NINDAT KEP TUHAN NICUKTI NYA 1:30 - ALLAH NIHYET MEM TUNGWATU NYA

³⁰ Jide tuhan Allah mibie tut jeni ba, mikon pran mem jeni noyam kin gi nipou po jingat bou jiyai him ei minu Mesir,

NINDAT KEP TUHAN NICUKTI NYA 1:30 ပူးပေါင်းရင်းမြစ်များ

NIBOHON MBEN ISRAEL GI NICAN 32:8

Nisindemti di ningat rin bit noni ne tungwatu nya he. Noro nisindemti di ningat rin bit nyeni ne tuhan Allah rin ba, Noni mimpu nyeni bikon pran bit nibou ndig mben Asyur kin nide tentara nya gau nye.” Tirigi limwa nya imiap ide nibou ndig nihyet dima lene itug ndei mimbri di kui ingkek noyam.

NEHEMIA 4:14

Tirigi dingat lo, limwa nya ingon bos-bos nyen lene dipai biyok kin ide nibou nya “Ma jittin tut ide siceu nya au. Jiyok ngon kep bipia Tuhan sindem bibor lene ma jibrim jingkek bijinyohou jisut bat timiei minu dini kin jimunggwom bat nya kin jitnem bat nya yahagom bitut ig jide nya cem hagom.”

NEHEMIA 4:20

Gino jimiap pun mbrei nisu bong lene ma jinduk yam kwei ndam da. Ide Allah mikon pran mem nye bit ide siceu nya.”

MAZMUR 46:11

Noni ba nihyet bikak yok bipai “Jikes hon bijikon pran bu au. Ma jingon jo kep bipia Dani ne Allah rin ba, ngkiai nya yahagom inggei sut da. Tungwatu dihyeisi dini hagom ikon dinyeng bijo nai.”

NEHEI LEUSI 10:21

Lene tuhan cuk Musa bipai “Asu anda kui mpia-bbed him leu api nidinditi di dindi-kai minggai kep minu Mesir ug ri.”

NEHEI LEUSI 14:14

tuhan mibrim ningkek mem je. Noro ma jahagom jiya jiyati dima bijikimut juhuigya.”

NEHEI LEUSI 14:25

Lewo Noni bindei ba, igkrop kat ide kroba pran nimig apino bit bon imbut sindem kan bi. Gima rino mben Mesir isimbot dat bipai “tuhan ya tut mben Israel bikon pran bit nye. Jikwei ba, inang bihigom leu yok!”

NEHEI LEUSI 19:4

bipai “Jingat mun di Da di tuhan dibibon bak mben Mesir bou jiyai him tu. Leu api dibuwak je kwei ndam Da ei sirini tug hon Ditde nisindemti di nindig bibor dem kep nok hacam krubri di kon nipmot bat nya ei ninyehei dip.

ROMA 8:31

Gima hagom nok lene notou ibuhup hanyen bu i? Gino Allah tti kin nye ne tou ribindei cut nye i?

ROMA 8:37

E bi! Igyai nisindemti mem gima ibindei cut mun nyeng hagom bihigom tug hon No di ningon ngakei nye!

NINDAT KEP TUHAN NICUKTI NYA 1:29

Noro dipai bije “Ma jittin tut yo dima au.

NINDAT KEP TUHAN NICUKTI NYA 11:3

kin mindur di bibon nya. Jenti jingat mun di Noni bibon bak nibou ndig mben Mesir bitut nide minu titut yam bou jiyai him.

NINDAT KEP TUHAN NICUKTI NYA 29:2

Lene Musa nduk mben Israel yahagom kwei ba, idem yam leu api pai biyok “Jingat mun di tuhan bibon bak nibou ndig mben Mesir kin nide nibou di igya kui noni kin nide minu titut yam bou jiyai him tu.

NINDAT KEP TUHAN NICUKTI NYA 3:22

Ma attin tut yoni au. Lewo ade tuhan mikon pran gau nani.”

NINDAT KEP TUHAN NICUKTI NYA 31:3

Nonti mibie tut je leu api mihwen ngkiai nya di ibong ser minu dima bingwig leu binhyepo jikieng kep minu dima nisurti-nipekti. Lene Yosua minok nibou di bie tut je bit leu nok gi po tuhan pai binye pima.

NINDAT KEP TUHAN NICUKTI NYA 34:11

Nabi hi di bibon mun di mindur kin bindo dem kep nok gi hi di Musa bibon tirigi tuhan pinak noni ndam nibou ndig mben Mesir kin yo di igya kui noni kin nide limwa nya hi bi sren.

NINDAT KEP TUHAN NICUKTI NYA 4:34

Dihig ser je bipia kwar di tungwatu nya ikuk yok bak hi sindem mem gima ug dimig mben gom leu mben nindigsi nya ikieti ei ba, ninyeng tak kep yok e? Noro tuhan di nok jide Allah dimig jeni ei leu mben Mesir ikieti tu. Noni ribindei dino nsuwer ajar kin pran cut igkep yok. Noni bon mun di mindur nya kin bindo nya kin mun di bindei dino tungwatu nya ingon ttin bibor tug hon Nide nisindemti di nindig bibor bou jiyai him tu.

NINDAT KEP TUHAN NICUKTI NYA 7:18

Noro ma jittin tut yok au. Ma jiyok ngon kep notou tuhan di nok jide Allah kes mun di buhun pima ei nibou ndig mben Mesir kin nide limwa nya dip.

YOSUA 10:14

Njap di mindur hi nok gima pek kep mem tungwatu nya nipou ba, niabiati cem bi sren. Lewo njap dima ne tuhan bit tungwatu dihyeisi dini ingon kanti ba, Noni tti kin tentara Israel bimpu yok.

YOSUA 10:42

Yosua nya iba nikon pran sindam dima bibindei sar nibou ndig dima yok yahagom. Lene ibindei sar minu ndig di ide di inyeng tak kep nya cem leu api igyai bigyati. Lewo tuhan Allah Israel hati tut tentara Israel bikon pran tut yok.

YOSUA 23:3

Jide tuhan Allah mpu je bikon pran bit jide siceu nya lene jingat notou Noni bibon yok bou jiyai him tu.