DANIEL 8:24 - ALLAH NIHYET MEM TUNGWATU NYA

²⁴ Ba, nide nisindemti mikum eisi bibor noro nisindemti dima tug hon nonti bi. Noni mibindei ba, nibindei timek buhun biborti cut igkep tungwatu nya. Noni yai mun bipek kep ningon kanti lene bindei sar yo di inyeng jei nya kin Allah de limwa nya cem.

DANIEL 8:24 ပူးပေါင်းရင်းမြစ်များ

MAZMUR 37:35

Nipou lene dikan tut no di sibut bibor di biyai hiter ingon ttin bibor ba, nintig bou jei bibor ug bipek binsip ninggrupti.

DANIEL 11:23

Noni kiek nimig jou tut gi preu di sindi bon bit mben hiter nya. Mbro nok gino ninyeng tak kep minu di nimien he lo, nide nisindemti kum eisi bibor.

DANIEL 12:7

Lene no dima su ninda hacem kui mpia-bbed him. Dimiap gi noni heng bitug hon Allah di niyaijo kikau ninyeng bipai “Mun di pek kep dima yok mbut biyem ari bingwam nitindur ningai ba, bed nitindur muhwindagom. Hammi tirigi nihwen bit Allah de limwati nya kes hon rino mun di pek kep di wer mindur dima yok cem kes hon.”

DANIEL 7:25

Nihyet wer mpiahi tut Allah Di Ninyeng Jei Bibor bihwen bit Allah de limwa nya cem. Noni brim ningkek mem gima nggek tut limwa dima yok ide niggai serti nya kin ide njap ndig nya cem ba, ninyeng tak kep yok mem ari bingwam ningai ba, bed muhwindagom.

DANIEL 8:10

Nibou nggai dima nide nisindemti kum eisi binindig ba, wer dem mem gima hwen ham mpia-bbed him nya binjei ham ningat poi ug ei dihyeisi bico kep nyen-nyen.

DANIEL 8:11

Nibou nggai dima nihyet jei kep tuhan di nok nibou tentara gwamti bibindei ba, midut gi nindig mindhe ei nimbar hum dokti bak nibou tentara gwamti bikwop njap-njap dima kes hon lene noni nggek tuhan De Ig cem bitti.

DANIEL 8:12

Leu api yo di ingat rin ei sirima sindi ibon mun tunggwei tug hon gi ibrim ingkek tut midut nindig mindhe ei nimbar hum dokti bit leu igyai kepti bu bi. Nibou nggai dima njei tuhan de midut di nijit nya ug ei dihyeisi ba, nibon munti nya hagom pek kep bit leu ningon kanti.

DANIEL 8:23

Dideu ninyeng tak kepti dima yok ningwig honti lene ide mun di kinei bibor kui bipek nipekti leu api nibou ndig di ningkek ndok di ris kep mun cig mikiju ba, ninyeng tak kep bu.

NINGAT-HI-NGAT NYA 16:6

Lewo yo dima isiber Ade limwa nya bitut Ade nabi nya inggrom. Gima rino abindei ba, idut ninggrom nok minyei. Ibiang igyai munti dima nibuhunti bitug ndei imuhup sur igyai munti.”

NINGAT-HI-NGAT NYA 17:17

Lewo Allah pingok ingonti leu binhyepo injei siceu bigyai mun bit leu Nonti ningon kanti mem yok. Gima rino ice tut yam bikes ide nisindemti hagom ei mindhe di niten-pos nindati leu binhyepo ninyeng tak kep mun nyeng hagom bibou Allah nikos tutti nya midem ug e.

NINGAT-HI-NGAT NYA 17:6

Dingat lo, mun di pu noni ne Allah de limwa nya kin yo di igyai nimai drek dip ingon di gom tut Yesus inggrom ri. Tirigi dingat noni lene dinga leu tut nindig bibor.

NINGAT-HI-NGAT NYA 19:2

Hukum dino Noni kes ei tungwatu nya dip hagom ne igbit rin ba, sren-srau cem ri. Allah kes hukum ei sundal di bindei di tungwatu dihyeisi dini icut tut yam dip. Sundal dima tug ndei hukum drek dip gi noni hwen Allah de awak nya pima.”