DANIEL 9:12 - ALLAH NIHYET MEM TUNGWATU NYA

¹² Akes hukum ei nyeni dip kin nyende nibou ndig nya dip cem bit leu nok apreu ei mem nye nipou su. Abindei ba, minu ndig Yerusalem tug ndei hukum nindig bibor dor njiriek minu nindigsi nya ei dihyei nisurti-nipekti hagom ide hukum.

DANIEL 9:12 ပူးပေါင်းရင်းမြစ်များ

NIBOU NDIG NYA GI NIGOM 3:9

Gima rino ma abindei ba, dingon ki leu binhyepo diba dingon di sren kei bibie tut Ade limwa nya ba, dikan igbit tut mun di kei kin mun di kinei niter leu yamti cem. Gino ampu da bi lene notou midibie tut Ade limwa nya di imang bibor dini i?”

NIBOU NDIG NYA GI NICAN 22:16

bindat kep tuhan nihyet di tri tut “Da di tuhan midikes hukum ei timiei minu ndig Yerusalem yahagom dip bit leu nok gi ipas ei srat nicukti di na di nibou ndig akwop tu.

AYUB 12:17

Noni tiba ningon ki leu nibou di inyeng tak kep limwa nya lene bindei nibou ndig nya ba, intin kiek.

MAZMUR 148:11

Je di nibou ndig nya kin jide limwa nya jahagom kin nibou di inyeng jei nya kin nibou nindigsi nya,

MAZMUR 2:10

He, je di nibou ndig nya e, ma jingig jitingou mem mun di disok kep je! He je di jinyeng tak kep limwa dihyeisi dini nya e, ma jingon dorti tut!

NIPINGOK NINGONTI 8:16

Nibou ndig nya kin yo di inyeng jei nya yahagom inyeng tak kep limwa nya nok gi igbit tug hon nisindemti di kwei leu dani.

YESAYA 43:28

jide imam nya ibindei ba, nirom kui Ditde Igti tu. Gima rino disindui sut ba, mben Israel ide siceu nya inim kep yok. Dibindei ba, Yakub de nintun him yamti di bram yam nya itimek bingwig.”

YESAYA 44:26

Dibindei ba, Ditde awak niji ngkiem. Tirigi disok dihyet bidikes dingon kanti ei no di dipinak hwou dip lene dingon kanti dima hagom mipek kep mem tungwatu nya. Dipai sut minu ndig Yerusalem bipia tungwatu nya mibong ser minu ndig dima hanyen ba, midiwin minu mien nya ei minu Yehuda hanyen bu. Midipindi ide ig kum kroi nya ba, wer ig hanyen.

YEREMIA 30:7

Tto bou di kwei sut mun di buhun bibor dideu su. Bit bon hi binai sut njap di buhun bibor dima kin njap hiter kan bi. Njap dima ne njap di bindei ningon mbut-mbut nyenti mem Ditde limwa nya rin noro miditeu yok bingwes ngun.”

YEREMIA 32:23

Noro tirigi ikwei bong ser minu dini ba, igyai bigyati ne igibit Ade nicukti nya ba, igiyaijo dem igbit Ade ningginausi nya cem bi. Igiyai mun nyeng hagom di acuk yok tut nya gom cem bi. Gima rino bitig dino akes mun di buhun dini yok ei yok dip a.

YEREMIA 39:16

leu binhyepo dipai bak Ebed-Melekh di mben Sudan pima bipia tuhan Di Sindem Bibor di Allah Israel pai “Midikes mun di buhun kwei ei minu ndig dini dip. Midikwas mun di isuar nya hi tut yok bi. Gima bit leu nok gi dipai nipou su lene angat mun di cut igkep minu ndig dini bou ayai him.

YEREMIA 44:23

Jide nibon midut nindig mindhe-ndhe ei humti ba, jibikuk je bak kwar nya cem jibon sisar tut tuhan cem jigibit Nide nicuk jeti nya bi cem hagom bindei ba, njap di ammani jitimieisi timek tu. Tungwatu ibong ser mpia dima bu bi. Noro iba minu dima ninyeng bisigion yam. Yo di ingat gima yok nya igyai ttin ningat tu.”

NIBWOS-BWOS NYENTI 1:12

“Je di jikriau da kak puigsi nya e, jingat bijiyok ngon kep da o! Hi dima yai niwei-nidut nindig bibor di ditug ndei nogindini bi! tuhan kes ninghuisi wei dini ei da dip drek dip nigga biborti o!

NIBWOS-BWOS NYENTI 2:13

Ayo! Na di minu ndig Yerusalem di minu ndig Sion di dingon ngakei e, ade ninggekti kui sur mpia bidem kep muk ndigsi o! Dipai mindei mem gima dibigwam ser angon e? Lewo minu ndig hi giyai ninghuisi wei noyam kin gi na di minu ndig Yerusalem ayai bi sren o! Jit o! Bit bon hi dima miwin nani hanyen kan bi sren o!

NIBWOS-BWOS NYENTI 2:17

tuhan bindei ba, gi pai nihwen di nipou yo tin ei ningon kanti tut bisok kep nye tut pima kwei cut igkep nye tu o! Noni ba ningondut nye bisi bindei timek nye ba, ide siceu di imbuk tut nye ibindei timek nye tu o! Noni bindei ba, siceu nya igyai nillei tut gi ingat nyende nicutti bou igyai him o!

NIBWOS-BWOS NYENTI 4:6

tuhan kes hukum di buhun bibor ei ditde limwa nya dip dor njiriek timiei minu ndig Sodom di tuhan Nonti bindei timek yok kros dem kep igyai mpau di bingmai mbigom he. Mun di buhun dima cut igkep yok tug hon tungwatu igyai munti nya bi o!

YEHEZKIEL 13:6

Ningat-hi-ngat di ingat nya ne nitrowai nitu. Mun di itri tut di mipek kep ei nidipti bu cem isuglai he. Ikon ighyet tut bipia mun di ipai sut nya ne ipai sut dihyet di disok ei yok dip lo, digicuk yok bi sren. Mbro nok gima lo, ingon ya mem gima ighyet di itri tut dima mipek kep mem yok!

YEHEZKIEL 5:9

Midikes hukum di buhun bibor ei ade timiei nya dip ba, gima ne dibon bak hiter bigyo kwei bipek ammani kep lene midibon nok gima bu bi sren. Diyai nok gima drek dip ayai munti di dingon mpo tut.

DANIEL 12:1

Malaikati di juk sinsun di iba minghas linen bibon dima pai bu “Mpe dima lene Mikhael di malaikati di sindem di ya ser ade mben tau kwei. Leu api nijam di buhun bibor cut igkep tungwatu nya. Mun di buhun bibor di cut dima cut habiei ei nijam di mben nya ingat rin ei dihyeisi dini kikau kwei bipek nijam di buhun bibor dima nicunti bigyo. Nijam dima dem lene ade mben di inyeng jo ei Allah de sratti yahagom ingwes ngun.

YOEL 2:2

Njap dima mitau kwei sut nidinditi di dindi-kai kin bumbuhui di dindi tut biget leu api hai ceng di nok tentara nimpung di nindig gom mikwei nggai kep nungug him nya noyam kin bumbuhui di ndok bibor. Mun di buhun di nok gini hi cut igkep tungwatu nya nipou bigyo lene micut igkep yok ei nidipti bu bi sren.

AMOS 3:2

“Jeni ne mben ningat-ngat di didimig ei bidinyohou cem dor njiriek ngkiai nya yahagom ri. Gima rino jide sisar buhun bibor ba, suar dikes hukum ei je dip drek dip.”

ZAKHARIA 1:6

Ditri tut dicukti nya kin disok kepti nya bak jidigup bat-jidigai bat nya tug hon Ditde awak ngot di nabi nya nipou su. Noro igimiap kep dihyet bi apino ibiang igyai munti nibuhunti ug a. Leu api inso yonti bipai bipia Da di tuhan Di Disindem Bibor dikes hukum ei yok dip bit leu ide nitunggweisi ba, gima ne Ditde nikos tutti mem yok ri.”

ZAKHARIA 1:8

Ba, dingat lo, tuhan de malaikati kui kuda ningwoi ningut gom bigwam dip. Kuda dima ya tut ei biei murad nghousi ei mbang briep gom lene kuda hi ter ibou poi igya abia kep kuda dima ninghim dip kwei. Kuda dima yok bihi inta ngwoi lene bihi inta ngwoi bidem bitug ningat pimo lene bihi inta tiei.

ZAKHARIA 7:12

Ibindei ba, ingon ngkiem-ngkiau bidem tig tindak a. Digga bibor drek dip gi igibit nipingokti di diyai biyok nya tug hon nabi di nipou nya bi.

MATIUS 24:21

Lewo tungwatu nya ei nijam dima migyai ninghuisi wei nindig bibor dor njiriek ninghuisi wei di hwen tungwatu habiei leu nimbie him kikau kwei bipek ammani kep lene kikau ug bipek njap ningwig honti cem.

MATIUS 5:18

Ma jiyok ngon kep bipia ei nijam di mpia-bbed him kin dihyeisi dini pror bigyo ne bit bon hurup mien kin titik di jo ei niggai serti nya dima pror kan bi bibou hagom dem igbit ug e.

MARKUS 13:19

Lewo tungwatu nya ei nijam dima migyai ninghuisi wei nindig bibor dor njiriek ninghuisi wei di tungwatu nya igyai habiei leu nimbie him kikau kwei bipek ammani kep cem lene kikau ug bipek njap ningwig honti cem.

LUKAS 21:22

Lewo nijam dima ne Nijam Di Allah Kes Hukum Ei Tungwatu Nya Dip rin leu binhyepo mun di ipas ei Allah nihyetti micut igkep tungwatu nya tug hon nisinati dima.

ROMA 15:8

Ma jiyok ngon kep bipia Kristus kwei nok awak mem mben Yahudi leu binhyepo bindo biyok bipia Allah ningon gom bibindei nipreu eisi nya pek kep mem idigup bat-idigai bat nya.