NINDAT KEP TUHAN NICUKTI NYA 10:8 - ALLAH NIHYET MEM TUNGWATU NYA

⁸ Ei nungug dima lene tuhan dimig pinai nya leu keret Lewi ba, ta yok nok yo di inyohou Brua Gi Preu ba, igyai midyai nok imam nya ba, ingat nadi tindei mun di kei mem tuhan de limwa nya tug hon ninyeng cem. Yo dima igyai kep midyai dima kikau kwei bipek ammani kep.

NINDAT KEP TUHAN NICUKTI NYA 10:8 ပူးပေါင်းရင်းမြစ်များ

NIBOU NDIG NYA GI NIGOM 8:6

Lene imam nya ikon Brua Gi Preu kikau ug ei tuhan De Ig bikes bijo ei kerub nya ibehei ei Ninsi Di Kwes-Kwau.

NIBOHON MBEN ISRAEL GI NIGOM 15:2

Lene noni tri tut “Yo di intun keret Lewi him he rima ittei tuhan De Brua Gi Preu dima lewo tuhan Allah dimig yok ei habiei mem midyai dima ba, igyai midyai mem Noni nok Nide awak di ingon gom bijo ninno bijo kikau.”

NIBOHON MBEN ISRAEL GI NIGOM 15:26

Ibui sapi nikre ningut muhwindacan kin domba ningut muhwindacan ba, ibikuk yok bak Allah lewo Noni sindem tut Lewi nya ba, ittei Brua Gi Preu dima kwei su.

NIBOHON MBEN ISRAEL GI NIGOM 23:13

Amram gi nipou pima ne Harun Musa nya icig ri. (Musa dimig Harun kin yo di intun him nya pijum ei mem gima inyeng tak kep nimbumbati kin ndigban di ibibon midut nya cem iba biei nggrai di ui-gwang kei di indig pima binggei sut tuhan cem bahati tut tuhan de midyai nya cem iba nadi di ingat tug hon tuhan ninyeng bipai ighyet di biyai gi kei bak limwa nya bijo ninno bijo kikau.

NIBOHON MBEN ISRAEL GI NIGOM 23:26

Gima rino suar yo di intun Lewi him ittei tuhan De Prak Meng kin ndigban di joti nya hagom bimbut-mbut nyen tut bu bi.”

NIBOHON MBEN ISRAEL GI NICAN 29:11

Dimunggwom bat jen, ma jibindin-ndin nyen bu au. Lewo tuhan dimig jeni ei mem gima jikuk je bak Allah ba, joom jenti nok awak mem Noni ba, jindig biei nggrai di ui-gwang kei cem lene mem gima jibie tut Nide limwa nya leu binhyepo ikuk yok bak Noni cem tu.”

NIBOHON MBEN ISRAEL GI NICAN 30:27

Imam kin Lewi nya yahara bak tuhan leu binhyepo Noni njei mun di kei bak limwa nya. Apino Allah di gwam anai ei gwamti miap ide nadi di ingat bibuhup mun nyeng di yahara Noni tut dima.

MAZMUR 134:1

Doia nikui ug ei Mbigdip Sion. tuhan de awak je di jiba mmun bikuk je biNoni ei Nide Ig e, jahagom jikwei bijinggei sut tuhan.

MAZMUR 134:2

Ma jisu jinda ndam Ninsi Di Kwes-Kwau bijinggei sut tuhan!

MAZMUR 135:2

Je di jikuk je ei tuhan De Ig e, ma jikon ninyeng ei Nide mpia di Ningat rin eisi.

YEREMIA 15:19

Lene tuhan buhup “Gino angkwei hanyen ndam Da lene midijoi sut na leu api anok Ditde awak hanyen bu. Gino ambrap-mbrap wai bu bi noro atri tut nihyet di bon ninyeng leu api midisindui sut ba, anok nabi mem Da hanyen bu. Apino ade limwa nya minduk yam kwei bingwig kep na. Suar ma aug nggok-nggok nyen yok bu au.

YEHEZKIEL 44:11

Disindui sut ba, igyai midyai niya ser dimbou pmem kin midyai ugwai-gwai ei Ditde Ig ba, ibui kep mindhe-ndhe mem midut nindig mindhe mindhe titut kep humti kin gi ibimpu limwa nya he yo.

YEHEZKIEL 44:15

tuhan Di Ninyeng Jei Bibor pai “Mpe di mben Israel ikes Da ei lene imam di intun Zadok him iba ingon gom bita ibou ei niyai midyai mem Dani kikau ei Ditde Ig. Gima rino nogindini suar yoni rima ikwei ya ei Doho bei mem gima ittei mindhe di ibui nimmau di ndok bindig ei nimbar hum dokti lene iba ninggrom bigimahap nimbar hum dok ba, ibibon midut mem Da.

IMAM NYA IDE MIDYAI 8:9

Lene noni kes topi ei Harun nibou bittin leu api ngot penen di iba mas bibon di ndo bipia tuhan ninyeng tak kep imam dima eisi. Musa yai gini hagom bit leu nok tuhan nicuk noti.

IMAM NYA IDE MIDYAI 9:22

Tirigi Harun bon midut pima hagom tu lene noni kon ninda hacem gau mben Israel bingat nadi tindei mun di kei mem yok. Lene noni juk kwei leu niyati.

MBEN ISRAEL IMBUT-MBUT NYEN 3:31

Kehat nya inyohou dimig Brua Gi Preu kin meja kin mini njeng nidihim kin nimbar nya kin mun di imam nya ibiyai midyai ei Ninsi Di Kwes nya kin minyahas di bikkin Ninsi Di Kwes nya. Yoni yahati tut midyai di bitut ndigban dima yok hagom.

MBEN ISRAEL IMBUT-MBUT NYEN 3:6

“Ma acuk limwa keret Lewi nya ba, ikwei ya ei aho bei leu api ata yok nok yo di impu Harun.

MBEN ISRAEL IMBUT-MBUT NYEN 4:15

Tirigi jam dem mem jilet jide prak meng nya bijipri leu mpia ttou nsi gom lene suar Harun kin nipmot bat nya icoi ug ei Ditde Prak Meng nsi ba, iba minyahas binggai ndigban hagom kin nimbumbati hagom ei sirima. Gima leu ug api Kehat nide bat nya ikwei mem gima ittei ba, yuug sut. Noro ma ingget mun di kwes-kwau dima yok au. Gino ingget mun nyeng gom lene imai drek dip. Gima ne Kehat nide bat nya ide midyai di igyai ei mpe dino jilet Ditde Prak Meng bijimbut tut ri.

YOHANES 15:16

Jidimig Dani bi noro didimig jeni bidicuk je leu binhyepo juug ngat ningat mang bibor ba, ningat dima ne ningat di bit bon pror yon kan bi. Gino jahara Dicig tut mun nyeng hi tug hon dinyeng lene Noni mibirop hanyen bije.

KISAH 13:2

Mpe di gom tirigi ikuk yok bak Tuhan bigyem njita bi mem nituti poi lene Allah Ninnei pai biyok “Ma jidimig Barnabas kin Saulus ei mem Da leu binhyepo igyai midyai di dikos tut ei mem yok tu.”

ROMA 1:1

Srat dini mem yo di mbusyamei ei minu ndig Roma. Allah ningon ngakei je ba, hig je mem gima jinok Nide limwa nya. No di pas srat dini ne da di Paulus rin bidinok awak mem Kristus Yesus lene di ya kui Noni. Allah dimig da leu api ta da mem gima ditri tut Nihyet Di Kei di kwei leu Noni.

ROMA 12:7

Suar no di yai nisindemti mem gima mpu tungwatu nya mpu yok hak ug. Suar no di yai nisindemti mem gima ngginau tungwatu nya ngginau yok hak ug.

KORINTUS GI NICAN 6:17

Gima rino ma jikes yo di ingon jo kep bi nya bijimbres jenti leu yok. Ma jipriet kin mun di bindei di map kui jeti au. Leu api diya um je.

GALATIA 1:15

Noro Allah singat tut da bidimig da habiei ei dipmem ninghopti bidinok Nide awaga.

NINDAT KEP TUHAN NICUKTI NYA 17:12

Suar jiyai nimai bak yo di itte tut nikei nya kin imam nya di igyai midyai mem nijam dima ide nicuk jeti nya hak ug. Tug hon nisinati dima lene mijibidip tut mun di kinei dima leu Israel.

NINDAT KEP TUHAN NICUKTI NYA 18:5

Jide tuhan Allah dimig keret Lewi leu keret mben Israel nindigsi ikieti ba, inok imam bijo ninno bijo kikau.

NINDAT KEP TUHAN NICUKTI NYA 21:3

Leu api suar nibou nya leu minu ndig di dideu bibor ijem sapi di nibo yo ningut gom di ibiyai midyai bigyo,

NINDAT KEP TUHAN NICUKTI NYA 21:5

Suar imam keret Lewi nya cem ibit yok. Lewo yoni rima ikos tut mun niba nisibut biyai munti nya. Jide tuhan Allah dimig yoni ei binok awak mem Noni ba, indat kep nihyet di binjei mun di kei bak ide limwa nya tug hon Noni ninyeng ba, ikos tut mun di buhun di srou yok cem.

NINDAT KEP TUHAN NICUKTI NYA 31:9

Lene Musa pas kep tuhan Allah de nicukti nya hagom ba, kes srat dima ei imam di intun Lewi him di inyeng tak kep Allah de Brua Gi Preu nya indati kin nibou mben Israel indati cem.