NINDAT KEP TUHAN NICUKTI NYA 12:9 - ALLAH NIHYET MEM TUNGWATU NYA

⁹ Lewo jikieng kep minu di Noni yai bije ba, jibong kei jigwam kei eisi bigyo.

NINDAT KEP TUHAN NICUKTI NYA 12:9 ပူးပေါင်းရင်းမြစ်များ

NIBOU NDIG NYA GI NIGOM 8:56

“Jikwei ba, yahagom inggei sut tuhan di bindei ba, Nide limwa nya ibong kei igwam kei bit leu nok Noni preu ei binye tug hon Nide awak di Musa. Mun di kei di Noni preu ei mem nye hagom pek kep mem nye tu.

NIBOHON MBEN ISRAEL GI NIGOM 23:25

Lene Daud pai “tuhan Allah Israel bindei ba, Nide limwa nya ibong kei igwam kei tu. Lene Nonti ningat rin bibong ser minu ndig Yerusalem bijo ninno bijo kikau.

MAZMUR 95:11

Singon sibui sut yok nindig bibor bisisigion yok lene sisindui sut ba, icoi ug ei minu dima bibong kei bigwam kei bit Sa bi sren.”

YEREMIA 31:2

Dindo Ditde ningon nggriu sut yokti bak yo di ingwes ngun leu nimai ei iggum ndigsi. Tirigi po mben Israel inggok mpia di ibong kei igwam kei eisi ne,

MIKHA 2:10

Ma jikiju ba, jimbut hak ug lewo mijibong kei jigwam kei ei minu ndig dini bu bi. Jide sisar bindei ba, mun di buhun bibor micut igkep mpia ttou nsi dini.

NINDAT KEP TUHAN NICUKTI NYA 12:8

Tirigi nicunti dima dem tu lene ma jiyai bit leu nok jiyai kepti nogindini au. Nipou kwei bipek ammani kep ne jikuk je bak tuhan bit leu jingon kanti.

NINDAT KEP TUHAN NICUKTI NYA 25:19

Gima rino tirigi jide tuhan Allah yai minu dima bije bijingwes ngun leu jide siceu di ibong ttai je yahagom inda nsi lene suar jibindei sar mben Amalek dima yahagom imai bingwig leu binhyepo tungwatu nya igyok ngon kep yoni bu bi sren. Ma jibbwe ser dicuk jeti dini au.”

NINDAT KEP TUHAN NICUKTI NYA 3:20

Ma jimpu jisut bat mben Israel nindigsi nya bibou ibrim minu di jide tuhan Allah mikwas tut yok ei Minyei Yordan nite bei mpia nicutti ug e. Tirigi ikieng kep minu dima bigyati ba, tuhan sindui sut ibong kei igwam kei eisi noyam kin gi Noni bibon bije ei minyei nite dini tu lene ma jingkwei hanyen kwei ei jide minu di dikwas tut je ei dini.

NINDAT KEP TUHAN NICUKTI NYA 4:21

Noro tuhan di nok jide Allah ningon sibui sut da drek dip je lene Noni sok kep da tug hon neheng bipia midisigon Minyei Yordan bit je tirigi jikieng kep minu di nnum bibor di Noni miyai bije dima bi sren.

YOSUA 11:23

Yosua nya ibindei timek minu dima hagom titut yam lene igyai bigyati dem igbit tuhan nicukti po kes bak Musa pima. Leu api noni yai minu ndig dima bak mben Israel binok ide minu ndig nya. Leu api ikwas minu ndig dima tut yam sindam ba, bikwop keret gom-gom itug ndei dihyei hanjop nsi gom-gom bidem yok. Mpe dima lene mpia mbum-bra. Gima rino mben Israel ibong kei igwam kei lene ikes hon ba, ikon pran bi.