NINDAT KEP TUHAN NICUKTI NYA 12:14 - ALLAH NIHYET MEM TUNGWATU NYA

¹⁴ Suar jibui mindhe-ndhe dima ei minu ttou nsi gom ngat di tuhan mindo bije ei jide mben nya ikieti. Ma jibui mindhe-ndhe di jindig kep hum ei nimbar hum dokti ba, jiyai igbit dicuk jeti nindigsi nya hagom ei minu ttou nsi gom ngat dima he.

NINDAT KEP TUHAN NICUKTI NYA 12:14 ပူးပေါင်းရင်းမြစ်များ

NIBOU NDIG NYA GI NIGOM 12:27

Lewo side limwa nya minduk yam ug ei minu ndig Yerusalem leu binhyepo ibon midut bak tuhan ei Nide Ig lene mbigom yoni miba ingon com Nibou Ndig Rehabeam ei minu Yehuda hanyen bu leu api migyai nimai bisa.”

NIBOU NDIG NYA GI NIGOM 8:29

Handei kon ba, ayok ayai kep Ade Ig dini mem mmun-njap lewo gini ne gumihyep di adimig ei mem Ade limwa nya ikuk yok biNa eisi ri. Handei kon ba, angig atingou mem dihyet tirigi diba doho rok Ade Ig dini bidingat nadi.

NIBOU NDIG NYA GI NICAN 18:22

Lene nibou pran pima binut bu bipai “He ma jibuhup dihyet bipia jiba jingon com jide tuhan Allah e? Tirigi po Hizkia sok kep je di timiei Yehuda nya kin je di timiei minu ndig Yerusalem leu binhyepo jikuk je bak tuhan ei nimbar hum dok gom ngat ei minu ndig Yerusalem pima lene Hizkia nonti rima bindei ba, tungwatu nya inggek nimbar hum dok nindigsi nya kin mpia hiter di mben Israel ikuk yok bak tuhan eisi bi e?

NIBOHON MBEN ISRAEL GI NIGOM 22:1

Lene Daud tri tut “Suar nyeni iwin tuhan Allah De Ig ei gumihyep dini. Suar mben Israel ijem ide mindhe-ndhe di ibui kwei ba, indig kep hum bak tuhan ei nimbar hum dokti dini.”

MAZMUR 5:7

Abindei sar yo di iris mun igkei yahagom ba, angwes om kep niris kep mun cig nya kin nihwen kep mun cig nya.

MAZMUR 9:11

tuhan e, yo di ikan tut Nani iba ingon com Nani lene akes yo di ikuk yok biNani ei bi.

IMAM NYA IDE MIDYAI 17:3

Gino mben Israel gom bui mindhe nok nide sapi e, he domba e, he kambir e, bak tuhan ei mben Israel ide prak meng yati kin prak meng yati nisai cem,

IMAM NYA IDE MIDYAI 17:4

lo, jem mindhe dima kwei bak tuhan biya tut kui dimbou ei tuhan De Prak Meng nuhui bi lene no dima ba ninggrom di kiber dima bipigau tuhan nikos tutti nya. Suar jibibon no dima tereu nok no di nggre kin Allah de limwa nya bu bi.

KORINTUS GI NICAN 5:19

Nitri tut bipia Allah yai tungwatu yahagom ingon kwes kin Noni hanyen tug hon Kristus. Noni kwop kep ide sisar di ibon tunggwei sut Noni bu bi. Leu api Allah kes midyai nitri tut ningon kwes kin Noniti hanyen ei nye dip tu.

NINDAT KEP TUHAN NICUKTI NYA 12:11

tuhan di nok jide Allah mindo minu ttou nsi gom ngat lene ma jikuk je biNoni ei sirima. Lene ma jittei mun di dicuk je tut hagom ei sirima. Nok mindhe-ndhe di jindig kep hum ei nimbar hum dokti kin mindhe-ndhe mem nibon midut nindigsi nya kin mun di jikwas gom leu ningot gom lene nok kin mun nindigsi di jikwas tut Noni kin mun di jipreu ei mem Noni nipou su nya hagom.

NINDAT KEP TUHAN NICUKTI NYA 12:13

Gima rino ma jibui mindhe-ndhe bijindig kep hum ugwai-gwai bit leu nok jingon kanti au.

NINDAT KEP TUHAN NICUKTI NYA 12:15

Noro tut jide mindhe-ndhe nindigsi nya lene ma jibui mikwau dima mem jenti igbit jide biyati. tuhan di nok jide Allah sindui sut gima jiyem mikwau dima dem igbit nimangti di Noni yai bije tu. Noni sindui sut gima yo di ingon kwes nya kin yo di map kui yok yahagom igyem mikwau dima bit leu nok jiyem rusa kin mindhe kijang ninghuigya.

NINDAT KEP TUHAN NICUKTI NYA 12:18

Ma jeni kin jimunggwom bat nya kin jide awak nya kin yo di intun Lewi him di ibong ei jide minu nya jahagom jiyem kep mun di jipigig sut ei mem tuhan di nok jide Allah ei Nonti Noho bei ei minu ttou nsi gom ngat di Noni ndo ei mem jikuk je biNoni eisi. Lene ma jillei ngwig sut mun di jiyai nya hagom.

NINDAT KEP TUHAN NICUKTI NYA 12:5

Lewo tuhan di nok jide Allah mindo minu ttou nsi gom ngat ei jide mben nya ide hanjop nsi nikieti nya leu binhyepo Nide limwa nya minduk yam bikuk yok biNoni eisi.

NINDAT KEP TUHAN NICUKTI NYA 14:23

Lene ma jiyem njita ningat gom leu ningot gom bibikwop nok di jibikuk je bak tuhan ei jide tuhan Allah Noho bei ei mpia di Noni ndo ei nok mpia ttou nsi mem gima jikuk je bak Noni eisi. Ningat gom leu ningot gom bitut gandum kin ba anggur ngei kin mini zaitun kin jide sapi kin kambir kin domba nipmot bo nya hagom. Ma jiyai kep midut dima leu binhyepo jibiyok ngon kep nisinati tut nibikuk je bak jide tuhan Allahti bijo kikau.

NINDAT KEP TUHAN NICUKTI NYA 15:20

Bikwop ari bingwam lene jiya tut jide ig bei nsi nya ba, jibam mindhe-ndhe dima bijiyem ei jide tuhan Allah Noho bei, ei mpia ttou nsi di Noni ndo ei su.

NINDAT KEP TUHAN NICUKTI NYA 16:2

Ma juug ei mpia di tuhan ndo ei mem gima jikos jide kambir kin domba kin sapi ningut gom eisi nok mun di jibikuk je bak tuhan ei Njap Ndig Paskahti dima leu binhyepo jibikon jide tuhan Allah ninyenga.

NINDAT KEP TUHAN NICUKTI NYA 17:8

Munhyet dino dem tut gima nikei nya ei mpia dima ikos tut kan bi di nggruk bibor bitut no di bisinggre biyai nimai bak tungwagom kin no di yai nimai bak tungwagom kin gi bisinggre ba, nihyet tunggwei yam tut mun di ijem bou yok nok ide cem nihwen yamti di bindei ba, ingkek bok cem lene suar juug sut munhyet dima ug ei mpia ttou nsi di jide tuhan Allah ndo ei su.

NINDAT KEP TUHAN NICUKTI NYA 18:6

Gino tungwagom di ntun keret Lewi him kwei leu minu ndig hiter ei minu Israel bibong ei mpia ttou nsi di tuhan ndo ei su,

NINDAT KEP TUHAN NICUKTI NYA 31:11

Suar jikwop kep niggai serti dini hagom ei juhui him ei mben Israel yoho bei tirigi idem yam ei mem ikuk yok bak tuhan di nok ide Allah ei minu ttou nsi gom di Noni pigig sut ei mem jikuk je biNoni eisi.

IBRANI 13:15

Gima rino ma inggei sut Allah tereu nok midut nibikos ser sisarti tug hon Yesus. Iba midut dima binggei sut Allah tirigi ipai jit bipia Noni ne ide Tuhan ri.

YOSUA 22:29

Ma jiyok ngon kep bipia naham nimbuk kep tuhan bi. Nikes hon gi nikuk nye bak Noni tug hon gi nibikum ei nimbar hum dok hiter bu binibon midut nindig mindhe titut kep hum eisi ba, nibon midut njita nibipai sigyo bak Allahti kin nibon midut nindigsi nya ei niti cem bi. Lewo ide tuhan Allah de nimbar hum dok jo ei Nide Prak Mengti di Ningat rin eisi nuhui tu.”

YOSUA 9:27

Noro yuubon yok nok awak ba, iba yok biyai kep midyai nipes kep biei kin nitau kep minyei mem mben Israel kin tuhan de nimbar hum dok cem. No igyai kep midyai dima kikau kwei bipek ammani kep ei mpia di tuhan ndo ei mem ikuk yok biNoni eisi.