NINDAT KEP TUHAN NICUKTI NYA 1:8 - ALLAH NIHYET MEM TUNGWATU NYA

⁸ Dani ne tuhan rin ba, dipreu sut minu dima hagom bak jidigup bat-jidigai bat di Abraham kin Ishak kin Yakub kin ide nintun him yokti di bram yam nya. Gima rino ma jicoi ba, jiya bidem minu dima hagom.’ ”

NINDAT KEP TUHAN NICUKTI NYA 1:8 ပူးပေါင်းရင်းမြစ်များ

NITRITI 12:7

Lene tuhan ndo Nonti bak Abram bipai binoni “Minu dini ne minu di mporo midiyai bak ade nintun him yamti di bram yam nya ri.” Lene Abram dingug tig nindig bijo-jo yam dip nok nimbar hum dok mem gima binggei sut tuhan di ndo Nonti bak noni.

NITRITI 15:16

Lene ei nidipti bu mem nijam di agnyon bat nya ignyon bat nya igyaijo lene ade nintun him yamti di bram yam nya mporo mingkwei hanyen ei sirini. Lewo midijji mben Amori leu minu dini bigyo bibou ikum ei ide nimbukti nindig bibor bu ug e leu api mpe dima lene midikes hukum ei yok dip.”

NITRITI 15:18

Mpe dima lene tuhan preu ei bit Abram bipai “Dipreu ei mem ade nintun him yamti di bram yam nya bipia mporo midipek minu dini hagom biyok binok ide hanjop nsi. Hanjop nsi dini ninyanti leu minu Mesir nikwas yamti kikau ug bipek Minyei Efrat.

NEHEMIA 9:15

Tirigi po inggum ba, njita ngwig leu yok pima lene abindei juk roti kwei leu gwamti mem yok. Tirigi po inggobiau pima ne abindei ba, minyei bousi biam kwei leu bor ngug mem yok. Acuk yok leu binhyepo icoi ug ei minu po aba neheng bipreu sut ei mem yok nipou su pima ba, ibong kei igwam kei eisi.

NEHEI LEUSI 23:31

Lene midipek minu dima bak jeni ba, nijeisi jo leu minyei Akaba kikau ug bipek kin Minyei Efrat lene jo leu Muk Hacan nintig dip kikau ug bipek kin iggum dip ninghas him. Midisindem tut je leu binhyepo jijji timiei nya ei minu dima bingwig leu je sindam tirigi jidigek kep mpia.

NEHEI LEUSI 33:1

Lene tuhan pai bak Musa “Suar nani kin yo di abuwak yok kwei leu minu Mesir pima jahagom jimbut leu mpia dini bijimbut kikau ug ei minu di dipreu ei mem Abraham kin Ishak kin Yakub kin ide nintun him yamti di bram yam nya tu.

YEREMIA 32:22

Ayai minu di nnum kei dini cem biyok bit leu nok Ade nipreu bak idigup bat-idigai bat nyati.

YEHEZKIEL 47:14

Diba neheng bipai bak jidigup bat-jidigai bat nya bipia midiyai dihyei dini biyok. Gima rino jiyai dihyei dini lene ma jiba jingon di kwes kin yam bikwas tut yam.

MBEN ISRAEL IMBUT-MBUT NYEN 14:23

Bit bon yo dini icoi kikau ug ei minu dima bimbut imig eisi bi sren! Lewo isrep tut Da ninno tu.

MBEN ISRAEL IMBUT-MBUT NYEN 32:11

‘Yo dini iba ingon di gom bibit Da bi. Gima rino deheng tut bipia bikwop yo di ide njap ug ei ari bingwam nyatungwagom bikui mpe di po yehei leu minu Mesir pima lene hi dima micoi ug ei minu di dipreu ei bak Abraham Ishak Yakub yoni pima bi.’

NINDAT KEP TUHAN NICUKTI NYA 1:11

Handei kon ba, jidigup bat-jidigai bat nya ide tuhan Allah mikum ei jimangti bu kikau ug bipek mbisribu gom bram yam bibindei ba, jibong kei jigwam kei bit leu nok Noni preu ei mem yok nipou su!

NINDAT KEP TUHAN NICUKTI NYA 1:35

‘Yo di nimpung di isibut dini tungwagom cem micoi ug ei minu di nnum kei di dipreu sut bak jidigup bat-jidigai bat nya bi.

NINDAT KEP TUHAN NICUKTI NYA 10:11

Lene Noni cuk da bipia suar dibie tut je leu binhyepo jicoi ug ei minu di Noni preu ei mem jidigup bat-jidigai bat nya ba, jiyai bijiyati.”

NINDAT KEP TUHAN NICUKTI NYA 11:24

Bikwop dihyei hanjop nsi di jico niti nya ne mijinyeng tak kep hagom. Jinyeng mitak kep minu nisurti-nipekti dima leu iggum ndigsi ei nite bei mpia nibiho kikau ug ei Nungug Libanon nya ei nite bei mpia nijjai cem leu Minyei Efrat ei nite bei mpia nipriti kikau ug ei Muk Hacan ei nite bei mpia nicutti.

NINDAT KEP TUHAN NICUKTI NYA 11:9

Lene mijibong ei minu di bon dihyei suti di nnum kei cem di tuhan preu ei mem jidigup bat-jidigai bat nya kin yo di intun yoni him di bram yamti nya bijo ninno.

NINDAT KEP TUHAN NICUKTI NYA 2:29

Nok gima kikau ba, nibisigon Minyei Yordan binuug dihip ei nite dima ug leu binhyepo nibicoi ug ei minu di tuhan yai bak nyeni. Esau de nintun him di bram yam nya ei minu Edom kin mben Moab di ibong ei minu ndig Ar cem igyai nituti binye ba, nibikwam tunggwei ug ei ide minu pima tu.’

NINDAT KEP TUHAN NICUKTI NYA 26:15

Gima rino angig ayai kep nye leu Ade gumihyep di kwes-kwau ei gwamti ba, anjei mun di kei bak Ade limwa di mben Israel cem anjei mun di kei bak minu dibon ninnumti di kei bibor di ando binye dini bit leu nok gi po apreu ei mem nyeni nidigup bat-nidigai bat nya nipou su pima.’ ”

NINDAT KEP TUHAN NICUKTI NYA 26:3

Ma juug ngat imam gom di yai kep midyai mem nijam dima ba, jipai binoni ‘Dipai brei ei tuhan di nok ditde Allah niyai him bipia dicoi ug ei minu po Noni preu sut ei bak idigup-bat idigai bat nya mem gima yai binye pima tu.’

NINDAT KEP TUHAN NICUKTI NYA 28:11

tuhan miyai munggwom mang-mang bijeni. Mindhe-ndhe nihyen kep jide nya mimang lene jide miai mingat ningat di mpung bipias hagau ei minu di tuhan preu ei mem jidigup bat-jidigai bat nya bipia miyai bijeni.

NINDAT KEP TUHAN NICUKTI NYA 29:12

Jide tuhan Allah bon gi preu dini bit jeni ba, jahagom jidem yam leu binhyepo juhum kep gi preu dini lene jibibit gi preu nicuk jeti nya.

NINDAT KEP TUHAN NICUKTI NYA 30:20

Ma jingon ngakei tuhan di nok jide Allah ba, jibit nihyet ba, jingon gom tut Noni cem apino jeni kin jide nintun him yamti di bram yam nya mijibong kei mijigwam kei mem nijam di jei bibor ei minu di Noni preu ei mem jidigup bat-jidigai bat di Abraham kin Ishak kin Yakub nya tu.”

NINDAT KEP TUHAN NICUKTI NYA 31:7

Lene Musa hig Yosua kwei bicuk noni ei mben Israel yahagom yoho bei bipai “Ma ata abou eisi ba, abrim angkek lewo nani ne no di mibie tut yo dini tirigi icoi ug ei minu di tuhan preu ei mem idigup bat-idigai bat nya bibong kep ri.

NINDAT KEP TUHAN NICUKTI NYA 34:4

Lene tuhan pai bak Musa “Dihyei hanjop nsi dima hagom dipreu ei mem Abraham kin Ishak kin Yakub leu binhyepo diyai bak ide nintun him yamti di bram yam nya. Disindui sut gima acap hagom noro dipai ser nhyema acoi ug eisi bi.”

NINDAT KEP TUHAN NICUKTI NYA 4:1

Lene Musa pai bak nide limwa nya “Ma jibit nicukti di dingginau je tut hagom leu binhyepo jibong kei jigwam kei ba, jidigek kep mpia ei minu di tuhan di nok jidigup bat-jidigai bat nya ide Allah miyai bije cem.

NINDAT KEP TUHAN NICUKTI NYA 6:10

“tuhan di nok jide Allah miyai dihyei hanjop nsi bitut minu nindig bibor di jiwin bi nya di mpung tut ndigban bije bit leu nok Noni preu ei mem jidigup bat-jidigai bat di Abraham kin Ishak kin Yakub nipou su.

NINDAT KEP TUHAN NICUKTI NYA 7:12

“Gino jiyok ngon kep nicukti dini yok ba, jiba jingon di gom bibit hagom lene tuhan di nok jide Allah miyok ngon kep mun di Noni preu ei mem je ba, ningon ngakei je bijo kikau buug hon nohonti bi bit leu nok gi po Noni preu ei mem jidigup bat-jidigai bat nya.

NINDAT KEP TUHAN NICUKTI NYA 7:13

Noni miningon ngakei je biyai gi kei bije leu binhyepo jibon jimunggwom bat nya imang bibor ba, jidigek kep mpia. Noni miyai gi kei bije bibindei ba, njita di nnum hei ei jide miaisi nya apino mijiyai gandum kin ba anggur ningei kin biei zaitun ningei nok gi dem. Noni miyai gi kei bije bibindei ba, jide sapi nya kin jide domba nya mikum eisi bu. Noni minjei mun di kei dini yok hagom bak jeni ei minu po Noni preu ei mem jidigup bat-jidigai bat nya bipia miyai bije pima ri.

NINDAT KEP TUHAN NICUKTI NYA 7:8

Noro Noni ningon ngakei je ba, joi sut yai igbit mun di Noni preu ei mem jidigup bat-jidigai bat nya. Gima rino Noni teu je bijingwes ngun tug hon Nide nisindemti di nindig bibor lene kwek je leu nibou ndig mben Mesir di yuubon je nok nide awak nya.

NINDAT KEP TUHAN NICUKTI NYA 8:1

“Ma jiba jingon gom bibit tuhan nicuk jeti di ditri tut bije njap di ammani leu binhyepo jiyaijo ba, jimangti kum eisi ei minu di Noni preu ei mem jidigup bat-jidigai bat nya ba, jidigek kep mpia ba, jibong kei jigwam kei eisi.

NINDAT KEP TUHAN NICUKTI NYA 9:5

tuhan misindui sut jeni bijiyai ide minu bijiyati tug hon jide nikwes-kwausi kin gi jibit Nonti ningon kanti nya bi. Noni mihwen yok bingwig leu je drek dip ide nisibut biborti ba, Noni yai igbit mun po Noni preu ei mem jidigup bat-jidigai bat di Abraham kin Ishak kin Yakub nya cem.

IBRANI 6:13

Tirigi Allah preu ei mem Abraham lene ba neheng bipreu ei mem noni. Allah ba Nonti ninyeng bipreu ei mem noni lewo hi ninyeng jei dor njiriek Allah bi.

IBRANI 6:14

Noni pai “Midinjei mun di kei bak nani lene dibindei yo di intun nani him bidigek kep mpia.”

YOSUA 1:6

Ma angon nddong ba, abrim angkek lewo attei nibou tut yo dini tirigi icoi bigyai minu di dipreu ei mem idigup bat-idigai bat nya bigyati.

NIJAM NIKEI NYA 2:1

Lene tuhan de malaikati gom jo leu Gilgal buug kikau ug ei Bokhim leu api pai bak mben Israel “Diteu je bijingwes ngun leu minu Mesir lene dibuwak je kwei ei minu po dipreu ei mem jidigup bat-jidigai bat nya pima tu. Mpe dima lene disimbot dat bipia midiluei dingonti tut mun di dipreu ei mem je bi sren.