA 17:5

lene suar jikri no di tunggwei sut mun dima ug ei nide minu ndig dima nisai leu api jiba tig bihwen kikau bimai hak ug.

NINDAT KEP TUHAN NICUKTI NYA 17:7

Suar yo di ingat nitunggweisi dima bou igyai him rima iba tig bihwen no dima nimbie him ngat a. Leu api limwa nya yahagom iba tig bihwen bram bu. Tug hon jiyai munti dima lene jibidip tut mun di kinei dima leu jikieti.

NINDAT KEP TUHAN NICUKTI NYA 21:21

Leu api suar timiei minu ndig dima iba tig bihwen munggwom dima kikau bimai ug. Tug hon nisinati dima mijicok tut mun di kinei dima leu jikieti. Apino limwa mben Israel mimiap tut mun di cut igkep no dima ba, yahagom ittin tut.”

NINDAT KEP TUHAN NICUKTI NYA 4:19

Nok gima cem ma jisindui sut mun di jingat bou jiyai him ei mpia-bbed him nok mpia njap kin bed mmun kin ham nya biris je bijikuk je biyok au. Lewo tuhan di nok jide Allah sindui sut ngkiai nindigsi nya hagom ei gwam nibehei dini bikuk yok bak mun dima yok.

YOSUA 7:25

Leu api Yosua pai bak Akhan “Nggon rino abindei di mun di buhun cut igkep nye i? Nogindini tuhan mibindei ba, mun di buhun micut igkep nani!” Pai nok leu api mben Israel iba tig bibihwen Akhan kin nide ig bei nsi nya ba, imai bingwig. Lene indig ndigban di nyeng tut nya hagom kin ndigban di nggimang pima yok cem hagom kep hum ningwig a.