NINDAT KEP TUHAN NICUKTI NYA 12:20 - ALLAH NIHYET MEM TUNGWATU NYA

²⁰ Tirigi tuhan di nok jide Allah binut jide hanjop ba, nindig bibor bu ei minu di Noni preu ei mem je lene Noni sindui sut gima jiyem mikwau bit leu jingon kanti.

NINDAT KEP TUHAN NICUKTI NYA 12:20 ပူးပေါင်းရင်းမြစ်များ

NITRITI 28:14

Yo di intun nani him midigek kep mpia ba, imangti ningot ndig noyam kin dihyei ndung nimangti. Lene mporo yoni mikieng kep mpia ug ei nite bei mpia nicutti kin nite bei mpia nipriti kin nite bei mpia nijjai kin nite bei mpia nibiho. Ba, mben dihyeisi dini hagom mporo mitug ndei mun di kei tug hon nani kin ade nintun him yamti di bram yam nya cem.

NITRITI 31:30

Dikan tut bipia ambut leu da ba, angon bisau sut gima angkwei hanyen ug ei atimieisi. Noro nggon rino anggimang nyende kwar di nikuk nye bak nya ba, anang tut i?”

SAMUEL GI NICAN 13:39

Tirigi Daud ningon nggukti kes hon tu lene ningon ya mem Absalom nikwei hanyenti.

SAMUEL GI NICAN 23:15

Lene Daud ningon ngguk tut nitimieisi dima bipai “Ayoo! Handei krai minyei di biam leu minyei bousi di jo dideu dimbou pmem nuhui ei Betlehem kwei bididut kep dinggobiausi ug o!”

NIBOHON MBEN ISRAEL GI NIGOM 4:10

Mpe di gom ne Yabes ngat nadi bak mben Israel ide Allah bipai “Allah e, handei kon ba, anjei mun di kei bak dani lene abindei ba, ditde dihyei hanjop nsi bres binindig bibor bu cem. Anyohou da ba, mun di buhun jo minu ting leu da leu binhyepo diyai dinghuisi wei drek dip bi.” Leu api Allah buhup bak bit leu naharati dima.

MAZMUR 107:9

Lewo Noni yai minyei biyok ba, bicug inggobiausi leu yok leu api kwas njita tut yok bibindei ba, ninggum di hwen yok pren leu yok.

MAZMUR 119:174

Diyok dingon mem Ade niteu da bidingwes ngunti. Ade nikos tutti nya biyai dingon nggei-hi-nggei.

MAZMUR 119:20

Ditde ningon di ya mem ahyetti dima bindei ba, dingon dut. Disuar gi dingon dorti tut Ade nikos tutti nya bikwop mmun-njap.

MAZMUR 119:40

Ayai niyaijo nijep bida lewo angon sren-srau. Dibimbeu sut nibit Ade nikos tutti nya bibor.

MAZMUR 63:1

Doia Daud mpe di noni ningat rin ei iggum ndigsi Yehuda.

MAZMUR 84:2

Allah Di Sindem Bibor e, dingon ngakei Ade ig di abong ser dima nindig bibor!

NEHEI LEUSI 23:31

Lene midipek minu dima bak jeni ba, nijeisi jo leu minyei Akaba kikau ug bipek kin Minyei Efrat lene jo leu Muk Hacan nintig dip kikau ug bipek kin iggum dip ninghas him. Midisindem tut je leu binhyepo jijji timiei nya ei minu dima bingwig leu je sindam tirigi jidigek kep mpia.

NEHEI LEUSI 34:24

Niabiati dijji ngkiai nya leu joho bei lene dibindei ba, minu dima bon nibresti nindig bibor mem je tu lene bit bon jide siceu hi kwei pos minu dima hanyen leu je tirigi jidem yam ei mem nibon midut ninyeng ningai pima kan bi.

MBEN ISRAEL IMBUT-MBUT NYEN 11:20

Noro mijiyem kep mikwau dima kikau mem bed nitindur gom bibou mikwau dima nos je bijinjim tut. Mun dini micut igkep je drek dip gi jingon mpo tut Da di tuhan di dingat rin ei jikieti cem drek dip gi jinso-nso nyen biDa bijipai ikan nye ikwei leu minu Mesir mem mindei i?”

MBEN ISRAEL IMBUT-MBUT NYEN 11:34

Gima rino tungwatu nya ijem mpia ttou nsi dima ninyeng “Niduhwen Mikwau Ijui Dip” lewo itig yo di inso-nso nyen tut gi ikimam mikwau pima yok ingut ei sirima.

MBEN ISRAEL IMBUT-MBUT NYEN 11:4

Mpe dima ne ngkiai nya cem iba yo kum mben Israel kak puig sinon dima lo, ngkiai dima yok ikimam mikwau nindig bibor. Apino mben Israel cem sindi inso-nso nyen bipai “Ayo! Mikwau hi mem nye bigyem e!

KORINTUS GI NICAN 9:14

Iba ide ningon ngakei jeti bingat nadi tindei je drek dip Allah nisingat tut jeti di dor njiriek.

NINDAT KEP TUHAN NICUKTI NYA 11:24

Bikwop dihyei hanjop nsi di jico niti nya ne mijinyeng tak kep hagom. Jinyeng mitak kep minu nisurti-nipekti dima leu iggum ndigsi ei nite bei mpia nibiho kikau ug ei Nungug Libanon nya ei nite bei mpia nijjai cem leu Minyei Efrat ei nite bei mpia nipriti kikau ug ei Muk Hacan ei nite bei mpia nicutti.

NINDAT KEP TUHAN NICUKTI NYA 12:15

Noro tut jide mindhe-ndhe nindigsi nya lene ma jibui mikwau dima mem jenti igbit jide biyati. tuhan di nok jide Allah sindui sut gima jiyem mikwau dima dem igbit nimangti di Noni yai bije tu. Noni sindui sut gima yo di ingon kwes nya kin yo di map kui yok yahagom igyem mikwau dima bit leu nok jiyem rusa kin mindhe kijang ninghuigya.

NINDAT KEP TUHAN NICUKTI NYA 12:21

Gino minu ttou nsi gom ngat di Noni ndo ei su jo minu ting bibor lene Noni misindui sut gima jibui mindhe-ndhe di jihyen kep nya di Noni yai bije tu ba, jiyem mikwau dima ei jide ig bei bit leu jingon kanti nok gi po dipai bije tu pima.

NINDAT KEP TUHAN NICUKTI NYA 19:8

Tirigino jide tuhan Allah bindei bres jide minu nijeisi kin ninyanti noyam kin gi po Noni preu ei mem jidigup bat-jidigai bat nya pima ba, yai minu dima titut yam bije tu,

FILIPI 1:8

Allah ngat bou niyai him bipia dipai mingat bije mpe dino dipai bipia dingon ya mem je tug hon ningon ngakeisi di ntun Kristus Yesus Nonti ningon ngakei jeti him.

FILIPI 2:26

Ningon ngguk tut jahagom ba, ningon mbut-mbut nyen tirigi noni miap tut bipia ninghapti tibim tut ninggwenti hwou bak jeni tu.