DANIEL 8:21 - ALLAH NIHYET MEM TUNGWATU NYA

²¹ Kambir nikre bindo tut minu Yunani bitut ninyeng tak kepti ba, nibou nggai di mipbor ngat di ntun niyai cin ikieti pima ne nibou ndig gi nipou ngig-ngat ri.

DANIEL 8:21 ပူးပေါင်းရင်းမြစ်များ

DANIEL 10:20

Leu api noni buhup “Akan tut nggon rino dikwei ngat na i? Dikwei leu binhyepo dimbot kep tut srat bokti di jo ei Srat Nijitti bina. Nogindini suar dingkwei hanyen mem gima dihwen bit malaikati di ya ser minu Persia ninyeng tak kepti. Gima leu lene malaikati di ya ser minu Yunani kwei hwen bit da. Hi dima mpu da tirigi dingkwei bidihwen bit malaikati cin dima bi. Noro malaikati Mikhael di ya ser ade minu Israel he rino mpu da ba.

DANIEL 11:2

Ba, mun di dipai bina ne mun di nijit ri.” Malaikati dima pai “Nibou ndig ningai gi hiter bu nya inyeng tak kep minu Persia leu api nibou ndig gi nibitai bram. Nibou ndig gi nibitai dima nyeng tut ndigban nindig bibor dor njiriek leu gi nindigsi nya. Ug ei nide ninyeng tak kepti kin ninyeng tut ndigban nindig biborti dima nipekti lene noni hum mben hagom insi mem gima ihwen bit minu Yunani ninyeng tak kepti.

DANIEL 11:3

Leu api nibou ndig gom di mimbri kui ningkek kiju. Nibou ndig dima ninyeng tak kep minu nindig bibor apino bon mun igbit nonti ningon kanti.

DANIEL 2:39

Noro niabiati anyeng tak kepti ngwig hon nohonti tu lene nibou ndig nijep bu ninyeng tak kepti miya luei ahoti bu. Noro nide nisindemti kin ninyeng jeisi noyam kin na di Andigpoi bi. Niabiati bu lene nibou ndig nijep gi niningai bu ninyeng tak kepti miya luei gi hi dima nohoti bu. Kwar ninghopti di nok ngkimom-tembaga ndo tut nibou ndig dima ba, ninyeng mitak kep tungwatu dihyeisi dini hagom.

DANIEL 7:6

Tirigi diyai bong kep ningat-hi-ngat dima lene mindhe ningut gom kin bu di noyam kin macan tutul tau kwei. Noni bon ninyehei bitai noyam kin ha ninyehei di ntun nitta kin nibou bitai cem ba, yai nisindemti mem gima ninyeng tak kep.

DANIEL 8:20

Domba nikre di bon nibou nggai can di angat bibie bindo tut nibou ndig minu Media kin nibou ndig minu Persia bitut ide ninyeng tak kepti.

DANIEL 8:22

Nibou nggai bitai di ntun him niabiati nibou nggai gi nigom dahat leu pima ne bindo tut minu Yunani ninyeng tak kepti di kwas binok ninyeng tak kepti bitai ri. Noro ninyeng tak kepti dima yok ide nisindemti noyam kin ninyeng tak kepti gi nipou ngig-ngat pima nide nisindemti bi.

ZAKHARIA 9:13

Midibindei ba, minu Yehuda dem kep nok hampiap di tentara di mimbri kui ningkek krau ei nindati. Midibindei ba, Israel dem kep nok tibor di ditin ei mem gima dibiprindei siceu nya. Midibindei ba, timiei nungug Sion idem kep nok singau simeda di dibimem dinghat tut bidibitot mben Yunani.”