NINDAT KEP TUHAN NICUKTI NYA 10:21 - ALLAH NIHYET MEM TUNGWATU NYA

²¹ Ma jinggei sut Noni lewo Noni ne tuhan di nok jide Allah ri. Noni bibon mun di mindur nindig bibor kin mun di bindei ba, jinga leu Noni tut mem je bou jiyai him tu.

NINDAT KEP TUHAN NICUKTI NYA 10:21 ပူးပေါင်းရင်းမြစ်များ

SAMUEL GI NICAN 7:23

Ngkiai nya ei dihyeisi dini noyam kin Israel bi. Lewo ateu mben Israel leu awak leu binhyepo abibon yok ba, inok Ade limwa nya. Mun di sindem bibor kin mun di mindur di abibon mem yok bindei ba, tungwatu nya itri tut bidem dihyei nisurti-nipekti tu. Ajji ngkiai nya bitut ide kwar nya bingwig sindam tirigi Ade limwa nya icoi ug ei ide minu bikon pran bit yok tu.

MAZMUR 109:1

Doia Daud mem no di bie tut doia nimpung. Allah di dikon-kon nyen anyeng e, ma agwam ba, ammou hak au.

MAZMUR 145:6

Tungwatu nya misimbot kep biyam tut ayai munti di sindem bibor nya. Dani cem miditri tut anyeng jeisi.

MAZMUR 148:14

Noni ribindei dino Nide limwa nya inok mben di isindem bibor leu binhyepo Nide limwa di ningon kieti nya minggei sut Noni. Jikwei ba, inggei sut tuhan!

MAZMUR 22:3

Ditde Allah e, dahara Na mem mmun-njap noro abuhup dihyet bi. Dingat nadi mem mmun noro dingon jo nyahan bi sren.

NEHEI LEUSI 15:2

tuhan di ya srak ko hagau da sindem bibor ba, Noni rino teu da bidingwes ngun. Noni nok ditde Allah. Dikuk da bidinggei sut Noni. Noni ne didigup bat-didigai bat nya ide Allah ri. Gima rino dikon ninyeng di jei.

NEHEI LEUSI 34:10

Lene tuhan pai bak Musa “Nogindini dipreu ei mem mben Israel bipia midibon mindur nya bou igyai him. Midibon mindur nya di nindig bibor dor njiriek mun di mben dihyeisi dini hagom ingat bou igyai him. Tungwatu nya yahagom mingat mindur dima yok bou igyai him lewo Da di tuhan midibibon mun di biyai ingon digit bibor bou igyai him ri.

YESAYA 60:19

Mpe dima lene asuar mpia njap di com mem njap kin bed mmun di com mem mmun bu bi. Lewo Da di tuhan ne nipigati dijo ninno jo kikau mem na ri. Ditde nikei-kau-keisi mipiga digai na.

YESAYA 64:3

Tirigi po ajuk kwei pima lene abon mindur di buhun bibor di nyeni nikan tut nipou ei bi. Leu api nungug nya ugwa-kwei ei Aho bei.

YEREMIA 17:14

tuhan e, ma angget da leu binhyepo dikei hanyen. Ateu da bidingwes ngun. Dikon Nangkom he anyeng bijo nai!

LUKAS 2:32

Noni ne ninjeng di piga digai puig mem ngkiai nya di itti kin Nani ba, ninjeng di bindei di tungwatu nya yahagom ikon Ade limwa mben Israel inyeng ri.”

YOSUA 24:18

Tirigi po nyeni nikieng kep minu dini sindam pima lene tuhan jji mben Amori bingwig leu itimieisi dini. Gima rino minikuk nye biNoni lewo Noni ne tuhan ba, nyende Allah ri.”

NINGAT-HI-NGAT NYA 21:23

Minu ndig dima suar mpia njap kin bed mmun com digai bi lewo Allah nikei-kau-keisi piga digai hagom ba, Domba Pmot Nonti nok mini ninjeng mem.

SAMUEL GI NIGOM 12:24

Ma jibit Allah nihyet lene ma jiba jingon gom kin jingon titut yam bikuk je bak Noni. Ma jiyok ngon kep mun di mindur di Noni bibon mem je nipou su nya.