DANIEL 8:5 - ALLAH NIHYET MEM TUNGWATU NYA

⁵ Dibisrip huk mun dima sri lene dingat lo, kambir nikre ningut gom dor sindem kros kwei leu nite bei mpia nicutti. Noni dor sindem bibor ba, nimig jou gingget dihyei njek dip bi. Nibou nggai di mipbor ngat ntun niyai cin ikieti.

DANIEL 8:5 ပူးပေါင်းရင်းမြစ်များ

DANIEL 11:3

Leu api nibou ndig gom di mimbri kui ningkek kiju. Nibou ndig dima ninyeng tak kep minu nindig bibor apino bon mun igbit nonti ningon kanti.

DANIEL 2:32

Kwar dima nibou nok mas di pimbai kei ba, ningget kin ninda nok perak ba, ninghopti kin nintig bou nok ngkimom-tembaga.

DANIEL 2:39

Noro niabiati anyeng tak kepti ngwig hon nohonti tu lene nibou ndig nijep bu ninyeng tak kepti miya luei ahoti bu. Noro nide nisindemti kin ninyeng jeisi noyam kin na di Andigpoi bi. Niabiati bu lene nibou ndig nijep gi niningai bu ninyeng tak kepti miya luei gi hi dima nohoti bu. Kwar ninghopti di nok ngkimom-tembaga ndo tut nibou ndig dima ba, ninyeng mitak kep tungwatu dihyeisi dini hagom.

DANIEL 7:6

Tirigi diyai bong kep ningat-hi-ngat dima lene mindhe ningut gom kin bu di noyam kin macan tutul tau kwei. Noni bon ninyehei bitai noyam kin ha ninyehei di ntun nitta kin nibou bitai cem ba, yai nisindemti mem gima ninyeng tak kep.

DANIEL 8:21

Kambir nikre bindo tut minu Yunani bitut ninyeng tak kepti ba, nibou nggai di mipbor ngat di ntun niyai cin ikieti pima ne nibou ndig gi nipou ngig-ngat ri.

DANIEL 8:6

Kambir nikre dor hallu bicut igkep domba nikre po dingat ei minyei pimat pima leu api ba niten bihwen.

DANIEL 8:8

Kambir nikre ninyeng jeisi bikum eisi bijei bibor. Noro ninyeng jeisi ug hon nohonti lene nibou nggai di mipbor ngat dahat. Leu api nibou nggai bitai di mipbor ngat bu ntun him nidahat leusi hanyen. Nibou nggai bitai dima birok kik nite bei mpia di ter leu yam.