NINDAT KEP TUHAN NICUKTI NYA 12:7 - ALLAH NIHYET MEM TUNGWATU NYA

⁷ Ma jeni kin jimunggwom bat nya jiyem pesta kep ba, jillei ngwig sut jide midyai di jinda jo kep nya ei tuhan di nok jide Allah Noho bei ei minu ttou nsi gom dima. Lewo Noni singat tut je nindig bibor.

NINDAT KEP TUHAN NICUKTI NYA 12:7 ပူးပေါင်းရင်းမြစ်များ

NIBOHON MBEN ISRAEL GI NIGOM 29:22

Njap dima ne yahagom iba ingon di nggei-hi-nggei biyem njita bidut ndia ngei cem ei tuhan Noho bei. Mben Israel ikon ighyet nimbican bu tut Salomo nok nibou ndig. Ikon Salomo nok ide nibou ndig lene ikon Zadok nok ide imam tug hon tuhan ninyeng.

NEHEMIA 8:9

Tirigi Nicukti dima tibim ei yo dima itingou nsi lene ingon huk niti leu api ipim nggruet. Lene Nehemia di nok nibou hanjop dima kin imam Ezra di ningon ki tut Nicukti dima kin Lewi nya di ingginau Nicukti dima bak ide limwa nya yahagom ipai bak yo dima “Njap di ammani ne njap di ipigig sut ei mem tuhan. Gima rino ma jingon ngguk ba, jipim au.

NIBA NINGON SRIP HUKTI 3:12

Gima rino dikan tut bipia gino nyeni ingon llei ba, ibon mun di igbit mem nijam di igyaijo lene gini kei bibor dor njiriek mun nindigsi nya hagom.

NIBA NINGON SRIP HUKTI 3:13

Ma yahagom igyem njita bidut ndia ngei ba, ijoi sut ide midyai di ningat ntun him nya lewo Allah njei mun dima yok bak nyeni.

NIBA NINGON SRIP HUKTI 5:18

Gino Allah yai mitiei kin ndigban binye bisindui sut ba, ingat ingwes ei mun di inyeng tut dima lene suar ipai sigyo biNoni ba, ingon kei sut ningat di igyai leu ide midyai di igyai nya hagom. Gima cem mun di Allah njei bak nye ri.

YESAYA 23:18

Noni mipigig sut nibittemti kin nimuhup di yai nya mem nonti bi. Noro miyai gima hagom bak tuhan. Apino yo di ikuk yok bak tuhan miba mitiei dima bipek mun di isuar nya nok sinsun di ijuk kin njita di igyem.

YESAYA 62:9

Noro je di jimbus gandum bijikos keyam mijiyem ningat ba, jibikon tuhan ninyeng a. Je di jipuk ba anggur ngat mijidut ningei ei mpia di jo bas hak di iba ngug tig bikrop ttai ei Ditde Ig yo.”

YEHEZKIEL 44:3

Mbro nok gima lo, disindui sut ba, nibou ndig di ninyeng tak kep limwa nya ug ei dimbou pmem dima mem gima yem njita di kwes ei Doho bei a. Noro suar noni coi kak dimbou pmem dima leu ninsi di nindig pima bingkwei-ngkwei nyen kak puig dima.”

YOEL 1:16

Njita timek bingwig bou nyeni igyai him. Bit bon igyai nillei ei tuhan De Ig bu kan bi.

YOEL 2:26

Jide njita beisi midem mem je apino jinghop mpung tut. Gima mibindei ba, jinggei sut tuhan di nok jide Allah lewo Noni bibon mindur mang bibor mem je. Hon kep ammani kui ne ngkiai nya miba ighyet bicig Ditde limwa nya bu bi sren.

IMAM NYA IDE MIDYAI 23:40

Njap gi nigom lene ma jipuk biei ngat di kei bibor kei leu api ma jitot dui meng kin biei nda di nimeng nggrou nindigsi nya hagom kwei leu binhyepo jibinggei sut Da di tuhan lewo dinok jide Allah.

MALEAKHI 2:13

Lene jiyai kepti di kinei gom kin bu no jo. Jibindei ba, jide niyai nggwei di kibor silip tuhan de nimbar hum dokti. Jipim nggruet lewo tuhan kou sut jide mun di jibikuk je bak Noni lene cigit je tut bi.

KISAH 2:46

Yahagom idem yam ei Tuhan De Ig bikwop njap-njap leu api iba ingon llei bibor biyem njita bit yam ei ide ig bei ba, ingon gom cem.

NINDAT KEP TUHAN NICUKTI NYA 12:12

Ma jeni kin jimunggwom bat nya kin jide awak nya kin yo di intun Lewi him di ibong ei jide minu nya jahagom jingon llei sut yam ei minu ttou nsi gom dima ei tuhan di nok jide Allah Noho bei. Lene ma jiyok ngon kep bipia yo di intun Lewi him nya ima ide dihyei hanjop nsi hi mem yonti bi.

NINDAT KEP TUHAN NICUKTI NYA 12:18

Ma jeni kin jimunggwom bat nya kin jide awak nya kin yo di intun Lewi him di ibong ei jide minu nya jahagom jiyem kep mun di jipigig sut ei mem tuhan di nok jide Allah ei Nonti Noho bei ei minu ttou nsi gom ngat di Noni ndo ei mem jikuk je biNoni eisi. Lene ma jillei ngwig sut mun di jiyai nya hagom.

NINDAT KEP TUHAN NICUKTI NYA 12:8

Tirigi nicunti dima dem tu lene ma jiyai bit leu nok jiyai kepti nogindini au. Nipou kwei bipek ammani kep ne jikuk je bak tuhan bit leu jingon kanti.

NINDAT KEP TUHAN NICUKTI NYA 14:23

Lene ma jiyem njita ningat gom leu ningot gom bibikwop nok di jibikuk je bak tuhan ei jide tuhan Allah Noho bei ei mpia di Noni ndo ei nok mpia ttou nsi mem gima jikuk je bak Noni eisi. Ningat gom leu ningot gom bitut gandum kin ba anggur ngei kin mini zaitun kin jide sapi kin kambir kin domba nipmot bo nya hagom. Ma jiyai kep midut dima leu binhyepo jibiyok ngon kep nisinati tut nibikuk je bak jide tuhan Allahti bijo kikau.

NINDAT KEP TUHAN NICUKTI NYA 14:26

Ma jiba mitiei dima bipek mun nyeng di jijoi sut ei mpia ttou nsi dima nok sapi nghui e, he kambir nghui e, he domba nghui e, he ba anggur ngei e, he mun ngei di pu je bi e, nya. Leu api jiya tut jide ig bei nsi nya bijiba jingon di nggei-hi-nggei biyem njita dima bit yam ei jide tuhan Allah Noho bei.

NINDAT KEP TUHAN NICUKTI NYA 15:20

Bikwop ari bingwam lene jiya tut jide ig bei nsi nya ba, jibam mindhe-ndhe dima bijiyem ei jide tuhan Allah Noho bei, ei mpia ttou nsi di Noni ndo ei su.

NINDAT KEP TUHAN NICUKTI NYA 26:11

Ma jipai sigyo tut mun di kei bibor di tuhan di nok jide Allah yai bije kin jide bat nya. Lene ma jisindui sut yo di intun Lewi him kin ngkiai nya di ibong bit je iba yo kum je tirigi jiyem pesta kep nibon midut dima.

NINDAT KEP TUHAN NICUKTI NYA 27:7

Ma jibon midut nibiyai ningon kwes kin Allah ei sirima cem leu binhyepo jibiyai nillei ei jide tuhan Allah Noho bei.

NINDAT KEP TUHAN NICUKTI NYA 28:47

Jide tuhan Allah ba nisinati hagom binjei mun di kei bak jeni tu. Noro jiba jingon di llei kin jingon di nggei-hi-nggei bigikuk je bak Noni bi.

FILIPI 4:4

Handei kon ba, jingon llei bibor bikwop mmun-njap drek dip jide ninok gom kin Tuhanti. Ditigtai je mbigom kin bu “Ma jingon llei bibor!”