NINDAT KEP TUHAN NICUKTI NYA 12:31 - ALLAH NIHYET MEM TUNGWATU NYA

³¹ Ma jikuk je bak tuhan di nok jide Allah bit leu nok yoni ikuk yok bak ide nung nyati au. Lewo tirigi ikuk yok bak ide nung nya lene igyai munti nya kinei bibor bibindei ba, tuhan ningon mpo tut yok. Mbenjen! Indig imunggwom bat nya tut igyai noha kep hum ei ide nimbar hum dokti!

NINDAT KEP TUHAN NICUKTI NYA 12:31 ပူးပေါင်းရင်းမြစ်များ

NIBOU NDIG NYA GI NICAN 16:3

Noni yai bram nibou ndig mben Israel di nipou nya igyai munti nya ba, bon mun di tunggwei tug hon nidat nipmot bindig ningut ei nimbar hum dokti bak kwar nya noyam kin yo po tuhan jji yok leu minu Kanaan ei mpe di po mben Israel icoi ug ei minu dima nimbie him pima ide nibon kepti.

NIBOU NDIG NYA GI NICAN 17:31

Nimpung Awa nya ibon kwar Nibhas kin Tartak. Nimpung Sefarwaim nya ibui imunggwom bat nya bindig kep hum ei nimbar hum dokti ba, ibikuk yok bak kwar Adramelekh kin Anamelekh.

NIBOU NDIG NYA GI NICAN 21:2

Manasye bon sisar tut tuhan. Lewo noni yai bram mben di tuhan jji yok leu minu Kanaan ei mpe di po mben Israel icoi ei minu dima igyai kepti di kinei bibor nya.

NIBOU NDIG NYA GI NICAN 3:27

Gima rino noni sujou ba, kat nipmot mighumbou di mikui bigwam nok nibou ndig biya luei nohoti lene bui noni nok mikwau bindig kep hum ei ngug tig ninjek dip noyam kin nibon midut nindig mindhe ei nimbar hum dokti mem bikuk no bak ide kwar di ikuk yok bak. Apino niyai munti dima bindei ba, tentara Israel ingon nde bibor leu api ibrim ide nimpung tentara nya biyom yo leu minu ndig dima bingkwei hanyen ug ei itimieisi.

NIBOHON MBEN ISRAEL GI NICAN 33:2

Manasye bon sisar tut tuhan biyai bram mben di tuhan jji yok leu minu Kanaan ei mpe di po mben Israel icoi ei minu pima igyai kepti di kinei bibor nya.

NIBOHON MBEN ISRAEL GI NICAN 36:14

Mun di kinei hiter bu rino nibou nya di inok nibou mem timiei Yehuda nya kin imam nya kin limwa nya yahagom ibindei ba, map kui tuhan De Ig di tuhan Nonti dimig pijum ei mem Nonti. Yo dima icut ei nikuk yo bak kwar nyati ba, ibon mun bibit leu mben ngkiai di ibong ttai yok nya ibonti di kinei bibor nya cem.

MAZMUR 106:37

Ibui imunggwom bat nya bindig yok ei nimbar hum dokti bak kwar di mben Kanaan nya ide.

NEHEI LEUSI 23:2

Mbro nok gino tungwatu nindigsi yahagom ibon mun di tunggwei tirigi iba ide nimbrap gausi di nijit bi ba, ibiyoom ser ei nikei noho bei lo, ma jitti kin yok au.

YEREMIA 32:35

Ba, iwin nimbar hum dok nya mem ibikuk yok bak Baal ei Mbang Briep Hinom bibui munggwom di ide nya bindig ei nimbar hum dokti dima yok ba, ibikuk yok bak Kwar Molokh. Digicuk yok mem gima ibon sisar di kinei bibor dima ba, ibindei dino ide limwa di mben Yehuda nya cem ibon sisar dima bi sren. Dikan-kan nyenti di nok gima hi jo dibou ngwakti bi sren.”

YEREMIA 7:31

Ba, ibon nimbar hum dok Tofet ei Mbang Briep Hinom leu binhyepo indig imunggwom bat nya tut igyai noha kep hum eisi. Dicuk yok tut nibon munti dima bi ba, ningon kanti dima jo dibou ngwakti cem bi sren.

YEHEZKIEL 20:31

Jibindei ba, map kui jeti tug hon midut nikwas mun tut Da kin midut nindig jimunggwom bat nya ei nimbar hum dokti bak kwar di jikuk je bak cem kikau kwei bipek njap di ammani kep. Leu api jibrim jingkek kep da bijihig ser Da tut dingon kanti mem jeni e? Dipai tug hon Da di Allah di niyaijo kin tuhan Di Ninyeng Jei Bibor dinyeng bipia midice tut gima jahara da bidindo puig bije bi.

YEHEZKIEL 23:27

Tug hon nisinati dima midibindei ba, akes hon ade nikrar kepti kin ade nicut tut pinaisi nya di abon habiei mpe di po angat rin ei minu Mesir pima hagom. Aba angon com kwar di tungwatu nya ikuk yok bak ba, ayok ngon kep minu Mesir cem bu bi.”

IMAM NYA IDE MIDYAI 18:21

Harin dima akes amunggwom bat hi ei mem gima ibui ba, ibikuk yok bak kwar Molokh a. Lewo nibon munti dima binim kep tuhan di nok jide Allah ninyenga.

IMAM NYA IDE MIDYAI 18:3

Harin dima jiyai bram timiei minu Mesir po mpia di jibong eisi nipou pima kin timiei minu Kanaan di mpia di nogindini dibuwak je ug eisi dima igyai kepti nya a.

IMAM NYA IDE MIDYAI 20:2

bipai sut nicukti dini bak mben Israel, “Bikwop no di leu jikieti kin ngkiai nya di ibong timiei ei jikieti cem di bui nimunggwom di ndig kep hum bikuk no bak kwar Molokh lene suar limwa nya yahagom iba tig bihwen bimai hak ug.

MIKHA 6:7

Gino ijem domba ningut sribu-ribu bipwoi mini zaitun di mpung pias hagau kwei mem Noni lene joi sut mun dima yok e? Suar iba ipmot mighumbou bibon midut mem gima ibigo gau ide sisar e?

NINDAT KEP TUHAN NICUKTI NYA 12:30

Niabiati Noni cok tut yok bingwig lene ma jingon sok kep jenti ser nhyema jiyai bram yo dima ide nibon midutti nya au. Leu gi nok lene mijimai bijingwig. Ma jinggok tut notou ikuk yonti bak ide nung nyati ba, jiyai bram igyaisi dima au.

NINDAT KEP TUHAN NICUKTI NYA 12:4

Lene ma jikuk je bak tuhan di nok jide Allah bit leu nok ngkiai nya ikuk yok bak ide nungti nya au.

NINDAT KEP TUHAN NICUKTI NYA 20:18

Suar jiyai nimai biyok ser nhyema ibindei ba, jibon sisar tut jide tuhan Allah tirigi yoni ingginau je nyahan ba, jibon nibon munti di tungwatu nya igyai kou nya tug hon ide nung di ikuk yok bak nya bi.

NINDAT KEP TUHAN NICUKTI NYA 9:4

Niabiati tuhan di nok jide Allah hwen mben dima bingwig leu je lene ma jikan bipia tuhan buwak nye kwei ba, nikieng kep minu dini drek dip nyende nikwes-kwausi e? Nok bi! Noni mihwen yok bingwig leu je drek dip ide nisibut biborti.

NINDAT KEP TUHAN NICUKTI NYA 9:5

tuhan misindui sut jeni bijiyai ide minu bijiyati tug hon jide nikwes-kwausi kin gi jibit Nonti ningon kanti nya bi. Noni mihwen yok bingwig leu je drek dip ide nisibut biborti ba, Noni yai igbit mun po Noni preu ei mem jidigup bat-jidigai bat di Abraham kin Ishak kin Yakub nya cem.