NINDAT KEP TUHAN NICUKTI NYA 12:12 - ALLAH NIHYET MEM TUNGWATU NYA

¹² Ma jeni kin jimunggwom bat nya kin jide awak nya kin yo di intun Lewi him di ibong ei jide minu nya jahagom jingon llei sut yam ei minu ttou nsi gom dima ei tuhan di nok jide Allah Noho bei. Lene ma jiyok ngon kep bipia yo di intun Lewi him nya ima ide dihyei hanjop nsi hi mem yonti bi.

NINDAT KEP TUHAN NICUKTI NYA 12:12 ပူးပေါင်းရင်းမြစ်များ

NIBOU NDIG NYA GI NIGOM 8:66

Hon kep njap gi nimuhwindaningai lene Salomo kes yahagom ba, ingkwei hanyen. Yahagom inggei sut noni lene iba ingon di llei sut mun di kei di tuhan yai bak Nide awak di Daud kin nide limwa di mben Israel yahagom bingkwei hanyen ug ei itimieisi.

NIBOHON MBEN ISRAEL GI NICAN 29:36

Leu api Nibou Ndig Hizkia kin limwa nya yahagom ingon nggei-hi-nggei lewo Allah mpu yok hak ba, ibon mun dini yok hagom ei nituti di jei bi.

NEHEMIA 8:9

Tirigi Nicukti dima tibim ei yo dima itingou nsi lene ingon huk niti leu api ipim nggruet. Lene Nehemia di nok nibou hanjop dima kin imam Ezra di ningon ki tut Nicukti dima kin Lewi nya di ingginau Nicukti dima bak ide limwa nya yahagom ipai bak yo dima “Njap di ammani ne njap di ipigig sut ei mem tuhan. Gima rino ma jingon ngguk ba, jipim au.

MAZMUR 147:1

Ma jinggei sut tuhan! Ninggei sut tuhanti ne kei bibor kei ba, nipai doia nibinggei sut Noniti bindei ba, ingon kei bibor!

IMAM NYA IDE MIDYAI 23:40

Njap gi nigom lene ma jipuk biei ngat di kei bibor kei leu api ma jitot dui meng kin biei nda di nimeng nggrou nindigsi nya hagom kwei leu binhyepo jibinggei sut Da di tuhan lewo dinok jide Allah.

MBEN ISRAEL IMBUT-MBUT NYEN 18:20

Lene tuhan pai hanyen bu bak Harun “Atug ndei mun nyeng hi nok mun ninda rom bi. Midipek dihyei hanjop nsi gom ei minu di dipreu kep mben Israel tut dima gom bak nani cem bi. Da di tuhan di nok ade mun ninda rom ri.”

MBEN ISRAEL IMBUT-MBUT NYEN 18:26

bipai sut nicukti dini bak Lewi nya “Tirigi jima mun di mben Israel ikwas gom leu ningot gom lene nok bou je po tuhan kes bije nok jide pima lene suar jikwas gom leu ningot gom lene nok sindam tut tuhan nok munkwas nidor njiriekti.

YOHANES 13:8

Lene Petrus srep “Tuhan e, ma apiap dimig bi sren!” Noro Yesus buhup “Gino dipiap amig bi lene bit bon ambier kim Da bi.”

KISAH 8:21

Adem mem ayai midyai dini bit nye bi lewo angon sren ei Allah niyai him bi.

NINDAT KEP TUHAN NICUKTI NYA 10:9

Gima rino keret Lewi iba yokep dihyei hanjop nsi dem kep nok keret nindigsi iba yokep ei minu dima bi. Lewo yongkom he rino itug ndei nituti mem igyai midyai pijum nok imam mem tuhan bit leu nok tuhan di nok jide Allah preu ei mem yok tu.)

NINDAT KEP TUHAN NICUKTI NYA 12:18

Ma jeni kin jimunggwom bat nya kin jide awak nya kin yo di intun Lewi him di ibong ei jide minu nya jahagom jiyem kep mun di jipigig sut ei mem tuhan di nok jide Allah ei Nonti Noho bei ei minu ttou nsi gom ngat di Noni ndo ei mem jikuk je biNoni eisi. Lene ma jillei ngwig sut mun di jiyai nya hagom.

NINDAT KEP TUHAN NICUKTI NYA 12:19

Lene ma jingon sok kep jenti ser nhyema tirigi jibong kei jigwam kei ei minu dima lene jingkek ndok tut yo di intun Lewi him au.

NINDAT KEP TUHAN NICUKTI NYA 12:7

Ma jeni kin jimunggwom bat nya jiyem pesta kep ba, jillei ngwig sut jide midyai di jinda jo kep nya ei tuhan di nok jide Allah Noho bei ei minu ttou nsi gom dima. Lewo Noni singat tut je nindig bibor.

NINDAT KEP TUHAN NICUKTI NYA 14:29

Njita dima mem keret Lewi lewo yoni ima dihyei hanjop nsi hi bou yok nok ide bi. Lene hi mem yo di yuhui mbum di ibong ei jide minu ndig nya kin munggwom moibihi nya kin kibom nya kin ngkiai di ibong timiei bit je cem yahagom. Ma jisindui sut yoni ba, ikwei yai mun nyeng hagom di isuar nya. Suar jibit nicuk jeti dima leu api jide tuhan Allah minjei mun di kei bak jeni tut jide midyai di jiyai nya hagom.”

NINDAT KEP TUHAN NICUKTI NYA 16:11

Suar jiyai nillei bit jimunggwom bat nya kin awak jide nya kin keret Lewi nya kin ngkiai nya kin moibihi nya kin kibom nya di ibong ei jide minu ndig nya. Ma jibon midut dima ei jide tuhan Allah Noho bei ei mpia ttou nsi di Noni ndo ei mem je tu.

NINDAT KEP TUHAN NICUKTI NYA 16:14

Ma jingon nggei-hi-nggei bit jimunggwom bat nya kin awak jide nya kin keret Lewi nya kin ngkiai nya kin moibihi nya kin kibom nya di ibong ei jide minu ndig nya.

NINDAT KEP TUHAN NICUKTI NYA 18:6

Gino tungwagom di ntun keret Lewi him kwei leu minu ndig hiter ei minu Israel bibong ei mpia ttou nsi di tuhan ndo ei su,

NINDAT KEP TUHAN NICUKTI NYA 26:11

Ma jipai sigyo tut mun di kei bibor di tuhan di nok jide Allah yai bije kin jide bat nya. Lene ma jisindui sut yo di intun Lewi him kin ngkiai nya di ibong bit je iba yo kum je tirigi jiyem pesta kep nibon midut dima.

NINDAT KEP TUHAN NICUKTI NYA 26:12

Ma jikwas jide njita gom leu ningot gom, gom leu ningot gom lene nok mbigom tut yo di intun Lewi him kin ngkiai nya kin moibihi nya kin kibom nya yahagom bikwop ari bingwam niningai leu binhyepo njita midem mem yok ei jide minu ttou nsi nya hagom. Tirigi jiyai nok gini tu,

NINDAT KEP TUHAN NICUKTI NYA 27:7

Ma jibon midut nibiyai ningon kwes kin Allah ei sirima cem leu binhyepo jibiyai nillei ei jide tuhan Allah Noho bei.

YOSUA 13:14

Lene keret Lewi igitug ndei dihyei hanjop nsi hi leu Musa bi. Lewo tuhan pai bak Musa nipou su bipia Lewi ide mun di itug ndei nya ne mikwau di indig ei nimbar hum dokti nya di mben Israel ibikuk yok bak tuhan Allah Israel ri.

YOSUA 13:33

Noro noni kwas dihyei hanjop nsi hi tut keret Lewi bi. Noni pai biyok bipia ide mun di itug ndei nya rino mikwau di indig ei nimbar hum dokti nya di mben Israel ibikuk yok bak tuhan Allah Israel.