NINDAT KEP TUHAN NICUKTI NYA 10:18 - ALLAH NIHYET MEM TUNGWATU NYA

¹⁸ Noni hati tut moibihi nya kin sop kibom nya bibindei ba, tungwatu nya ibibon yok nok igbit. Ningon ngakei ngkiai nya di ibong srig jikieti bikwas njita kin sinsun tut yok.

NINDAT KEP TUHAN NICUKTI NYA 10:18 ပူးပေါင်းရင်းမြစ်များ

NIBOHON MBEN ISRAEL GI NICAN 19:7

Suar jittin tut tuhan ba, jiba jingon di sok kep jenti bikos tut munhyet hi nok mungkun kei. Lewo ide tuhan Allah ningon mpo tut yo di iris mun kin yo di imbus nggok tungwatu kin yo di isu inda mem mun nibingot kep yokti nya.”

MAZMUR 10:18

Ambrap gau moibihi nya kin yo di ide nitok joti nya ihwen bit yok nya tut ide munhyet leu binhyepo ide nitok joti nya mibindei ba, ingon digit bu bi.

MAZMUR 103:6

tuhan ba ningon srenti bikos tut mun di kei bak yo di ibon inyeng bi nya.

MAZMUR 145:9

Noni singat tut tungwatu nya yahagom ba, ningon nggriu sut mun di Noni pai tes nya hagom.

MAZMUR 146:9

Noni nyohou mben ngkiai di ibong timiei bit nye nya bimpu kibom nya kin moibihi nya noro bindei ba, yo di isibut nya ingon kanti kin ide nikos tutti nya pek kep bi.

MAZMUR 68:5

Ma jipai doia bak Allah bijikon ninyeng cem. Jitin simpak mem No di krau bumbuhui bidor tut. Ninyeng rino tuhan. Ma jiyai nillei ei Noho bei!

MAZMUR 68:6

Allah di gwam ei Nide Ig di kwes-kwau ne munggwom awak nya icig rin biya srak ko hagau sop kibom nya.

NEHEI LEUSI 22:20

Suar jikes hukum nimai ei no di bui mindhe bindig kep hum ei nimbar hum dokti bak nung di ngkiai ikuk yok bak njiriek Dani dip lewo Dangkom ne tuhan ri.

NEHEI LEUSI 22:21

Ma jimbuk tut ngkiai nya di ibong srig jikieti ba, jingon koi kep yok au. Ma jiyok ngon kep bipia jeni cem jinok ngkiai nya ei minu Mesir nipou su.

NEHEI LEUSI 22:22

Ma jiba jingon can bibon kibom nya kin moibihi nya au.

NEHEI LEUSI 22:23

Leu gino jibibon yok nok gima lene Da di tuhan midibuhup ighyet tirigi yahara Da drek dip je.

YESAYA 1:17

Ma jita jibou ei gi jibon mun di igbitti. Ma jibrim jingkek mem ningon sren-srausi leu api jiciu ser gi tungwatu nya imbuk tut yam. Ma jibindei ba, tungwatu nya ibibon moibihi nya nok igbit. Ma jimbrap gau kibom nya ei nikei noho bei.”

YEREMIA 49:11

Je di mben Edom e, ma jikes jide moibihi nya biDa leu api midinyohou yok. Ma jisindui sut ba, kibom jide nya cem iba ingon com Da.

HOSEA 14:3

Ma jingkwei hanyen ndam tuhan lene ma jingat nadi “tuhan e, ma akos ser nyende sisar hagom ba, angig atingou mem nyende nadi leu api mininggei sut Na bit leu nok gi nipreu ei mem Na tu.

IMAM NYA IDE MIDYAI 25:35

Gino mben Israel gom di bong ei jikieti cut ei nuhui mbumti ba, mai ninggum rin lene suar jimpu noni noyam kin gi jimpu no di ngkiai. Leu binhyepo noni bong gingga ei jikieti.

MBEN ISRAEL IMBUT-MBUT NYEN 10:32

Gino abit nye lene mun di kei di tuhan njei bak nyeni lene mininjei gima hi bak nani cem.”

MATIUS 5:45

leu binhyepo hiter ingat brei bipia jeni ne Jicig Allah ei gwamti nimunggwom bat nya ri. Lewo Noni bindei ba, mpia wam yo di isingat kin yo di isibut nya ba, mpia but mem yo di ingon sren kin yo di ingon rom nya.

KISAH 14:17

Noro ningon prion ser gi ndo bindo tut Nonti brei biyok bi ba, bindo dima ne nisingat tut yokti ri. Noni bindei ba, mpia but leu mpia-bbed him lene bindei ba, jide njita kioi ningat ntun him nok gi dem mem je igbit tto bou. Noni yai njita bije lene biyai jingon llei-llau cem.”

NINDAT KEP TUHAN NICUKTI NYA 27:19

‘Ma tuhan sigion no di pos ngkiai kin moibihi kin kibom ide mun di inyeng tak kep nya.’ Lene ma limwa nya yahagom ibuhup ‘Igbit ri!’