NINDAT KEP TUHAN NICUKTI NYA 11:7 - ALLAH NIHYET MEM TUNGWATU NYA

⁷ Jit, jeni rino jingat mindur di tuhan bibon nya hagom bou jiyai him tu.”

NINDAT KEP TUHAN NICUKTI NYA 11:7 ပူးပေါင်းရင်းမြစ်များ

MAZMUR 106:2

Tou rino dem mem gima tri tut tuhan niyai munti di nindig bibor i? Tou rikon ninyeng nok gi dem i? Hi bi!

MAZMUR 145:12

leu binhyepo tungwatu nya yahagom mikan tut Ade midyai di mindur nya kin Ade ninyeng tak kep limwa nyati di kei-kau cem dia-diau kei cem.

MAZMUR 150:2

Ma inggei sut Noni tut nide midyai di bibon ninggap leusi nya. Ma inggei sut Noni lewo ninyeng jei bibor.

NINDAT KEP TUHAN NICUKTI NYA 11:6

Ma jiyok ngon kep mun di tuhan bibon bak Eliab nipmot bat cin di Datan kin Abiram di intun keret Ruben him pima cem. Dihyei kimbo kros ba, pinde yok bitut itnem bat kin imunggwom bat nya kin ide prak meng nya kin ide awak nya yahagom kin ide mindhe-ndhe nihyen kep nya hagom hammi jahagom joho bei.

NINDAT KEP TUHAN NICUKTI NYA 11:8

“Ma jibit nicukti hagom di ditri tut bak jeni njap di ammani. Leu api dem mem gima jisigon minyei bijuug dihip ei nite dima ug ba, jicoi ug ei minu di jei bi mijibong niti.

NINDAT KEP TUHAN NICUKTI NYA 27:10

Gima rino ma jibit jide tuhan Allah nihyet ba, jiyai mun igbit nicuk jeti nya di ditri tut bije njap di ammani hagom.”

NINDAT KEP TUHAN NICUKTI NYA 29:2

Lene Musa nduk mben Israel yahagom kwei ba, idem yam leu api pai biyok “Jingat mun di tuhan bibon bak nibou ndig mben Mesir kin nide nibou di igya kui noni kin nide minu titut yam bou jiyai him tu.

NINDAT KEP TUHAN NICUKTI NYA 4:3

Jahagom jingat mun po Allah bibon ei Nungug Peor pima bou jiyai him tu. Noni hwen jide bat nya di ikuk yok bak Baal ei sirima yahagom bingwig.

NINDAT KEP TUHAN NICUKTI NYA 5:3

bit idigup bat-idigai bat nya he bi noro gi preu dima mem nye di ingat rin ei mpia dini yahagom cem.

NINDAT KEP TUHAN NICUKTI NYA 7:19

Ma jiyok ngon kep nsuwer ajar nya po jingat bou jiyai him pima. Lewo tuhan di nok jide Allah kwek je leu minu Mesir tug hon mun di mindur nya kin Nide nisindemti di nindig bibor tu. Lene Noni mihwen mben di jittin tut yok dini bingwig leu je bit leu nok Noni hwen mben Mesir bingwig su pima.

YOSUA 24:31

Mben Israel ikuk yok bak tuhan bibit nihyet kikau mem nijam di Yosua niyaijo. Niabiati bu lene igyai nok gima bu kikau mem nijam di nibou nindigsi nya cem igyaijo. Lewo nibou nindigsi nya ingat mindur po tuhan bibon mem mben Israel bou igyai him pima tu.