DANIEL 8:3 - ALLAH NIHYET MEM TUNGWATU NYA

³ bidingat lo, domba nikre ningut gom di bon nibou nggai can di sindi ntun him. Gi hi di ntun him abia bu jei ba, jep-jau cem dor njiriek gi hi di ntun him bibie.

DANIEL 8:3 ပူးပေါင်းရင်းမြစ်များ

NIBOHON MBEN ISRAEL GI NIGOM 21:16

Daud ngat malaikati dima di dwop-dwop nyen ei mpia-bbed him kin dihyeisi dini nikieti bikrau simeda ei nindati lene bitin ei mem gima bindei timek Yerusalem lene noni ya tut limwa nya ide nibou nya yahagom di ijuk sinsun kron noyam bibindo tut gi inso yonti tut itunggweisi pima. Lene yahagom ikuk yok biba ingwak bikik dihyei.

EZRA 1:2

“Da di Nibou Ndig Kores dinyeng tak kep mben Persia ba, ditri tut dicuk jeti. tuhan di nok Allah di ninyeng tak kep gwamti bindei ba, dinyeng tak kep tungwatu bidem dihyeisi dini hagom. Noni cuk da leu binhyepo diwin Ig nibousi gom mem Noni ei minu ndig Yerusalem ei hanjop Yehuda.

EZRA 4:5

Lene siceu pima ingot kep nibou di inyeng jei nya ei Persia ninyeng tak kepti leu binhyepo inggek tut midyai di limwa Yahudi nya ikinyon eisi tu dima hak ug. Inggek tut midyai dima ei nijam di Nibou Ndig Kores ninyeng tak kep kikau ug bipek nijam di Nibou Ndig Darius ninyeng tak kepti.

ESTER 1:3

Nibou Ndig Ahasyweros ninyeng tak kep limwa nya ug cut ari bingwam gi niningai lene noni bon pesta di nindig bibor mem yo di inyeng jei kin yo di igya kui noni yahagom. Nibou pran minu Persia kin Media kin nibou hanjop nya cem bitut yo di inyeng jei ei hanjop nsi nya yahagom ibit pesta dima.

YESAYA 13:17

tuhan pai “Mporo dipingok mben Madai ingonti leu api injei bihwen mben Babel. Dem tut gima hi ba mas kin perak bingot kep yok bi.

YESAYA 21:2

Dingat ningat-hi-ngat tut mun di cut igkep tungwatu nya di bibon ingon di ttin bibor kin naham nimbuk kep yamti kin nibindei sar yamti cem. Tentara Elam e, ma jikiju bijinjei siceu bijihwen! Tentara Madai e, ma jiyon ttai! Allah mibindei ba, ninghuisi wei hagom di minu Babel bindei mbut nya mikes hon.

YESAYA 44:28

Dipai bak Kores ‘Anyeng mitak kep limwa nya mem Da leu binhyepo ayai munti nya hagom bit leu dingon kanti. Acuk tungwatu nya leu binhyepo iwin minu ndig Yerusalem ba, ita cou nipmem nya mem tuhan De Ig hanyen.’ ”

YEREMIA 51:11

tuhan pingok nibou ndig minu Media nya ingonti leu binhyepo ingon sibui sut mben Babel bibindei timek yok drek dip gi ibindei timek Nide Igya. Nibou tentara nya icuk ide limwa nya “Jisien jide singau tibor nya! Jitin ei jide mun di jibipukep tibor ninggwenti nya cem!

DANIEL 10:5

Dikiek da biditou kep kui mpia-bbed him bidingat tungwagom di juk sinsun di iba minghas linen bibon di ba mas di pimbai kei bikri kep nintig bou.

DANIEL 2:39

Noro niabiati anyeng tak kepti ngwig hon nohonti tu lene nibou ndig nijep bu ninyeng tak kepti miya luei ahoti bu. Noro nide nisindemti kin ninyeng jeisi noyam kin na di Andigpoi bi. Niabiati bu lene nibou ndig nijep gi niningai bu ninyeng tak kepti miya luei gi hi dima nohoti bu. Kwar ninghopti di nok ngkimom-tembaga ndo tut nibou ndig dima ba, ninyeng mitak kep tungwatu dihyeisi dini hagom.

DANIEL 6:28

Noni teu tungwatu nya bikwek yok leu mun di kat yok apino ingwes ngun. Noni bibon mindur kin bindo ei mpia-bbed him kin dihyeisi dini cem. Noni teu Daniel leu singa nya yuhui him leu api bit bon yaham noni kan bi.”

DANIEL 7:5

Mindhe gi nican di noyam kin beruang ba nimig gi ninghim biya. Noni ham ninggang njum ningai ser nuhui. Lene dimiap nihyet gom tibim kwei bipai bak “Gima ne ayem mikwau bit leu angon kanti hak ug!”

DANIEL 8:2

Ei ningat-hi-ngat dimati ne dingat lo, dingat rin ei hanjop Elam ei minu ndig Susan di nok minu ndig nipmem ei minu Persia. Diya dideu Minyei Ulai,

DANIEL 8:20

Domba nikre di bon nibou nggai can di angat bibie bindo tut nibou ndig minu Media kin nibou ndig minu Persia bitut ide ninyeng tak kepti.

ZAKHARIA 1:18

Lene dingat ningat-hi-ngat gom kin bu tut sapi bou nggai bitai.

ZAKHARIA 2:1

Dingat ningat-hi-ngat gom bu tut pinai gom di krau kuk nibinai nijeisi ei nindati.

ZAKHARIA 5:1

Tirigi dingig diyai hanyen bu lene dingat ningat-hi-ngat tut srat kijum gom di dimba-mba nyen ei mpia-bbed him.

ZAKHARIA 5:5

Malaikati dima tau hanyen bu bipai “Angat i! Hi kin bu ritau kwei a!”

ZAKHARIA 5:9

Lo bi lene dicap kui bidingat sop ibou can di idimba juk kwei ndam da. Imbun inyehei di sindem kei bidem kindus mbrei ninyehei pimo. Isu inda bigyai bansi leu api idimba tut hak.

ZAKHARIA 6:1

Dingat ningat-hi-ngat gom kin bu. Dingat kroba pran ningat bitai di hei kwei leu nungug ngkimom-tembaga can ikieti.

MBEN ISRAEL IMBUT-MBUT NYEN 24:2

Lene ngat lo, mben Israel inyohou hok ide prak meng nya sindam bit leu nok ide keret inyenga. Lene Allah Ninnei sindem tut noni.

YOSUA 5:13

Mpe dima lene Yosua ya nyen dideu minu ndig Yerikho bingat lo, tungwagom tt au kros biya ei Yosua noho bei ba, krau simeda gom. Lene Yosua dideu noni bihig ser “Atti kin nyeni e, he atti kin nyende siceu nya e?”

NINGAT-HI-NGAT NYA 13:11

Leu api dingat lo, mindhe di niten-pos ningut gom kin bu kiju kwei leu dihyei jou. Noni bon nibou nggai can di noyam kin domba nibou nggai ba, nihyet noyam kin naga nihyet.

NINGAT-HI-NGAT NYA 5:6

Leu api dingat Domba Pmot di ya niyati ei banggo mbrei ninggimau. Mindhe ningut bitai kin nibou pima yok yahagom igya ttai Noni. Dingat lo, Domba Pmot noyam kin domba di ibui bimai nipou su. Nibou nggai muhwindacan tug nibou nggram him ba, Noni bon niyai njep muhwindacan lo, niyai dini yok ne Allah ninnei muhwindacan di Noni pinak ug ei dihyei nisurti-nipekti ri.