NINDAT KEP TUHAN NICUKTI NYA 10:16 - ALLAH NIHYET MEM TUNGWATU NYA

¹⁶ Gima rino hon kep ammani kui ma jibit tuhan nihyet. Lene ma jingkek ndok bu au.

NINDAT KEP TUHAN NICUKTI NYA 10:16 ပူးပေါင်းရင်းမြစ်များ

NITRITI 17:11

Suar jahagom jiyai nibon midut sunat nok mun di bindo tut Ditde gi preu di dipreu ei bit na.

NIBOHON MBEN ISRAEL GI NICAN 30:8

Ma jingkek ndok noyam kin yoni au. Noro ma jibit tuhan nihyet. Ma jinduk yam kwei ei minu ndig Yerusalem ba, jicoi ug ei tuhan De Ig di Noni dimig pijum ei mem Nonti bijo ninno bijo kikau. Ma jikwei ba, jikuk je bak Noni leu binhyepo ningon cut leu Nide nigga jeti.

YEREMIA 4:14

Je di timiei minu ndig Yerusalem e, ma jicom jide mun di kinei bibor leu jingonti leu binhyepo jingwes ngun. Jiku jide nikan-kan nyenti di kinei bibor dima ei jingonti ug bipek apig bu i?

YEREMIA 4:4

Je di timiei minu Yehuda kin minu ndig Yerusalem e, ma jikrau kep jide mun di jipreu ei mem jide tuhan di Dani ba, jidimig jenti pijum ei mem Da. Gi bi ne Ditde nigga biborti micig-cai nok hum di bit bon tungwa hi mu kep kan bi. Gima yok hagom micut igkep jenti njem drek dip jide nibon munti di kinei bibor.”

YEHEZKIEL 44:7

Yoni ibindei map kui Ditde Ig tirigi indig kep mindhe-ndhe nimmau ndok kin ninggrom bibikuk yok biDa noro isindui sut ba, ngkiai di ibit midut sunat kin dihyet cem bi icoi kwei ei Ditde Ig a. Tug hon ide nibon munti di bindei ba, diyai ttin ser dima itunggwei Ditde nipreu di dipreu ei mem yok tu.

IMAM NYA IDE MIDYAI 26:41

apino ibindei dino dikes hukum ei yok dip ba, dicom yok ug ei ingkiaisi ei minu di ide siceu nya ide drek dip ide sisar. Gino jide nintun him yamti di bram yam nya dima yoom yonti ba, ikum ningwam di ibon bak Dani drek dip ide sisar kin ide nikiek nimig jou tut Dati cem,

NINDAT KEP TUHAN NICUKTI NYA 30:6

tuhan di nok jide Allah mibindei ba, jeni kin jide nintun him yamti di bram yam nya jingon sren leu binhyepo jiba jingon titut bingon ngakei Noni apino mijibong ser minu dima kikau.

NINDAT KEP TUHAN NICUKTI NYA 31:27

Dikan tut bipia yo dima ingkek ndok ba, ikiek imig jou tut Noni. Lewo yaham imbuk kep Noni habiei tirigi sindi dibie tut yok kikau kwei bipek ammani kep tu. Lene miyaham imbuk kep Noni nindig bibor bu ei niabiati dimai leu yok.

NINDAT KEP TUHAN NICUKTI NYA 9:13

Lene Noni pai bu bida ‘Dikan tut bipia mben dima ingkek ndok bibor.

NINDAT KEP TUHAN NICUKTI NYA 9:6

Ma jiyok ngon kep bipia tuhan di nok jide Allah yai minu di nnum bibor dima bije drek dip jide nikwes-kwausi bi. Nok bi! Lewo jinok mben di ingkek ndok.

KOLOSE 2:11

Jicoi bit midut sunat di nijit tug hon gi jinok gom kin Kristus lene sunat dima noyam kin midut sunat di tungwatu dihyeisi ibon bi. Sunat di ntun Kristus him bindei kwek je leu sisar de nisindemti di pijuk jingonti.