NINDAT KEP TUHAN NICUKTI NYA 12:30 - ALLAH NIHYET MEM TUNGWATU NYA

³⁰ Niabiati Noni cok tut yok bingwig lene ma jingon sok kep jenti ser nhyema jiyai bram yo dima ide nibon midutti nya au. Leu gi nok lene mijimai bijingwig. Ma jinggok tut notou ikuk yonti bak ide nung nyati ba, jiyai bram igyaisi dima au.

NINDAT KEP TUHAN NICUKTI NYA 12:30 ပူးပေါင်းရင်းမြစ်များ

YEHEZKIEL 20:32

Jibindei jenti ba, jinoyam kin ngkiai nya kin timiei minu hiter nya di ikuk yok bak biei kin tig. Noro jingon kanti dima mipek kep mem je bi sren.’ ”

YEREMIA 10:2

Noni pai “Ma jiyai bram ngkiai nya ide niyai kepti nya au. Mbro nok gino ngkiai nya ittin tut bindo di bibon ninggap leusi ei mpia-bbed him lo, jeni ma jidigit tut au.

EFESUS 4:17

Gima rino diba Tuhan ninyeng bisok kep je bipia ma jiyai munti nya noyam kin yo di ingon tindur nya igyai munti nya au. Lewo ingon kanti nya bon ninyeng bi ba,

YEHEZKIEL 20:28

Mpe dino dibuwak yok kwei ei minu di dipreu ei mem yok dini leu api ingat mbigdip di anai nya kin biei di nimeng nggrou nya lene ibon midut nindig mindhe-ndhe ei nimbar hum dokti mem ide kwar di ikuk yok bak ei mpia dima yok. Ibindei ba, digga yok drek dip ide midut dima yok kin anggur di ikwas tut kwar nya di ikuk yok bak.

NINDAT KEP TUHAN NICUKTI NYA 7:16

Bikwop mben di tuhan di nok jide Allah kes ei jindati lene suar ma jihwen yahagom bingwig hak ug. Lene ma jingondut yok au. Ma jikuk je bak ide nung di yoni ikuk yok bak nya au. Leu gi nok lene mijitug ndei hukum nimai drek dip.

ROMA 12:2

Ma jiyai bram mun di bon ninyeng mem tungwatu dihyeisi dini kin igyai kepti nya au. Noro ma jisindui sut ba, Allah bibon jenti njem nok nijep bu. Tug hon nisinati dima mijikan tut Allah ningon kanti di kei bibor di biyai Allah ningon llei bibor bikwes-kwau mem jenti.

NIBOU NDIG NYA GI NICAN 17:15

Mben Israel kin timiei Yehuda nya ikou sut gima ibit tuhan nicuk yokti nya lene iba ingon di gom biyok ngon kep gi preu po tuhan bon mem idigup bat-idigai bat nya pima bi. Isem tut tuhan nipingok kep yokti nya cem leu api ikuk yok bak kwar nya di bon ninyeng bi. Apino yonti cem ibon inyeng ei tuhan niyai him bi. Mbro nok gino tuhan ggai ser yok lo, iba ingkek di ndok biyai bram mben di ibong ttai yok igyaisi nya hagom.

MBEN ISRAEL IMBUT-MBUT NYEN 33:52

lene suar jijji timiei minu dima yahagom leu hak ug. Suar jibindei sar ide kwar di iba tig kin ngkimom nitu bibon bitut ide mpia ttou nsi nya di ikuk yok bak ide kwar nya eisi cem.

IMAM NYA IDE MIDYAI 18:3

Harin dima jiyai bram timiei minu Mesir po mpia di jibong eisi nipou pima kin timiei minu Kanaan di mpia di nogindini dibuwak je ug eisi dima igyai kepti nya a.

NEHEI LEUSI 23:24

Ma jikuk je bak yo dima ide kwar nya di inyohou yo dima ba, jinggei sut yok au. Tirigi yo dima ibon midut lene jiyai bram igyai kepti nya au. Ma jinggek ide kwar di ikuk yok bak nya ba, jitam hagom binnir-wap lene jinggek ide cou tig nya di ipigig ser bikuk yok bak cem.

NINDAT KEP TUHAN NICUKTI NYA 12:29

“tuhan di nok jide Allah micok tut ngkiai nya bingwig hammi tirigi jicoi ug ei ide minu leu api mijikieng kep bijibong kei jigwam kei eisi.

NINDAT KEP TUHAN NICUKTI NYA 12:31

Ma jikuk je bak tuhan di nok jide Allah bit leu nok yoni ikuk yok bak ide nung nyati au. Lewo tirigi ikuk yok bak ide nung nya lene igyai munti nya kinei bibor bibindei ba, tuhan ningon mpo tut yok. Mbenjen! Indig imunggwom bat nya tut igyai noha kep hum ei ide nimbar hum dokti!

NINDAT KEP TUHAN NICUKTI NYA 20:18

Suar jiyai nimai biyok ser nhyema ibindei ba, jibon sisar tut jide tuhan Allah tirigi yoni ingginau je nyahan ba, jibon nibon munti di tungwatu nya igyai kou nya tug hon ide nung di ikuk yok bak nya bi.

IMAM NYA IDE MIDYAI 18:30

Gima rino tuhan pai “Ma jibit dicuk jeti nya di diyai bije lene ma jiyai bram yo di ibong ei minu Kanaan nipou jeni bigyo nya igyai kepti nya au. Ma jibindei ba, map kui jeti tug hon nibon munti dima yok au. Dani ne tuhan ba, jide Allah ri.”

NINDAT KEP TUHAN NICUKTI NYA 11:16

Ma jisindui sut ba, nung di jikuk je bak nya mimbres je ting leu tuhan bibindei ba, jikuk je bak bijiyai jingon gom bak cem au.

NINDAT KEP TUHAN NICUKTI NYA 18:9

“Tirigino jicoi ug ei minu di jide tuhan Allah miyai bije lene ma jiyai bram ngkiai nya di ibong ei minu dima ide nibon munti di kinei nya au.

NIBOU NDIG NYA GI NICAN 16:10

Tirigi Nibou Ndig Ahas ug ei Damsyik leu binhyepo ug um Nibou Ndig Tiglat-Pileser lene noni ngat timiei minu dima ide nimbar hum dok leu api kilis nimbar hum dok dima ningwes di bingon bipinak bak Imam Uria ei minu ndig Yerusalem. Noni ba nide nai binai ninyanti kin nanaisi kin nijeisi nya hagom bidem kei.

YEHEZKIEL 11:12

Mijikan tut bipia Dani ne tuhan rin ba, dikes hukum ei je dip drek dip gi jipigau Ditde nidimigsi nya ba, jiba jikou yai Ditde nicukti nya leu lene jibit ngkiai nya di ibong ttai je nya ide niggai serti nya.”