Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




NINDAT KEP TUHAN NICUKTI NYA 12:5 - ALLAH NIHYET MEM TUNGWATU NYA

5 Lewo tuhan di nok jide Allah mindo minu ttou nsi gom ngat ei jide mben nya ide hanjop nsi nikieti nya leu binhyepo Nide limwa nya minduk yam bikuk yok biNoni eisi.

အခန်းကိုကြည့်ပါ။ ကော်ပီ




NINDAT KEP TUHAN NICUKTI NYA 12:5
50 ပူးပေါင်းရင်းမြစ်များ  

Lewo side limwa nya minduk yam ug ei minu ndig Yerusalem leu binhyepo ibon midut bak tuhan ei Nide Ig lene mbigom yoni miba ingon com Nibou Ndig Rehabeam ei minu Yehuda hanyen bu leu api migyai nimai bisa.”


Tirigi Rehabeam di Salomo nipmot kui bigwam nok nibou ndig mem minu Yehuda lene nide njap ug ei ari bingwam ningot bitai ba, gom. Ninyeng tak kep timiei Yehuda nya kikau ei nijam ari bingwam simnaimuhwidip brimigtehican ei minu ndig Yerusalem. tuhan dimig minu ndig dima leu minu Israel nindigsi nya ikieti pijum ei nok gumihyep di mben Israel ikuk yok bak Noni eisi. Rehabeam nipmem ninyeng Naama ba, noni ntun mben Amon him.


‘Tirigi po dibuwak Ditde limwa nya kwei leu minu Mesir pima kikau kwei bipek nijam dini kep lene dindo mpia ttou nsi gom mem gima angot Ditde Ig bijikuk je biDa eisi bidem minu Israel nisurti-nipekti hagom bina bi. Noro didimig na di Daud ei leu binhyepo anyeng mitak kep Ditde limwa nya.’ ”


Disut bat jen, tuhan yai hagom bit leu nok Noni preu ei su. Diya luei dicig nok nibou ndig mem je di mben Israel bidingot tuhan De Ig leu binhyepo jikuk je bak jide tuhan Allah eisi.


Noro Allah e, nggon rima akwei bong bit nye ei dihyeisi dini i? Mpia-bbed him bon ninyanti kin nijeisi nok gi dem mem Nani bi. Lene notou Ade Ig di dingot mem Nani nok gi dem mem Nani i?


Handei kon ba, ayok ayai kep Ade Ig dini mem mmun-njap lewo gini ne gumihyep di adimig ei mem Ade limwa nya ikuk yok biNa eisi ri. Handei kon ba, angig atingou mem dihyet tirigi diba doho rok Ade Ig dini bidingat nadi.


Lene nibou pran pima binut bu bipai “He ma jibuhup dihyet bipia jiba jingon com jide tuhan Allah e? Tirigi po Hizkia sok kep je di timiei Yehuda nya kin je di timiei minu ndig Yerusalem leu binhyepo jikuk je bak tuhan ei nimbar hum dok gom ngat ei minu ndig Yerusalem pima lene Hizkia nonti rima bindei ba, tungwatu nya inggek nimbar hum dok nindigsi nya kin mpia hiter di mben Israel ikuk yok bak tuhan eisi bi e?


Lene Daud tri tut “Suar nyeni iwin tuhan Allah De Ig ei gumihyep dini. Suar mben Israel ijem ide mindhe-ndhe di ibui kwei ba, indig kep hum bak tuhan ei nimbar hum dokti dini.”


lene tuhan ndo Nonti bak noni hanyen bu mem mmun bipai bak “Dimiap ade nadi di angat tu ba, dice tut ig dini nok gumihyep mem gima ibui mindhe-ndhe bindig ei nimbar hum dokti bibikuk yok bak Dani.


Imam Yesua di Yozadak nipmot kin nisut bat imam nindigsi nya kin Zerubabel di Sealtiel nipmot bitut nide bat nya cem yahagom ikinding tuhan di mben Israel ide Allah de nimbar hum dok hanyen leu binhyepo ibibon midut nya eisi bit leu nok Allah de awak di Musa pas ei nide Srat Nicukti.


Diyok ngon mem Allah po dimig Yerusalem ei nok mpia gom ngat di tungwatu nya ikuk yok biNoni eisi pima miyai nimai bak bikwop nibou ndig kin keret dihyeisi dini nya di isrep tut dicuk jeti dini binggek tut tuhan De Ig di iwin dima. Dani ne Darius rin ba, ditri tut ditde nicukti tu. Suar tungwatu nya yahagom iba ingon titut yam ce tut ba, ibit.”


Anyohou ba mitiei dima bipek sapi nikre nya kin domba nikre nya kin domba mien nya kin gandum kin ba anggur ngei leu binhyepo abibon midut ei nimbar hum dokti ei tuhan De Ig ei minu ndig Yerusalem.


Ne gino jikiek je bijitti kin Da hanyen bu bijibit dicuk jeti nya ne mbro nok gino dijji je ug ei minu nohon keti lo, midibuwak je hanyen kwei ei minu di didimig ei mem tungwatu nya ikuk yok biDa eisi.


Noro dimig keret Yehuda kin Mbigdip Sion di ningon ngakei.


tuhan di ya srak ko hagau da sindem bibor ba, Noni rino teu da bidingwes ngun. Noni nok ditde Allah. Dikuk da bidinggei sut Noni. Noni ne didigup bat-didigai bat nya ide Allah ri. Gima rino dikon ninyeng di jei.


Ma jiba dihyei bibon nimbar hum dok gom mem Dani. Ma jibui jide domba nya kin sapi nya bijindig kep hum eisi. Lene jiba mindhe-ndhe bihi bikuk je biDa ba, jiba mindhe-ndhe bihi biyai jingon kwes kin Da. Midihwou yai gi kei bije ei mpia ttou nsi di dindo bije mem gima jibikuk je biDa eisi hagom.


Midiya um na hammi Brua dima nibeng lene midimbot kep tut Ditde niggai serti nya mem mben Israel bina tirigi dingat rin ei nai Brua dima nibeng dip ei kerub nya ikieti.”


tuhan pai bida “Ma aug ya ei ninsi di jo bas hak ei tuhan De Ig leu api atri tut dicuk nati nya hagom bak tungwatu nya di ikwei leu minu mien nya ei minu Yehuda di ikwei kuk yok biDa. Ma akos dicuk nati dima poi mien cem leu au.


Ma juug ei Silo. Minu ndig di didimig ei mem gima jikuk je biDa eisi. Ma jingig jiyai kep hukum di dikes ei Ditde limwa nya dip drek dip ide sisar di ibon ei mpia dima bou jiyai him.


Gima rino midikes hukum ei Ditde Ig dini di jiba jingon com di diyai bak jidigup bat-jidigai bat nya kin jeni dip noyam kin hukum di dikes ei Silo dip.


lo, jem mindhe dima kwei bak tuhan biya tut kui dimbou ei tuhan De Prak Meng nuhui bi lene no dima ba ninggrom di kiber dima bipigau tuhan nikos tutti nya. Suar jibibon no dima tereu nok no di nggre kin Allah de limwa nya bu bi.


Bikwop mpe di Musa coi ug ei tuhan De Prak Meng nsi bimbrap bit tuhan lene noni miap tuhan nihyet di tibim kwei leu Brua Gi Preu nibeng dip ei kerub cin ikieti.


tuhan di nok jide Allah mindo minu ttou nsi gom ngat lene ma jikuk je biNoni ei sirima. Lene ma jittei mun di dicuk je tut hagom ei sirima. Nok mindhe-ndhe di jindig kep hum ei nimbar hum dokti kin mindhe-ndhe mem nibon midut nindigsi nya kin mun di jikwas gom leu ningot gom lene nok kin mun nindigsi di jikwas tut Noni kin mun di jipreu ei mem Noni nipou su nya hagom.


Gima rino ma jibui mindhe-ndhe bijindig kep hum ugwai-gwai bit leu nok jingon kanti au.


Ma jeni kin jimunggwom bat nya kin jide awak nya kin yo di intun Lewi him di ibong ei jide minu nya jahagom jiyem kep mun di jipigig sut ei mem tuhan di nok jide Allah ei Nonti Noho bei ei minu ttou nsi gom ngat di Noni ndo ei mem jikuk je biNoni eisi. Lene ma jillei ngwig sut mun di jiyai nya hagom.


Lene ma jikuk je bak tuhan di nok jide Allah bit leu nok ngkiai nya ikuk yok bak ide nungti nya au.


Lene ma jiyem njita ningat gom leu ningot gom bibikwop nok di jibikuk je bak tuhan ei jide tuhan Allah Noho bei ei mpia di Noni ndo ei nok mpia ttou nsi mem gima jikuk je bak Noni eisi. Ningat gom leu ningot gom bitut gandum kin ba anggur ngei kin mini zaitun kin jide sapi kin kambir kin domba nipmot bo nya hagom. Ma jiyai kep midut dima leu binhyepo jibiyok ngon kep nisinati tut nibikuk je bak jide tuhan Allahti bijo kikau.


Gino mpia ttou nsi di Noni ndo ei su pima jo ting bibor leu jide ig bei ba, bit bon jittei njita ningat gom leu ningot gom bibikwop nok di jiyai leu jide miaisi tug hon jide tuhan Allah nisingat tut jeti dima ba, juug sut ei sirima kan bi,


Bikwop ari bingwam lene jiya tut jide ig bei nsi nya ba, jibam mindhe-ndhe dima bijiyem ei jide tuhan Allah Noho bei, ei mpia ttou nsi di Noni ndo ei su.


Suar jiyai nillei bit jimunggwom bat nya kin awak jide nya kin keret Lewi nya kin ngkiai nya kin moibihi nya kin kibom nya di ibong ei jide minu ndig nya. Ma jibon midut dima ei jide tuhan Allah Noho bei ei mpia ttou nsi di Noni ndo ei mem je tu.


Suar jiba midut dima bikon jide tuhan Allah ninyeng kikau mem njap muhwindacan ei mpia ttou nsi di tuhan ndo ei mem je tu.


Ma juug ei mpia di tuhan ndo ei mem gima jikos jide kambir kin domba kin sapi ningut gom eisi nok mun di jibikuk je bak tuhan ei Njap Ndig Paskahti dima leu binhyepo jibikon jide tuhan Allah ninyenga.


Ma jikwen mikwau dima bijiyem ei mpia ttou nsi di tuhan Allah ndo ei su. Ba, njapti kui leu api jingkwei hanyen ug ei jide minu di jibong kep.


Munhyet dino dem tut gima nikei nya ei mpia dima ikos tut kan bi di nggruk bibor bitut no di bisinggre biyai nimai bak tungwagom kin no di yai nimai bak tungwagom kin gi bisinggre ba, nihyet tunggwei yam tut mun di ijem bou yok nok ide cem nihwen yamti di bindei ba, ingkek bok cem lene suar juug sut munhyet dima ug ei mpia ttou nsi di jide tuhan Allah ndo ei su.


Gino tungwagom di ntun keret Lewi him kwei leu minu ndig hiter ei minu Israel bibong ei mpia ttou nsi di tuhan ndo ei su,


lene ma bikwop tungwagom-gom yai njita ninyeng gom-gom di sindi ngat ningat ndrim hi bijikes ei bansiti lene jimbut tut ug ei minu ttou nsi gom ngat po jikuk je bak tuhan di nok jide Allah eisi pima.


Suar jikwop kep niggai serti dini hagom ei juhui him ei mben Israel yoho bei tirigi idem yam ei mem ikuk yok bak tuhan di nok ide Allah ei minu ttou nsi gom di Noni pigig sut ei mem jikuk je biNoni eisi.


Lewo mun di bitut Allah hagom ningat rin ei Kristusti mem nijam di Noni ningat rin nok tungwatu ei dihyeisi dini.


Noro tut jeni ne jikwei ya hon nungug Sion kin Allah Di Niyaijo De minu ndig di Yerusalem nijep ei gwamti bitut malaikati nya ibou sribu-ribu tu.


Tirigi ibindei timek minu ndig nya di tuhan preu ei mem yok hagom tu lene mben Israel yahagom induk yam kwei ei Silo. Leu api itas tuhan De Prak Meng di bindo tut bipia tuhan ningat rin ei ikieti ei mpia dima.


Lo, mben Israel imiap nibimbiti tut keret Ruben kin Gad kin Manasye pima di iwin nimbar hum dok gom ei Gelilot ei Minyei Yordan nite dini kwei tu. Tirigi imiap nibimbiti dima lene yahagom idem yam ei Silo ba, injei siceu mem gima ikon pran bit keret gi hi di ibong ei Minyei Yordan nite bei mpia nipriti.


Noro yuubon yok nok awak ba, iba yok biyai kep midyai nipes kep biei kin nitau kep minyei mem mben Israel kin tuhan de nimbar hum dok cem. No igyai kep midyai dima kikau kwei bipek ammani kep ei mpia di tuhan ndo ei mem ikuk yok biNoni eisi.


Gima ngwig leu lene dingat lo, Domba Pmot ug ya ei nungug Sion ba, Nide limwa nya ibou sribu sratus gom ningot bitai ba, bitai di igya bit Noni igyai Domba Pmot ninyeng kin Nicig ninyeng ei ingwakti tu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ