DANIEL 9:24 - ALLAH NIHYET MEM TUNGWATU NYA

²⁴ Allah kos tut bipia ug ei nijam ari bingwam nitindur sratus bitai ningot muhwindatai ne Noni kwek asut bat mben Israel nya kin jide minu ndig di kwes-kwau dima leu sisar kin mun di mbuk nya ri. Noni kos ser sisar leu api ta ninyeng tak kepti di sren-srau di jo ninno bijo kikau leu binhyepo ningat-hi-ngat bitut nimbot kepti dima dem igbit ba, Nide limwa nya ipiga tuhan De Ig di kwes-kwau hanyen ei mem Noni.

DANIEL 9:24 ပူးပေါင်းရင်းမြစ်များ

NIBOHON MBEN ISRAEL GI NICAN 29:24

Igyok inda ei dip bidem leu api imam nya ibui ba, iba ninggrom biprok nimbar hum dok. Iba midut dima biyai nikos ser sisarti gau limwa nya yahagom. Ibon midut nindig mindhe-ndhe titut kin midut nibiyai nikos ser sisarti ei nimbar hum dokti gau limwa nya yahagom nok gima lewo nibou ndig cuk yok tut.

MAZMUR 2:6

Lewo Noni pai “Dita ditde nibou ndig ei Sion ba, gima ne Ditde nungung tou di didimig bikwes-kwau ei su.”

MAZMUR 45:7

Allah yai nisindemti bina mem gima anyeng tak kep limwa nya. Ade nisindemti jo ngkiem bijo ninno bijo kikau. Aba angon srenti binyeng tak kep ade limwa nya.

YESAYA 42:4

Nibou buwei ba, ningon micut leu bi bibou ningon sren-srausi kieng kep dihyeisi dini hagom ba, yo di minu ting nya igyok ingon mem ningginau yokti nya.”

YESAYA 51:6

Ma jicap mpia-bbed him bijitou kep dihyeisi. Mpia-bbed him mipror bidem hum mmup di brou lene dihyeisi dini mikinei bidem sinsun timiei. Timiei dihyeisi dini yahagom midem kep amihip di mai. Noro niteu ningwes ngunti di kwei leu Dani jo ninno bijo kikau. Ditde nibindei timek siceusi nya muug hon nohonti bi sren.

YESAYA 51:8

Yoni misar bipror yon bidem sinsun di cipo kkin lene bidem minghas di iba domba nta bibon di awam kkin. Noro niteu ningwes ngunti di kwei leu Dani jo ninno bijo kikau. Ditde nibindei timek siceusi nya muug hon nohonti bi sren.”

YESAYA 56:1

tuhan pai bak Nide limwa nya “Ma jibon mun di igbit di dem igbit Ditde nicukti nya. Leu ariman bu ne midihwou teu je bijingwes ngun rin ba, dingon sren-srausi jo brei bou tungwatu nya yahagom igyai him.

YESAYA 61:1

tuhan Di Ninyeng Jei Bibor sindem tut da bidimig da lene cuk da kwei cem leu binhyepo ditri tut nihyet di kei bak yo di yuhui mbum nya ba, diwin kep yo di ingon ngguk bibor nya ingonti. Ditri tut bak awak nya bipia igyati kwes. Bak yo di isima ei ig bui nsi bipia yehei bimbut bihigom.

NIBWOS-BWOS NYENTI 4:22

Jikan bipia Sion tug ndei hukum drek dip sisar di bon nya tu noro nogindini tuhan misindui sut nye ei bi ba, micom nye ug ei ningkiaisi bu bi. Noro tuhan mikes hukum ei na di Edom dip! Noni mihit ade sisar nya bijo nibreisi!

YEHEZKIEL 28:12

“Na di tungwatu di ayaijo kikau bi e, ma apim nggruet tut nibou ndig Tirus. Ma apai sut mun di Da di tuhan Di Dinyeng Jei Bibor dipai sut noni bipia nipou pini jug ne abon nanti nok bindo tug hon ade nikei-kau-keisi. Nipou yo ne angon ki bibor ba, awer ubbu ngat cem!

YEHEZKIEL 4:6

Gima leu api aba angha bei anda com bibong bu ba, atug ndei hukum drek dip timiei Yehuda nya itunggweisi ei ninsi njap ningot bitai. Njap gom mibindo tut mun di buhun di cut igkep yok mem ari bingwam gom lene bibikwop nok.

IMAM NYA IDE MIDYAI 25:8

Ma jikum ei ari bingwam nitindur mbimuhwindacan bram yamti sindam leu api nimangti midem nijam ari bingwam ningot bitai ba, muhwindatai.

IMAM NYA IDE MIDYAI 8:15

Lene Musa bui sapi behek ninggrom poi leu api tur ninda pijum eisi bibidip nimbar hum dok ninggai nya leu binhyepo piga gima ba, tug hon nisinati dima lene noni piga nimbar dima ei mem tuhan bibindei ba, nimbar kwes-kwau.

ZAKHARIA 4:14

Noni pai “Gima ne ibou can di tuhan di pai tes dihyeisi kin gwamti bitut mun di joti nya hagom dimig ei mem gima igyai midyai mem Noni ri.”

MBEN ISRAEL IMBUT-MBUT NYEN 14:34

Hukum di ntun jide sisar him mibuhun tak je kikau mem ari bingwam ningot bitai. Ari bingwam gom mem njap gom ari bingwam gom mem njap gom lene bikwop nok noyam kin njap nimangti gi jimbris nyahan bijiyok jitta kep minu Kanaan pima. Jahagom mijibiang mun di buhun di miyem jinghuisi drek dip gi po jisrep tut Da!

MATIUS 1:21

Noni misrek tut munggwom nipinai leu api ma ajem ninyeng Yesus lewo Noni miteu Nide limwa nya leu ide sisar biyai niyaijo nijep biyok.”

MATIUS 11:13

Lewo nipou tirigi Yohanes tri tut nihyet bigyo ne nabi nya kin Allah niggai serti cem ipui sut Allah Ninyeng Tak Kepti.

MATIUS 4:5

Lene Bilis buwak Yesus ug ei minu ndig Yerusalem mpia di kwes kei lene kes Noni ei Tuhan De Ig biya ig bou ninjek dip anai bibor.

MARKUS 1:24

“Na di Yesus di atimieisi leu minu ndig Nazaret e, anggon ndei nye i? Akwei hwen nyeni e? Dikan tut anyeng ba, Nani ne No di kwes-kwau dino Allah cuk kwei ri!”

LUKAS 1:35

Malaikati buhup “Ninnei Gi Kwes misrek kwei ei nani dip ba, Allah di Ninyeng Jei cem minggai na yo. Gima rino amunggwom di asrek tut dima miyai ninyeng Gi Kwes-Kwau cem Allah Nipmot cem.

LUKAS 21:22

Lewo nijam dima ne Nijam Di Allah Kes Hukum Ei Tungwatu Nya Dip rin leu binhyepo mun di ipas ei Allah nihyetti micut igkep tungwatu nya tug hon nisinati dima.

YOHANES 1:41

Noni ug nggok ser nikindig Simon haninyai bipai bak “Nyeni nuum Nibou Ndig di teu tungwatu nya biyai niyaijo nijep biyok di tungwatu nya ijem ninyeng Kristus tu.”

YOHANES 3:34

No di Allah cuk kwei tri tut nihyet di kwei leu Allah lewo Allah kes Nonti Ninnei titut yam ei ningonti.

KISAH 3:14

Yesus ningon kwes-kwau ba, ningon sren-srau cem lo, apo jikou sut Noni leu api jahara Pilatus leu binhyepo noni kes nihwen mun cig leu ig bui nsi bije.

KISAH 3:22

Musa pai ‘Tuhan di nok jide Allah midimig nabi gom leu jide adig-ajoi nya ikieti bipinak Noni ndam je bit leu nok Noni pinak da dini. Suar jingon bit mun di tibim ei nabi dima nuhui him a.

KISAH 4:26

Nibou ndig dihyeisi dini injei siceu ba, yo di inyeng jei nya igyok ingon gom cem leu binhyepo itte tut Tuhan kin Nide Nibou Ndig di teu tungwatu biyai niyaijo nijep biyok.’

ROMA 5:10

Gino ei nijam di iba nitok bak Allah lo, Noni bakei nyeti tug hon Nipmot nimaisi lene jo nibreisi bipia nogindini tirigi Allah jem nisut bit nye dini ne Noni teu nye leu sisar biyai niyaijo nijep binye lewo Kristus niyaijo hanyen tu!

KORINTUS GI NIGOM 1:30

Allah Nonti bindei ba, jinok gom kin Kristus Yesus. Igyai ningon kiti tug hon Kristus cem tu. Allah bindei ba, igyai ingon di kwes kin Noni tug hon Kristus ba, inok Nide limwa di ingon kwes-kwau nya ba, Noni kwek nye leu ide sisar cem tu.

FILIPI 3:9

bidinok gom kin Noni. Dinggok tut ningon kwes kin Allahti tug hon gi dibindei mbut Puig Yahudi niggai serti nya bu bi. Nogindini dingon kwes kin Allah hanyen tug hon ditde niba ningon com Kristusti. Lewo Allah yai ningon di kwes kin Noni hanyen bak tungwatu nya tug hon ide niba ningon com Yesus Kristus Nongkom he.

KOLOSE 1:20

Allah kos tut bipia Noni ba Nipmot bibakei nipai testi nya hagom bitut mun di jo ei dihyeisi dini kin mun di jo ei mpia-bbed him cem kin Noni hanyen. Noni bakei mun dima yok hagomti tug hon Nipmot nimai ei biei salibti.

KOLOSE 2:14

ciu ser buk di nyeni itak kep ser Nide mitiei ngwam di ba nidimig sutti di buhun tak nye. Allah pek buk di itak kep ser dima kin biei salibti binggek tut nidimig sutti di pai kep nye.

IBRANI 10:14

Kristus ba midut nibikos ser sisarti gom ngat he bibindei ba, tungwatu di igyai nipiap leu sisarti dima ingon kwes kikau.

IBRANI 2:17

Gima rino jo nibreisi mem nye bipia suar Noni luei nitta bibon Nonti noyam kin nikinjoi bat nya haigtu leu binhyepo yai midyai nok ide Imam Nibou Ndig di ningon gom ba, ningon nggriu cem ei Allah Noho bei. Tug hon nisinati dima lene Noni bindei ba, tungwatu nya igyai nikos ser sisarti.

IBRANI 7:26

Yesus dem mem gima yai midyai nok Imam Nibou Ndig biya hacan mem nye lewo ningon kwes-kwau cem yai mun tunggwei bibon sisar hi bi cem ba, kes dihyei di kinei dini ei leu api Allah kon Noni bikui njiriek mpia-bbed him.

IBRANI 9:26

Leu gi nok lene Noni yai ninghuisi wei nyen-nyen habiei tirigi Allah pai tes dihyeisi dini kikau kwei bipek ammani kep. Noro tini bu ei nijam ningwig honti dini lene Noni kwei mbigom ngat he bijo ninno bijo kikau leu api dip tut sisar hagom tug hon nikes Nonti ei nok mindhe di ibui sut ninggromti.

PETRUS GI NICAN 1:1

Srat dini leu da di Petrus ba, dinok awak mem Yesus Kristus bidiya kui Noni cem. Srat dini mem je dino jiyai jide niba ningon comti noyam kin nyeni tug hon ide Yesus Kristus di ningon sren-srau. Noni ne Allah kin No di teu nye leu sisar biyai niyaijo nijep binye cem ri.

YOHANES GI NIGOM 3:8

No di bon sisar ninyen jem niceu bit Bilis lewo Bilis bon sisar ninyen habiei leu nimbie him kikau kwei bipek ammani kep. Gima rino Allah Nipmot kwei ei dihyeisi dini leu binhyepo nggek tut Bilis de midyai nya.

NINGAT-HI-NGAT NYA 14:6

Leu api dingat lo, malaikati gom kin bu di mba anai mpia-bbed him bikwei sut nihyet di bit bon pror hanyen kan bi. Noni tri tut nihyet dima bak tungwatu dihyeisi bikwop mben nya kin keret nya kin nihyet nya kin minu nya hagom.

NINGAT-HI-NGAT NYA 3:7

“Apas srat dini bak malaikati di buhup tut mbusyamei ei minu ndig Filadelfia. Nipas kepti dini kwei leu No di kwes-kwau di ningon gom. Noni krau kusin di Daud krau. Gino Noni kau dimbou ne bit bon hi nggam mbou hanyen kan bi. Gino Noni nggam mbou ne bit bon hi kau dimbou dima hanyen kan bi.