DANIEL 9:23 - ALLAH NIHYET MEM TUNGWATU NYA

²³ Tirigi sindi ahara bak Allah pima ne Noni buhup ahyet. Dikwei mbot kep bina lewo Allah ningon ngakei na. Ma angig atingou mem dihyet lewo dicoi ei ningat-hi-ngat dima ningatti bidipai bina ri.

DANIEL 9:23 ပူးပေါင်းရင်းမြစ်များ

NIBOU NDIG NYA GI NICAN 19:20

Lene Yesaya sok nihyet bak Nibou Ndig Hizkia bipia tuhan buhup nide nadi tu.

NIPINGOK NINGONTI 15:8

tuhan joi sut yo di ingon kwes kei nya ide nadi noro ningon mpo tut midut di yo di isibut nya ibon ei nimbar hum dokti nya.

DIUN MIMUN 7:10

Dingon ngakei no di dingwam kep ba, ningon pri kep da.

YEHEZKIEL 14:14

Mbro nok gino Nuh kin Danel kin Ayub nya ibong ei mpia dima lo, ibou ningai dima ide nibon munti di kei teu yonti njem innei he ba, ingwes ngun. Da di tuhan Di Dinyeng Jei Bibor disimbot dat tu.

YEHEZKIEL 24:16

“Na di tungwatu di ayaijo kikau bi e, midiyai no di angon ngakei bibor leu na kros ug ri. Noro ma apim ba, abwos-bwos nyen cem apim kui jei sut ba, ayai nggwei kibor tut cem au.

YEHEZKIEL 26:12

Ade nitok dima yok mipos mun di anyeng tut nya kin ade ndigban nitri-nipek nya bingwig leu na. Yoni minggek ade ngug tig nya kin ade ig di kei-kau-kei nya cem bitti ningwig ba, ikon ig kum kroi di nok tig kin biei sra kin dihyei pima ba, icom hagom ug ei muk ngeisi.

DANIEL 10:1

Nibou Ndig Kores ninyeng tak kep minu Persia ug ei ari bingwam gi niningai lene nimbot kepti tut nihyet gom tibim kwei ei Daniel di ninyeng hi Beltsazar nitingou nsi. Nihyet dima igbit lo, nggruk bibor mem gima ningon huk niti. Tirigi Daniel bingon-ngon nyen mem gima ningon hukti tut lene nicoi ei ningatti dima jo nibreisi mem noni tug hon ningat-hi-ngat di noni ngat.

DANIEL 10:19

Noni pai bida “Yo, ma ayai nisindemti. Angon digit ba, attin tut au! Lewo Allah ningon ngakei na.” Pai nok rino dingkek kan lo, ditde nisindemti kum eisi bidor njiriek bu. Lene dipai bak “Gima ne na di Andigpoi e, apai angon kanti bida hak ug. Lewo abindei ba, ditde nisindemti kum eisi bu tu.”

DANIEL 6:3

Noni kon Daniel kin nibou nya ibou can bu leu binhyepo ingig igyai kep nibou nindigsi nya binyohou dimig mun di bitut nibou ndig nonti.

MATIUS 24:15

“Mijingat lo, ‘Nisibutti Di Bindei Di Map Kui Tuhan De Igti’ tirigi ya ei ninsi di kwes-kwau dem igbit srat di nabi Daniel pas kep tut. (Ma no di kwop srat bokti dini yok ngon kep ningginausi!)

LUKAS 1:28

Malaikati dima coi ug ei ig bei bingat Maria bipigo “Na di sop di Allah singat tut na ba, ningat rin bit na e, acem!”