DANIEL 9:16 - ALLAH NIHYET MEM TUNGWATU NYA

¹⁶ Aya srak ko hagau nye nipou su. Gima rino ma angon sibui sut minu ndig Yerusalem kikau au. Minu ndig dima ne Ade minu ndig kin Ade nungug tou di kwes-kwau ri. Tungwatu di ibong bidem minu di gahai minu Israel inim kep minu ndig Yerusalem kin Ade limwa nya cem drek dip nyende sisar kin nidigup bat-nidigai bat nya igyai munti di mbuk bibor nya.

DANIEL 9:16 ပူးပေါင်းရင်းမြစ်များ

NEHEMIA 9:8

Jo nibreisi mem Na bipia noni ningon gom tut Na ba, bit ahyet cem. Gima rino Na di tuhan kin Abraham jibon gi preu nicom nigau ei yamti. Apreu ei mem noni bipia mporo ma ayai minu di mben Kanaan kin Het kin Amori kin Feris kin Yebus kin Girgasi ide di ibong ser nya hagom binoni leu binhyepo nide nintun him di bram yam nya migyai dihyei hanjop nsi dima yok hagom bibong ser nok ide dihyei ninda rom. Lene ayai hagom bit leu nok apreu ei mem noniti lewo angon gom.

MAZMUR 143:1

Doia Daud. tuhan e, amiap kep ditde nadi ba, angig atingou mem ditde nahara Nati. Aba Ade ningon gomti kin Ade ningon sren-srausi bibuhup dihyet.

MAZMUR 31:1

Doia Daud mem no di bie tut doia nimpung.

MAZMUR 41:13

Ampu da drek dip dingon srenti leu api abindei bidigwam bit Na bijo ninno bijo kikau.

MAZMUR 71:2

Ateu da bidingwes ngun lewo angon sren-srau. Angig atingou mem dihyet ba, ateu da bidingwes ngun.

MAZMUR 79:4

Mben ngkiai di ibong ttai nye ighyet tigut nye. Ipa tut nye ba, iba ighyet bicig nye.

MAZMUR 85:4

Agigga yok bu bi ba, abrim Ade nigga biborti hanyen leu yok tu.

MAZMUR 89:51

Ma angon prion ser ighyet di kinei sut da di dinok ade awak kin ngkiai nya imang bibor di ighyet wer mpiahi tut da au.

NEHEI LEUSI 20:5

Harin dima jikuk je bak kwar nya a. Lewo Dani ne tuhan ba, dinok jide Allah rin ba, dikou sut kwar di tungwatu nya ikuk yok bak nya. Mem yo di ingon kinei sut Da lene midikes hukum ei yok dip kikau ug bipek imunggwom bat nya kin ignyon bat-idrot bat nya kikau ug bipek ide nintun him yamti di bram yam nya nimpung gi niningai kin nibitai bu.

YESAYA 5:25

tuhan gga nide limwa nya bitin ei mem gima kes hukum ei yok dip. Nungug nya mporo ugwa-kwei. Nimbiam ngut mijo-jo wai bidem kep mumpiang di jo-jo wai ei puigsi nya. Mbro nok gima lo, tuhan gga yok bikes hukum ei yok dip kikau.

YEREMIA 24:9

Midibindei ba, mun di buhun di biyai ingon di ttin bibor micut ei yok dip ba, biyai nittin bak ngkiai nya ei dihyeisi dini nisurti-nipekti. Tungwatu nya iba ighyet bicig yok lene iba yok bilor yam ba, ighyet wer mpiahi tut yok bidem mpia di dicom yok ug eisi nya cem hagom. Tungwatu nya iba mben Israel inyeng bisigion yam.

YEREMIA 29:18

Midiba pran kin ninggum kin nsuwer ajar buhuk-huk nyen yok. Apino timiei minu ngot di itou kep mun di cut igkep timiei Yehuda nya ingon ttin bibor drek dip. Tungwatu nya bidem minu di dibindei ntek gimahap yok ug eisi nya igyai ttin ba, ittin tut mun di itou kep nya. Yoni mporo iba ighyet bicig timiei Yehuda nya lene iba inyeng bisigion yam cem.

YEREMIA 32:31

Habiei leu nimbie him di iwin minu ndig dini ne timiei nya ibindei bidigga bibor. Dikos tut mem gima dibindei sar minu ndig dini,

YEREMIA 32:32

drek dip mun di kinei ngot di timiei Yehuda kin minu ndig Yerusalem nya bitut ide nibou ndig nya kin nibou di igya kui yok kin imam nya kin nabi nya ibon tunggwei nya.

YEHEZKIEL 22:4

Ade niyaijoti mingwig hon didiyam. Ba, angon mui drek dip gi ayai nimai bak timiei nya tu ba, map kui jeti tug hon kwar di jibon bou jinda him. Gima rino disindui sut na ba, anok mun di ngkiai nya kin ide minu nya yahagom ikig bipa ndip nyen cem.

YEHEZKIEL 5:14

Awer ig kum kroi ningkom ba, ngkiai nya di ibong ttai na miba ighyet bicig na. Bikwop yo di imbut binjiriek na miyoom yok leu na.

DANIEL 11:45

Ningat ne noni hok nide prak meng yati di bindo tut ninyeng jeisi ei muk ngei kin nungug di tuhan De Ig joti ikieti. Noro niabiati bu ne noni tug ndei nimai lo, hi di mpu noni bi.”

DANIEL 9:20

Duhuk nadi kikau bidipai jit ditde sisar kin dide bat mben Israel ide sisar. Dibidip huk tuhan di ditde Allah leu binhyepo Noni pindi Nide Ig bikei hanyen.

YOEL 3:17

“Je di mben Israel e, nogindini mijikan tut bipia Dani ne tuhan bidinok jide Allah ri. Digwam ei Ditde mbigdip Sion di kwes kei. Minu ndig Yerusalem cem miluei nitta binok minu ndig di kwes kei bu. Apino ngkiai nya mikwei kon pran bit minu ndig dima bu bi sren.

ZAKHARIA 8:3

Midingkwei hanyen ug ei Ditde minu ndig Yerusalem di kwes kei bidibong ser. Tungwatu nya mikan tut bipia timiei minu ndig Yerusalem nya ingon gom tut Da ba, ijem tuhan Di Sindem Bibor de nungug ninyeng Nungug Di Kwes Kei.

TESALONIKA GI NICAN 1:6

Allah mibon mun di igbit. Noni miba ninghuisi wei bibirop hanyen bak yo di igyai ninghuisi wei bije lene,

YOHANES GI NIGOM 1:9

Gino ipai jit ide sisar bak Allah lene Noni miyai igbit nipreu ei mem nyeti. Noni ba ningon sren biyai nikos ser ide sisarti kin nipiap nye leu igyai munti di suwok nya hagom.

SAMUEL GI NIGOM 2:7

Noni bindei ba, bihi yuhui mbum lene bihi inyeng ba, bihi ibon inyeng bi lene bihi inyeng jei.