DANIEL 8:20 - ALLAH NIHYET MEM TUNGWATU NYA

²⁰ Domba nikre di bon nibou nggai can di angat bibie bindo tut nibou ndig minu Media kin nibou ndig minu Persia bitut ide ninyeng tak kepti.

DANIEL 8:20 ပူးပေါင်းရင်းမြစ်များ

YEHEZKIEL 38:5

Tentara minu Persia kin Sudan kin Libia yahagom injei bit nibou ndig dima lene yahagom ikrau ide singau simeda bitin topi yeng ngkuong cem.

DANIEL 2:39

Noro niabiati anyeng tak kepti ngwig hon nohonti tu lene nibou ndig nijep bu ninyeng tak kepti miya luei ahoti bu. Noro nide nisindemti kin ninyeng jeisi noyam kin na di Andigpoi bi. Niabiati bu lene nibou ndig nijep gi niningai bu ninyeng tak kepti miya luei gi hi dima nohoti bu. Kwar ninghopti di nok ngkimom-tembaga ndo tut nibou ndig dima ba, ninyeng mitak kep tungwatu dihyeisi dini hagom.

DANIEL 5:28

‘Ikwas hacan’ ndo tut gi Allah bindei ba, anyeng tak kepti kwas hacan tu ba, mben Media inyeng mitak kep igdo hi lene mben Persia inyeng mitak kep igdo hi bu.”

DANIEL 8:21

Kambir nikre bindo tut minu Yunani bitut ninyeng tak kepti ba, nibou nggai di mipbor ngat di ntun niyai cin ikieti pima ne nibou ndig gi nipou ngig-ngat ri.

DANIEL 8:3

bidingat lo, domba nikre ningut gom di bon nibou nggai can di sindi ntun him. Gi hi di ntun him abia bu jei ba, jep-jau cem dor njiriek gi hi di ntun him bibie.