NINDAT KEP TUHAN NICUKTI NYA 12:2 - ALLAH NIHYET MEM TUNGWATU NYA

² Tirigi jikieng kep minu jep dima lene suar jicok tut mpia ttou nsi di ngkiai dima yok ikuk yok bak ide nung nya eisi bitut gi hi di jo ei mbigdip nya kin nungug tou nya kin biei di nimeng nggrou ninghousi hagom.

NINDAT KEP TUHAN NICUKTI NYA 12:2 ပူးပေါင်းရင်းမြစ်များ

NIBOU NDIG NYA GI NIGOM 14:23

Iwin mpia ttou nsi di mem ikuk yok bak kwar nya eisi ba, iba tig di jei biwin dihim di itas pijum nya di mem ide kwar sop Asyera cem itas kwar nisop dima ei mbigdip nya kin biei di nimeng nggrou nibehei nya cem bikuk yok bak eisi.

NIBOU NDIG NYA GI NIGOM 3:2

Nijam di noni ngot tuhan De Ig bigyo lene nide limwa nya ibon midut nindig mindhe titut ei nimbar hum dokti ei mpia ttou nsi mang bibor.

NIBOU NDIG NYA GI NICAN 11:18

Gima leu lene limwa nya injei bicoi ug ei Baal nibousi binggek. Lene ibinggek nimbar hum dok kin kwar di ikuk yok bak nya cem hagom ningwig a. Lene igyai nimai bak Matan di imam Baal cem ei nimbar hum dok dima nuhui a. Lene Yoyada kes yo di igya ser Tuhan De Ig cem bigya ser bingkiem.

NIBOU NDIG NYA GI NICAN 16:4

Ahas ba nibon midut nindig mindhe ei nimbar hum dokti kin nibon midut nindig biei nggrai di ui-gwang keiti ba, bikuk no bak kwar nya ei mpia di nide limwa nya ikuk yok bak kwar eisi nya ei bibikwop mbigdip kin biei di nimeng nggrou nya nibehei cem.

NIBOU NDIG NYA GI NICAN 23:13

Noni bindei ba, map kui nimbar hum dok di Salomo bon dideu minu ndig Yerusalem bei mpia nipriti dideu Nungug Zaitun bei mpia nibiho cem. Salomo pigig ser nimbar hum dok dini ei mem mben Sidon ide kwar Asytoret kin mben Moab ide kwar Kamos kin mben Amon ide kwar Milkom noro hagom bindei ba, tungwatu nya igyai ngkek ttin.

MAZMUR 78:58

Isrep huk Allah tug hon ide mpia di iwin mem ibikuk yok bak kwar nya. Ibindei ba, ningwak mbriu sut yok tug hon ide kwar di ikuk yok bak nya.

NEHEI LEUSI 23:24

Ma jikuk je bak yo dima ide kwar nya di inyohou yo dima ba, jinggei sut yok au. Tirigi yo dima ibon midut lene jiyai bram igyai kepti nya au. Ma jinggek ide kwar di ikuk yok bak nya ba, jitam hagom binnir-wap lene jinggek ide cou tig nya di ipigig ser bikuk yok bak cem.

YESAYA 36:7

Leu lene nibou pran dima binut nihyet bu bipai “He ma jibuhup bipia jiba jingon com jide tuhan Allah e? Tirigi po Hizkia cuk je di timiei Yehuda nya kin je di timiei minu ndig Yerusalem leu binhyepo jikuk je bak tuhan ei nimbar gom ngat ei minu ndig Yerusalem nuhui he pima lo, ningat ne tuhan Nonti cok tut nimbar hum dok kin gumihyep nikuk no bak Noni eisi nindigsi nya tu pima bi e?

YEREMIA 17:2

Limwa jide nya ikuk yok bak nimbar hum dok kin cou dihim nya di itas mem gima ibikuk yok bak Kwar Sop Asyera cem. Mun dima jo bidem biei di nimeng nggrou nibehei hagom kin mbigdip ninggram him hagom,

YEREMIA 2:20

tuhan Di Ninyeng Jei Bibor pai “Je di mben Israel e, jikou sut gi jinok Ditde limwa nya. Jibit dihyet bijikuk je biDa cem bi ninno tu. Noro jikuk je bak kwar di ninyeng kwar Ningat Ntun Himti bidem mbigdip nya kin biei ndig di nggrou kei nibehei nya hagom.

YEREMIA 3:13

Ma jipai jit bipia jitunggwei ba, jihwen bit jide tuhan Allah tu. Ma jipai jit bipia jikiber jide ningon ngakeisi ei nung di ngkiai nya ikuk yok bak nya cem ei bikwop biei ndig di nimeng nggrou nibehei nya cem ba, jibit Ditde nicuk jeti nya bu bi cem tu. Da di tuhan disimbot dat tu.”

YEREMIA 3:2

Jikon jibou bijimian kui ug ei mbigdip ninggram him nya! Ba, jingat mpia di tou rino juug ei di jicut ei sisar nikrar kep yamti bigyo i? Jiyai munti dima dem kep mben Arab ei iggum ndigsi. Jigwam sir puig ninghas bijimem kep ser no di kwei yem njita tut sop di nikrar jut. Jibindei ba, map kui minu dini tug hon jide nicut ei sisar niyem njita tut sop hiterti kin jide nibon mun di kinei biborti cem.

YEREMIA 3:6

Mpe di Nibou Ndig Yosia ninyeng tak kep limwa nya lene tuhan pai bida “Angat mun di mben Israel di inok sop di ningon gom bi dima ibon tu e? Ikes Dani ei leu ba, icut ei sisar nicut tut yamti bikwop mbigdip di anai kin bikwop biei ndig di nimeng nggrou nibehei cem hagom.

HOSEA 4:13

Jindig mindhe-ndhe nya ei kwar nya ide nimbar hum dokti ei mbigdip nya. Jindig biei nggrai di ui-gwang kei ei biei ndig di nimeng nggrou nya nibehei lewo mpia dima bon mpia di mbum-bra. Apino jipmisop bat nya ibon yonti nok sop di ikrar jut nya lene jignyot bat nya ibon yonti nok sop di icut tut pinai nya ariwace.

MBEN ISRAEL IMBUT-MBUT NYEN 22:41

Njap di hyep bu lene Balak buwak Bileam ba, ikui nungug Bamot-Baal. Lene Bileam ngat mben Israel ide prak meng nya nite hi he.

NINDAT KEP TUHAN NICUKTI NYA 7:5

Gima rino ma jinggek ide nimbar hum dok nya ba, jiki ide cou tig di ipigig sut nya kukiau bijitam ide kwar mien di bindo tut kwar nisop Asyera nya cem leu api ma jindig ide kwar nindigsi di ikuk yok bak nya kep hum bingwig.

NIJAM NIKEI NYA 2:2

Gima rino ma jeni kin timiei nya ei minu dini jipreu sut mun biyam au. Ma jinggek ide nimbar hum dok nya hagom bingwig. Dipai nok noro jiyai mun bit leu nok dicuk jeti pima bi. Lewo ningat lene jinyohou ide nimbar hum dok nya nok gi kei tu.