NINDAT KEP TUHAN NICUKTI NYA 12:10 - ALLAH NIHYET MEM TUNGWATU NYA

¹⁰ Tirigi jisigon Minyei Yordan lene tuhan di nok jide Allah misindui sut gima jikieng kep minu dima ba, jibong eisi. Noni minyohou je ser nhyema jide siceu nya yahagom mihwen je bu bi apino mijibong kei mijigwam kei eisi.

NINDAT KEP TUHAN NICUKTI NYA 12:10 ပူးပေါင်းရင်းမြစ်များ

NIBOU NDIG NYA GI NIGOM 8:56

“Jikwei ba, yahagom inggei sut tuhan di bindei ba, Nide limwa nya ibong kei igwam kei bit leu nok Noni preu ei binye tug hon Nide awak di Musa. Mun di kei di Noni preu ei mem nye hagom pek kep mem nye tu.

NIBOHON MBEN ISRAEL GI NIGOM 22:18

bipai biyok “Jide tuhan Allah mpu jahagom bibindei ba, jibong kei jigwam kei tu. tuhan sindem tut da ba, dikon pran bit mben di ibong ser minu dini nimbie him ngat ba, dibindei timek yok tu. Ba, nogindini iba ibou coi mem jeni cem mem tuhan cem tu.

MAZMUR 4:8

Noro abindei ba, dingon nggei-hi-nggei dor njiriek yo di ikos ide gandum kui ig gudan bimpung pias hagau ba, ipot ba anggur ngei nok gi dem mem yok cem.”

NEHEI LEUSI 33:14

Lene tuhan buhup “Midinyohou nani leu binhyepo anyeng mitak kep minu po dipreu sut ei su pima.”

NIPINGOK NINGONTI 1:33

Noro tungwa tou rino bit dihyet migwam coi da apino ningon jo nyahan. Noni muum nittinti hi bi.”

YEREMIA 23:6

Mpe dino ninyeng tak kep ne timiei Yehuda kin mben Israel nya yahagom mibong kei migwam kei. No dima ninyeng rino ‘Ide tuhan Di Teu Nye Leu Sisar Biyai Niyaijo Nijep Binye.’

YEREMIA 32:37

Midinduk mben dini leu minu hagom di dibindei ntek gimahap yok ug eisi nya drek dip gi digga yok bibor ba, diba yo bicom yam hanyen. Dibuwak yok kwei bidikes yok hanyen ei mpia ttou nsi dini bidisindui sut ba, ibong kei igwam kei eisi.

YEREMIA 33:11

Noro nihyet niyai nilleisi kin ningon di nggei-hi-nggeisi kin nihyet nibon pesta niwak yamti mitibim hanyen kwei leu mpia dini yo. Doia di tibim leu yo di ibon midut nibipai sigyo ei Ditde Ig yuhui him cem mitibim yo. Yoni mipai, “Ma jipai sigyo bak tuhan Di Sindem Bibor lewo Noni singat kei ba, ningon ngakeisi jo ninno bijo mimpui.” Midibindei ba, nibong kei nigwam keisi kieng kep minu dini noyam kin gi nipou pima. Da di tuhan disimbot dat tu.”

YEHEZKIEL 28:26

Yoni mibong kei migwam kei ei minu dima bingot ide ig nya ba, ibiyai ide miai ba anggur nghousi nya cem. Midikes hukum ei yo di ngkiai di ibong ttai yok di ighyet wer mpiahi tut yok nya yahagom dip. Leu api mben Israel mibong nyahan ba, mun hi binggek yok bi. Mpe dima lene ikan tut bipia Dani ne ide tuhan Allah ri.”

YEHEZKIEL 34:25

Midipreu ei mem yok bipia ibong kei igwam kei. Dijji mindhe-ndhe di niten-pos nya bingwig leu ide dihyei nisurti-nipekti leu binhyepo Ditde domba nya iba ingon di jo nyahan biya-ya nyen ei abris nghousi bibong kep inghuisi ei bahamti cem.

YEHEZKIEL 34:28

Ngkiai nya di ingon tindur nya mihwen yok bipos ndiyok bingwig leu yok lene mindhe-ndhe di niten-pos nya yaham yok bu bi sren. Lewo yahagom mibong kei migwam kei. Tungwatu nya mibindei bittin bibor bu bi sren.

YEHEZKIEL 38:11

Akos tut mem gima anjei siceu ba, ahwen minu di bon ngug tig bi dima. Biken tirigi timiei minu dima ingon jo nyahan ba, ibong kei igwam kei ei minu ndig ngot di mbun nide ngug tig bi kin ide minggwen hi di ibiya ngkiem ser cem bi dima.

YEHEZKIEL 38:8

Ug ei ari bingwam poi bu lene midicuk no mem gima coi bihwen minu gom bitut timiei di induk yok di ibicom yam hanyen kwei leu mben ngkiai nya ikieti bibong kei bigwam kei ei minu dima. Nibou ndig Gog miyai nungug Israel di mpia mbum-bra bram di wer ig kum kroisi mimbrek ngan tu dima biyati lo, tini bu ne limwa di ingat rin eisi nya ibong kei igwam kei hanyen.

NINDAT KEP TUHAN NICUKTI NYA 11:31

Jei bu bi lene mijisigon Minyei Yordan ba, juug dihip ei nite hi ba, mijibrim minu di jide tuhan Allah yai bije bijiyati ri. Tirigi jibrim minu dima bijibong ei sirima tu,

NINDAT KEP TUHAN NICUKTI NYA 3:27

Noro aug hak ei Nungug Pisga ninggram him ba, acap ug ei nite bei mpia nijjai cem bei mpia nibiho cem bei mpia nipriti cem bei mpia nicutti cem hagom. Angig ayai kep mun di angat dima ba, aput mungkun kei leu mporo asigon Minyei Yordan ba, aug dihip ei nite hi bi sren.

NINDAT KEP TUHAN NICUKTI NYA 33:12

Lene noni pai sut keret Benyamin bipai, “tuhan ningon ngakei keret Benyamin biya srak ko hagau yok bidem njap jei ba, Noni ningat rin bibong ei ikieti.”

NINDAT KEP TUHAN NICUKTI NYA 33:28

Gima rino Yakub de nintun him yamti di bram yam nya ibong kei igwam kei ei dihyei hanjop nsi di mpung tut gandum kin ba anggur ningei. Ide dihyei ninjek dip hagom nnum bibor tug hon nggou di cut kwei leu mpia-bbed him.

NINDAT KEP TUHAN NICUKTI NYA 4:22

Jei bi lene mijicoi ug ei minu di nnum bibor dima leu api mijidigek kep mpia. Noro midibit je bi. Diyaijo mingwig hon ei mpia dini hak ug.

NINDAT KEP TUHAN NICUKTI NYA 9:1

“Je di mben Israel e, njap di ammani mijisigon Minyei Yordan leu binhyepo jicoi ug ei minu di ngkiai nya ide ug ri. Ide mben nindig bibor ba, isindem bibor cem. Ide minu di iwin nya nindig krop lene ngug tig di jei bibor sur mpia-bbed him bikrop ttai hagom.

YOSUA 11:23

Yosua nya ibindei timek minu dima hagom titut yam lene igyai bigyati dem igbit tuhan nicukti po kes bak Musa pima. Leu api noni yai minu ndig dima bak mben Israel binok ide minu ndig nya. Leu api ikwas minu ndig dima tut yam sindam ba, bikwop keret gom-gom itug ndei dihyei hanjop nsi gom-gom bidem yok. Mpe dima lene mpia mbum-bra. Gima rino mben Israel ibong kei igwam kei lene ikes hon ba, ikon pran bi.

YOSUA 14:1

Gini jug ne nipui sut notou ikwas minu Kanaan ei Minyei Yordan nite bei mpia nicutti tut mben Israel ri. Yo di ikwas minu dima tut mben Israel rino Imam Eleazar kin Yosua di Nun nipmot kin nibou mem Israel insi de gom-gom nya.

YOSUA 3:17

Tirigi mben Israel ikak ninggati dima lene imam di ikon tuhan de Brua Gi Preu pima igya ei minyei nipingge leusi ei minyei nggimau bibou tungwatu nya yahagom yuug dihip ei nite dima ug nipou leu ug e.

YOSUA 4:12

Pinai nya di ikrau minggwen bikon pran kan di intun keret Ruben kin Gad kin Manasye niken him isigon minyei bibie nindigsi nya yoho bit leu nok Musa nicuk yokti.

SAMUEL GI NIGOM 7:12

Lene Samuel ug yai tig gom bitas ei Mizpa kin Sen ikieti lene bipai “Allah mpu nye kikau kwei bipek ammani kep tu.” Leu api noni jem tig dima ninyeng bipia “Tig Nibiyok Ngon Kep Allah Di Mpu Nye.”