NINDAT KEP TUHAN NICUKTI NYA 12:3 - ALLAH NIHYET MEM TUNGWATU NYA

³ Suar jinggek ide nimbar hum dok nya ba, jiki ide cou tig di ipigig sut nya kukiau cem jindig ide nung mien nya di bindo tut kwar nisop Asyera kep hum cem jidram ide nung nindigsi di ikuk yok bak nya cem bingwig. Gima hagom nok leu binhyepo bit bon ikuk yok bak nung dima yok ei mpia ttou nsi nya dima hanyen bu kan bi.

NINDAT KEP TUHAN NICUKTI NYA 12:3 ပူးပေါင်းရင်းမြစ်များ

NIBOU NDIG NYA GI NIGOM 14:15

tuhan kinyon ei midyai nikes hukum ei mben Israel dipti tu. Apino yoni midem kep krun di kit-kit nyen ei minyei di biam sindemti. tuhan mohom mben Israel leu minu di nnum kei di Noni yai bak idigup bat-idigai bat nya nipou su dini. Noni mibindei ntek gimahap yok ug ei Minyei Efrat nite dima ug. Lewo ibindei ba, tuhan gga yok drek dip kwar sop Asyera ngot di ibon nya.

NIBOU NDIG NYA GI NIGOM 15:13

Lene bindei cut Maakha ninyeng leu nibou ndig sop cem. Lewo nidrot dima bon kwar di kinei bibor mem kwar sop Asyera di tungwatu nya ikan bipia bindei mun nyeng hagom nnum kei. Asa nggek kwar di ikuk yok bak dima bindig kep hum ei Mbang Briep Kidron.

NIBOU NDIG NYA GI NICAN 11:18

Gima leu lene limwa nya injei bicoi ug ei Baal nibousi binggek. Lene ibinggek nimbar hum dok kin kwar di ikuk yok bak nya cem hagom ningwig a. Lene igyai nimai bak Matan di imam Baal cem ei nimbar hum dok dima nuhui a. Lene Yoyada kes yo di igya ser Tuhan De Ig cem bigya ser bingkiem.

NIBOU NDIG NYA GI NICAN 18:4

Noni ya kep mpia di tungwatu nya ikuk yok bak kwar eisi nya binggek hagom bitut kwar nidihim nya kin kwar Asyera ngot cem bingwig. Lene noni nggek wou ngkimom-tembaga di Musa bon di ibijem ninyeng Nehustan cem. Lewo mben Israel indig biei nggrai di ui-gwang kei ba, ibikuk yok bak wou dima kikau bipek nijam dima kep.

NIBOU NDIG NYA GI NICAN 23:14

Yosia bindei ba, inggek cou nibiyok ngon kep kwar nya kin kwar nisop Asyera hagom leu api ibindei suwok tug hon gi idis nimai njum bidem ei mpia dima.

NIBOHON MBEN ISRAEL GI NICAN 14:2

Asa bon kep mun di igbit kin mun di kei nya ba, bipwoi nide Allah ningon a.

NIBOHON MBEN ISRAEL GI NICAN 14:3

Ninda jo kep nimbar hum dok kin mpia di ikuk yo bak kwar eisi nya di mben ngkiai ide binggek hagom bingwig. Lene ya kep kwar di itas ei nya ba, kki bindung-ndiem hak ba, ya kep dihim di itas ei mem kwar Sop Asyera nya cem binjei bitti hak ug.

NIBOHON MBEN ISRAEL GI NICAN 19:3

Mbro nok gima lo, nibon munti di kei no ntun Na Di Andigpoi him yo. Acok tut cou dihim di kwar Sop Asyera de limwa nya ikuk yok bak nya hagom ba, abrim angkek mem gima ayai munti dem igbit Allah ningon kanti cem tu.”

NIBOHON MBEN ISRAEL GI NICAN 31:1

Tirigi ibon midut kep Njap Ndig Paskah ba, ikes inda tut leu su lene limwa nya intek bigya bikwop minu ndig ngot di jo bidem hanjop Yehuda hagom. Igya kep kwar nidihim ndig di itas pijum nya hagom bikki bindung-ndiem kei. Igya kep kwar ngot di ibon mem kwar Sop Asyera cem ba, ibindei tti ug ei dihyeiti. Igya kep nimbar hum dok nya kin mpia di ikuk yo bak kwar nya eisi cem bitimek hak ug. Igyai ibou tut gima ei mpia ttou nsi hiter ei minu Yehuda kin keret Benyamin kin Efraim kin Manasye nya ide hanjop nsi cem hagom. Gima leu api yahagom ingkwei hanyen ug ei ide minu ndig di ibong ser nya gom-gom.

NIBOHON MBEN ISRAEL GI NICAN 34:3

Tirigi Yosia kui bigwam nok nibou ndig ei mpe di pilei ngat yo dima bininyeng tak kep mem nijam ari bingwam muhwindaningai leu su lene noni kinyon ei nikuk no bak Allah di nidigai Daud kuk no bak nipou su. Ari bingwam bitai gi nidipti bu ne noni bindei nggek mpia di tungwatu nya ikuk yo bak kwar Sop Asyera ngot kin kwar nindigsi nya hagom eisi nya binnir wap hak.

MAZMUR 16:4

Yo di ikuk yok bak kwar nya mitug ndei mun di buhun tak yok nindig bibor. Midinjei bit yok tirigi ibon midut nindig mindhe-ndhe nya kep hum bak ide kwar nya ba, midindat kep kwar dima yok inyeng ei duhui him bi sren.

NEHEI LEUSI 23:13

Ma jiyok ngon kep Ditde nicuk jeti nya hagom. Ma jikuk je bijahara bak ngkiai ide nung di ikuk yok bak nya au. Harin dima jindat kep nung dima ninyenga.”

NEHEI LEUSI 23:24

Ma jikuk je bak yo dima ide kwar nya di inyohou yo dima ba, jinggei sut yok au. Tirigi yo dima ibon midut lene jiyai bram igyai kepti nya au. Ma jinggek ide kwar di ikuk yok bak nya ba, jitam hagom binnir-wap lene jinggek ide cou tig nya di ipigig ser bikuk yok bak cem.

NEHEI LEUSI 34:13

Noro suar jinggek ide kwar di ikuk yok bak nya ba, jitam binnir-wap ba, jinggek ide cou tig di ipigig sut ei mem ide kwar di ikuk yok bak nya cem. Lene ma jiwim ide biei di ipigig sut ei mem kwar nisop di ninyeng Asyera cem.

YESAYA 27:9

Noro gino mben Israel itam kwar di ikuk yok bak nya ide nimbar hum dok nya bindung-diem lene Noni mikos ser ide sisar. Suar ma ibindei timek ide nimbar di indig biei nggrai di ui-gwang kei eisi nya kin kwar di bindo tut Kwar Sop Asyera hagom ningwig a.

YEREMIA 17:2

Limwa jide nya ikuk yok bak nimbar hum dok kin cou dihim nya di itas mem gima ibikuk yok bak Kwar Sop Asyera cem. Mun dima jo bidem biei di nimeng nggrou nibehei hagom kin mbigdip ninggram him hagom,

HOSEA 2:17

Midipai ser noni leu binhyepo noni ndat kwar Baal ninyeng bu bi sren. Apino tungwatu nya migyok ngon kep kwar Baal ninyeng bu bi.

MIKHA 5:14

Midiba Ditde nigga biborti di cig-cai bibirop hanyen bak mben dihyeisi dini nya di ibit dihyet bi hagom.”

ZAKHARIA 13:2

Njap dima dem ne mididip tut kwar di ikuk yok bak nya inyeng leu dihyei dini leu binhyepo hi dima miyok ngon kep ninyeng dima bu bi. Midijji yo di ikon yonti inyeng binok nabi nitrowai nya kin yo di ninnei di kinei ya ingonti nya yahagom.

MBEN ISRAEL IMBUT-MBUT NYEN 33:52

lene suar jijji timiei minu dima yahagom leu hak ug. Suar jibindei sar ide kwar di iba tig kin ngkimom nitu bibon bitut ide mpia ttou nsi nya di ikuk yok bak ide kwar nya eisi cem.

NINDAT KEP TUHAN NICUKTI NYA 12:4

Lene ma jikuk je bak tuhan di nok jide Allah bit leu nok ngkiai nya ikuk yok bak ide nungti nya au.

NINDAT KEP TUHAN NICUKTI NYA 7:25

Ma jindig ide kwar di ikuk yok bak nya kep huma. Ma jingon pri kep perak kin mas di jo kin ide kwar nya bijiyai mem jenti au. Gino jiyai mun dima yok mem jenti lene mijitug ndei nimai drek dip lewo tuhan di nok jide Allah ningon mpo tut yo di ikuk yok bak kwar nya.

NINDAT KEP TUHAN NICUKTI NYA 7:5

Gima rino ma jinggek ide nimbar hum dok nya ba, jiki ide cou tig di ipigig sut nya kukiau bijitam ide kwar mien di bindo tut kwar nisop Asyera nya cem leu api ma jindig ide kwar nindigsi di ikuk yok bak nya kep hum bingwig.

NINGAT-HI-NGAT NYA 13:1

Leu api dingat lo, mindhe hiter di niten-pos ningut gom kiju kwei leu muk jou. Noni bon nibou muhwindacan ba, nibou nggai simnai ntun nibou muhwindacan pima him lene ttin topi mas bikwop ei nibou nggaiti. Leu api srat bokti di wer mpiahi tut Allah jo bikwop ei nibou ngwakti nya.

NIJAM NIKEI NYA 2:2

Gima rino ma jeni kin timiei nya ei minu dini jipreu sut mun biyam au. Ma jinggek ide nimbar hum dok nya hagom bingwig. Dipai nok noro jiyai mun bit leu nok dicuk jeti pima bi. Lewo ningat lene jinyohou ide nimbar hum dok nya nok gi kei tu.