DANIEL 8:17 - ALLAH NIHYET MEM TUNGWATU NYA

¹⁷ Leu api Gabriel di ya doho bei dima son dideu da apino didigit tut nindig bibor biditti ug ei dihyeisi. Noni pai bida “Na di tungwatu di ayaijo kikau bi e, suar akan tut bipia ningat-hi-ngat dima bindo tut nijam ningwig honti ri.”

DANIEL 8:17 ပူးပေါင်းရင်းမြစ်များ

DANIEL 8:19

“Midindo brei bina tut mun di mipek kep ei nidipti bu tug hon Allah de nigga biborti. Lewo ningat-hi-ngat di angat pima ndo tut nijam ningwig honti ri.

DANIEL 12:4

Leu api malaikati dima pai bida “Daniel e, nogindini ma akibou kep srat dima lene aba lem bikrau kep ser leu binhyepo jo nok kikau ug bipek nijam ningwig honti. Tungwatu nya imang bibor ibingon mem gima inggok tut mun di sindi pek kep lo, icom yahanggwap mikui-kausi he.”

NINGAT-HI-NGAT NYA 1:17

Tirigi dingat Noni lene diba dingwak bikik mpia ei nimig him dem kep no di mai su. Noro Noni ba ninda com bitak da bipai bida “Attin tut au! Dani ne nimbie him kin nohon keti,

HABAKUK 2:3

Ma apas kep nimbot kepti dima lewo tto bou dem mem nipek kepti bigyo. Jei bi ne tto bou dem leu api nimbot kepti dima mipek kep mem je dem igbit dipaisi. Mbro nok gino tto bou dima dem bigyo lo, ma amem ser nitausi! Dipreu ei mem na bipia mun dima mipek kep lene binyen bi.

DANIEL 12:13

Na di Daniel e, ma anyohou ade ningon gomti kikau ug bipek ayaijo ningwig honti. Mpe dima lene mporo abong kep anghuisi ug bipek nijam ningwig honti leu api akiju hanyen ba, atug ndei amuhup.”

DANIEL 11:40

Tirigi nibou ndig minu Siria ninyeng tak kepti ningwig honti dideu su lene nibou ndig minu Mesir njei siceu bihwen noni. Nibou ndig minu Siria buhup bikon pran bit bibor binjei sut kroba pran kin kuda kin kibar minyei mang bibor ba, bihwen. Noni ba siceu bihwen noyam kin minyei di su nindig bibor biyai minu mang bibor biyati.

NINGAT-HI-NGAT NYA 22:8

Da di Yohanes dimiap mun dini yok hagom bidingat hagom bou diyai him tu. Tirigi dimiap bidingat hagom tu lene dikuk da ei malaikati di ndo mun dima yok hagom bida noho bei ba, dipi bidikuk da bak.

YEHEZKIEL 1:28

Mun dima bon nisieng hi gom hi gom di noyam kin pwet. Nipigati di jimjit dima ndo tut tuhan di ningat rin ei sirima. Tirigi dingat gini bou diyai him lene dikuk da bidiba dingwak bikik dihyei. Lene nihyet gom hig da,

MATIUS 17:8

Yoni icap nggok nyen bingat lo, ingat tungwatu hi bi noro ingat Yesus Nongkom he.

DANIEL 10:16

Leu api malaikati di dem kep tungwatu dima su ninda bingget duhui. Lene dipai binoni “Andigpoi e, ningat-hi-ngat di dingat dima bindei om da bibor ba, diyai deti bi bibor.

DANIEL 10:11

Malaikati dima pai bida “Daniel e, Allah ningon ngakei na. Ma akiju ba, aya leu api angig atingou mem dihyet di dipai bina dini mungkun. Lewo hi pinak da bidikwei ngat na.” Pai nok rino dikiju bidiya lo, didigit.

DANIEL 9:27

Nibou ndig pima kin tungwatu nya imang bibor iba ingon gom bipreu ei mem yam kikau mem ari bingwam muhwindacan bu. Ug ei nijam dima nahacanti lene noni ggai ser nibon midut ei nimbar hum dokti kin munkwas di igyai bak Allah. Noni bindei ba, nide awak nya itas Nisibutti Di Bindei Map Kui tuhan De Ig biya anai ei ig bou ninjek dip bijo nijoti kikau bibou nibou ndig di bindei dima tug ndei hukum nimai di Allah tin ei mem noni ug e.”

DANIEL 9:23

Tirigi sindi ahara bak Allah pima ne Noni buhup ahyet. Dikwei mbot kep bina lewo Allah ningon ngakei na. Ma angig atingou mem dihyet lewo dicoi ei ningat-hi-ngat dima ningatti bidipai bina ri.

DANIEL 8:15

Tirigi dibingon mem gima dingon huk niti tut ningat-hi-ngat dima nimbot kep ningatti lene no di noyam kin tungwatu kwei ya kros ei doho bei.

DANIEL 2:46

Leu api Nibou Ndig Nebukadnezar kuk no biba ningwak bikik mpia ei Daniel noho bei leu api cuk nide limwa nya leu binhyepo yoni cem ikuk yok binoni bibon midut nindig mindhe-ndhe kep hum bak binjei ide mun di kei hi bak noni cem.

YEHEZKIEL 6:2

“Na di tungwatu di ayaijo kikau bi e, ma acap nungug him ei minu Israel leu api abitri tut Ditde nisok tut hukumti di mem yoni biyok.

NITRITI 17:3

Lene Abram kuk no biba ningwak bikik dihyei leu api Allah pai binoni,

YEHEZKIEL 44:4

Leu api no dima buwak da ba, nuug ei dimbou pmem di jo ei nite di birok kik mpia nijjai ei Tuhan De Ig. Tirigi dimian huk Ig dima lene dingat lo, nisieng-siausi di piga kei di bindo tut tuhan di ningat rin ei sirima piga bidem Nide Ig titut yam. Leu api dinjei danti ug ei dihyeisi bidikuk da bidiba dingwak bikik mpia,

DANIEL 7:16

Gima rino dibrim dingkek kep tungwagom di ningat rin ei sirima bidahara noni leu binhyepo mbot kep tut mun dima hagom bida. Gima rino noni coi ei ningatti bipai igbit bida.

DANIEL 8:27

Leu api dinghuisi mbris ba, dinggwen njap poi drek dip ningat-hi-ngat di dingat dima. Gima ngwig leu api dikiju hanyen bidinda jo kep midyai di nibou ndig cuk da tut hanyen. Dikan-kan nyen tut ningat-hi-ngat dima yok ba, dingon mbut-mbut nyen drek dip lewo dingon guhuk niti tut bi.

YEHEZKIEL 2:1

“Na di tungwatu di ayaijo kikau bi e, akiju lewo dimbrap bit na ug ri.”

DANIEL 11:27

Leu api nibou ndig cin dima igwam meja gom bigyem njita bit yam. Noro iba ingon kanti di kinei bibor biris mun ei yamti. Ingon kanti di ikos tut nya cut hacan lewo ngon bou dem bigyo.