NINDAT KEP TUHAN NICUKTI NYA 1:17 - ALLAH NIHYET MEM TUNGWATU NYA

¹⁷ Ma jiba jide nikos tutti nya bimbus nggok tungwatu nya au. Ma jiba jingon di gom bimbus tungwagom-gom ningonti lene ma jimbus nggok yok au. Ma jittin tut yo di igya ei joho bei mem gima jikos tut yok au. Lewo Allah mipingok jingonti bindo nikos tutti di igbit bak jeni. Lene ma jikes munhyet di nggruk bibor mem je ei dani dinghat dip leu api midikos tut bak jeni.’

NINDAT KEP TUHAN NICUKTI NYA 1:17 ပူးပေါင်းရင်းမြစ်များ

NITRITI 18:25

Dem mem gima acok tut yo di ingon ngun kin yo di ingon mui yahagom srig yamti bi. Gima igbit bi! Bit bon ayai nok gima bi! Gino ayai nok lene yo di ingon ngun nya mitug ndei hukum noyam kin yo di ingon mui nya lene gini dem tut bi. Suar no di nok nikei mem mpia-bbed him kin dihyeisi dini ba ningon sren biyai nibou tut.”

SAMUEL GI NICAN 14:14

Nyeni yahagom mporo yuum igyaijo ningwig honti. Nyeni yahagom idem kep nok minyei di ikiber ei dihyeiti ba, bit bon hi mbus keyam hanyen bu kan bi. Allah cem giwin yo di imai nya bikiju ba, igyaijo hanyen bi. Gima rino nna ba na di Andigpoi anggok puig leu binhyepo no di com no ug ei ningkiaisi dima ngkwei hanyen.

NIBOHON MBEN ISRAEL GI NICAN 19:5

Noni kon nikei nya ba, kes yok bidem minu ndig di bon tentara nibousi di igya coi nya hagom ei minu Yehuda.

NIBOHON MBEN ISRAEL GI NICAN 19:6

Noni pingok ingonti bipai biyok “Ma jiba jingon di ki bimbus limwa nya ingonti lewo jimbus yok gau ninyeng tungwatu bi. Noro gau tuhan ninyenga. tuhan ngig niyai kep jeni mpe dino jikos tut munhyet ei limwa nya ikieti.

AYUB 31:34

Dingon digit tut yo di ikkin kep dinghapti kin yo di ingwes om kep da bi sren. Dikimut duhui bidiku da nyahan ei ig bei drek dip gi dittin tut yo di irom ighyet kui da bi sren.

MAZMUR 82:2

“Ma jiba jingon can bimbus tungwatu nya ingonti bijitti kin yo di isibut nya bu au.

NEHEI LEUSI 18:18

Gino ayai midyai nok gima kikau lene abindei ba, anghuisi jet lene ade limwa nya cem minghuisi wei nindig bibor. Midyai dima buhun bibor mem gima nangkom ayai kep hagom.

NEHEI LEUSI 18:22

Lene ata yok nok nikei mem ide nimpung nya bibikwop nok. Lene yoni ikwei ngat na bihig ser na tut mun di buhun bibor noro yonti migwam nok nikei nya ba, ikos tut mun di buhun lai-lai de. Nok gima lene ade midyai nok nikei minggan lewo yo dima yahati tut na.

NEHEI LEUSI 18:26

Nibou dini yok igyai inyeng nok nikei nya mem ide nimpung nya bibikwop nok. Lene ikwei ngat Musa bihig ser noni tut mun di buhun bibor he. Noro yonti rino ikos tut mun di buhun lai-lai de.

NIPINGOK NINGONTI 18:5

Dem tut gima atti kin no di ningon mui ba, akes hukum ei no di ningon ngun dip bi.

NIPINGOK NINGONTI 24:23

Yo di ingon ki ipai, “Ma nikei mbus nite hi bihigom tirigi kes hukum ei tungwagom dip au.

NIPINGOK NINGONTI 28:21

Gino hi mbus nggok tungwatu ne gima kei mem bi. Noro nikei nya ibou poi isindui sut hi ba mitiei bingot kep yok bibindei ba, ikos tutti nya sren kei bi.

NIPINGOK NINGONTI 29:25

Ma akrau angon tut mpe dino hi kkin kep anghapti niku au. Leu gima nahanok mibuhun tak na. Gino aba angon com tuhan lene angwes ngun leu.

YEREMIA 1:17

Yeremia e, ma atin ei! Aug ngat yok ba, atri tut dicuk nati nya hagom biyok. Ma attin tut yok au. Leu binhyepo dibindei ba, attin yok nindig bibor bu tirigi aya ei yoho bei bi.

IMAM NYA IDE MIDYAI 19:15

Tirigi jigwam nok nikei mem yo di ipigau hanjop nya lene ma jingon sren. Harin dima jibibon no di nuhui mbum ba, bon ninyeng njiriek nindigsi nya a. Nok gima cem harin dima jingon digit tut no di nyeng bibor a.

MALEAKHI 2:9

Gima rino midibirop bije. Midibindei ba, mben Israel ingwes pri gau je lewo tirigi jingginau Ditde limwa nya ne jiyai igbit dingon kanti bi. Tirigi jingginau Ditde limwa nya ne jimbus nggok yok.”

MATIUS 22:16

Gima rino icuk ibou poi di igya kui yok kin ibou poi di itti kin nimpung Herodes biyuug ngat Yesus. Yo dini ipai bak Yesus “Guru e, nikan tut bipia angon sren. Ba, nikan tut bipia apai mingat tut Allah ningon kanti mem tungwatu nya lene amig mbus yok bi.

MARKUS 12:14

Ikwei pai biNoni “Guru e, nikan tut bipia angon sren ba, amig mbus tungwatu nya bi. Gima cem nikan tut bipia apai mingat tut Allah ningon kanti mem tungwatu nya lene adigit tut ibuhupti bi. Gima rino ma apai sut angon kanti binye tut belasten di igo gau nyenti bak nibou Kaisar Roma ug e. Igyaisi dima tunggwei sut Puig Yahudi nidimig sutti e? Ma igo belasten bak e, he igo bi e?”

LUKAS 20:21

Gima rino yo di nibou nya iba mitiei bingot kep yok pima ikwei pai bak Yesus bipai “Guru e, nikan tut bipia ahyet di atri tut kin ade ningginau tungwatu nyati hagom ne nijit-jau ri. Apai mingat tut Allah ningon kanti mem tungwatu nya cem ba, amig mbus bi.

ROMA 2:11

Lewo Allah mbus nggok tungwatu nya bi.

EFESUS 6:9

Je di jinok andigpoi nya e, ma jibibon jide awak nya noyam kin nicukti dima. Ma jicuug yok au. Noro ma jiyok ngon kep bipia jeni kin jide awak nya jijem jiceu bit Tuhan ei gwamti ba, Noni mig mbus tungwatu bibit leu itta di jo brei bou niyai him bi.

NINDAT KEP TUHAN NICUKTI NYA 10:17

tuhan di nok jide Allah ninyeng jei dor njiriek kwar di tungwatu nya ikuk yok bak nya kin nisindemti nya hagom. Ma tungwatu nya ibit nihyet lewo ninyeng jei ba, Noni sindem bibor cem. Noni mbus nggok tungwatu nya ba, ce tut hi ba mitiei bingot kep Noni bi.

NINDAT KEP TUHAN NICUKTI NYA 16:19

Tirigi ikos tut mun nyeng hi lene ma iba ide ningon canti bikos tut ba, imbus nggok yo di inyeng jei nya cem au. Ma itindei hiter nindati tut mun nibingot kep yok au. Lewo mun nibingot kep dima tak kep tungwatu igyai bitut yo di ingon ki kin yo di ingon sren nya igyai ser apino gimbun ingon hukti tut mun di igbit kan bi.

NINDAT KEP TUHAN NICUKTI NYA 24:17

Ma jibon mun di kinei tut ngkiai nya kin moibihi nya bijico kep yok au. Lene ma jipos kibom nya ide sinsun dut nok mun di bindo bipia mirop jide ningwam hanyen au.

NINDAT KEP TUHAN NICUKTI NYA 25:1

Lene gino mpe di gom mben Israel ibou can igya ei nikei noho bei drek dip mun di kinei leu api nikei ndo igbit gi hi di ningon ngun kin gi hi di ningon mui,

KOLOSE 3:25

Tungwa tou rino yai mun tunggwei mitug ndei nimuhup sur nitunggweisi. Lewo Allah mbus nggok tungwatu bibit leu nok itta di jo brei bou niyai him bi.

TESALONIKA GI NIGOM 2:4

Noro nitri tut Nihyet Di Kei bikwop njap-njap bit leu Allah ningon kanti mem nye. Lewo Noni ba ningon com nye tut midyai dima bisok Nihyet Di Kei ei nyeni dip mem gima nibibrim tungwatu nya ingonti leu binhyepo inggei sut nye bi noro leu binhyepo Allah joi sut nye lewo Noni binai ningon kanti hagom.

YAKOBUS 2:9

Noro gino jimig mbus tungwatu nye tereu nok hi kei hi kinei bit leu nok ingat di jingat bou jiyai him lene gima bindei bijingon mui su ba, Allah niggai serti pai kep je drek dip.

PETRUS GI NIGOM 1:17

Tirigi jingat nadi bak Allah lene jindat kep ninyeng Arigya. Noni mbus nggok tungwatu nya bibit leu nok yonti njem di Noni ngat bou niyai him bi. Noro buhup biyok bit leu nok igyai munti nya. Gima rino ma jiba jiyaijoti ei dihyeisi dini bikon Allah ninyeng.

SAMUEL GI NIGOM 16:7

Noro tuhan srep bipai “Ma angig ayai kep no dima ningkek dip kin nintig bou di jei au. Dikou sut noni lewo dikos tut dingon kanti bit leu nok tungwatu nya ide nikos tutti nya bi. Lewo tungwatu nya ingig igyai kep tungwatu nya ingkek dip noro Dani dingig diyai kep ingonti.”

SAMUEL GI NIGOM 2:25

Gino tungwagom bon sisar tut hiter lene Allah sindem mem gima ya hacan mem noni. Noro gino tungwagom bon sisar tut Allah lene tou risindem mem gima ya hacan mem noni i?” Pai biyok nok noro nipmot bat cin ijoi sut icig nipingok yokti dima bi. Gima hagom nok lewo Allah kos tut bipia miyai nimai biyok.