DANIEL 8:15 - ALLAH NIHYET MEM TUNGWATU NYA

¹⁵ Tirigi dibingon mem gima dingon huk niti tut ningat-hi-ngat dima nimbot kep ningatti lene no di noyam kin tungwatu kwei ya kros ei doho bei.

DANIEL 8:15 ပူးပေါင်းရင်းမြစ်များ

YESAYA 9:6

Ninyeng mitak kep limwa nya nok nibou ndig di ntun Daud him ba, sindem bibor. Nide limwa nya mingon kwes kin yam kikau. Nide nicukti di nijit nya kin ningon sren-srausi minok cou nipmem mem ninyeng di tak kep nogindini cem bijo ninno bijo kikau cem. tuhan Di Sindem Bibor yai nibou tut niyai munti dima yok hagom.

DANIEL 10:16

Leu api malaikati di dem kep tungwatu dima su ninda bingget duhui. Lene dipai binoni “Andigpoi e, ningat-hi-ngat di dingat dima bindei om da bibor ba, diyai deti bi bibor.

DANIEL 10:18

Lene noni su ninda bingget da mbigom kin bu. Leu api dingkek kan lo, ditde nisindemti kum eisi.

DANIEL 10:5

Dikiek da biditou kep kui mpia-bbed him bidingat tungwagom di juk sinsun di iba minghas linen bibon di ba mas di pimbai kei bikri kep nintig bou.

DANIEL 12:8

Dimiap mun di malaikati simbot dat dima yok noro dingon guhuk niti bi. Leu api dihig ser “Andigpoi e, notou mun dima yok hagom kes hon i?”

DANIEL 7:13

Tirigi dingat ningat-hi-ngat dini bou diyai him mem mmun dima lene dingat mun nyeng gom kin bu di noyam kin tungwatu. Noni mbut kwei ndam da lo, bumbuhui nggai kep noni. Noni mbut ndam No di niyaijo bijo ninno bijo kikau ba, ibindo noni bak.

DANIEL 7:28

Nimbot kepti nohonti ndia ri. Lene dittin tut nindig bibor ba, diimaisi hai. Dimbot kep tut ningat-hi-ngat dima bak hiter bi noro diku hagom nyahan ei dingon bei.

DANIEL 8:1

Belsyazar ninyeng tak kep ba, ari bingwam gi niningai lene dingat ningat-hi-ngat gom kin bu.

DANIEL 8:19

“Midindo brei bina tut mun di mipek kep ei nidipti bu tug hon Allah de nigga biborti. Lewo ningat-hi-ngat di angat pima ndo tut nijam ningwig honti ri.

ZAKHARIA 1:9

Dihig ser malaikati “Andigpoi e, kuda ngot dini yok bindo tut mindei binye i?” Lene noni buhup “Midindo bina yo.

MATIUS 13:36

Tirigi Yesus kes tungwatu nya leu ba, coi ug ei ig bei lene yo di igya kui Noni ikwei hig ser “Ambot kep nihyet nibiti nindati tut gandum sisron nikioi di hei srig gandum nituti pima mem nye.”

MATIUS 24:15

“Mijingat lo, ‘Nisibutti Di Bindei Di Map Kui Tuhan De Igti’ tirigi ya ei ninsi di kwes-kwau dem igbit srat di nabi Daniel pas kep tut. (Ma no di kwop srat bokti dini yok ngon kep ningginausi!)

MATIUS 24:30

Gima ngwig leu lene Munggwom Tungwatu Nipmot nide bindo piga mpia-bbed him. Mpe dima ne tungwatu dihyeisi dini hagom ipim tirigi ingat lo, Munggwom Tungwatu Nipmot tau kwei sut Nide nisindemti kin Nide nikei-kau-keisi ei bumbuhuiti kwei.

MARKUS 13:14

“Mijingat Nisibutti Di Bindei Map Kui Tuhan De Ig ya ei ninsi di kwes-kwau (ma no di kwop srat bokti dini yok ngon kep ningginausi!) Mpe dima lene suar yo di ibong ei hanjop Yudea inang ug ei cet him.

MARKUS 4:12

Leu binhyepo, ‘Mbro nok gino imian ser ninno lo, ingon dorti bi. Mbro nok gino ingig itingou mem nihyet ninno lo, imiap bi. Mun dini pek kep mem yok ser nhyema iba igyai bingat mungkun cem, iba ingon bisrip huk cem leu api ingkwei hanyen ndam Da bidibindei ba, ikei hanyen bidikos ser ide sisar cem au.’ ”

YOSUA 5:14

Lene no dima buhup “Ditti kin je bi jide siceu nya cem bi. Dikwei ya diyati dini ba, dinok nibou ndig mem tuhan de tentara.” Lene Yosua ba ningwak bikik dihyei ei no dima nimig him bipai binoni “Andigpoi e, dani ne ade awak rin ba, midiyai hagom bit leu nok acuk dati.”

NINGAT-HI-NGAT NYA 1:13

Ba, dingat tungwagom di ya srigsi bijuk sinsun ndok di nijeisi ug bipek nimig lene ba bang mas bikri kep ninggeda.

NINGAT-HI-NGAT NYA 13:18

Jisuar ningon di ki gino jiyok jiyai kep nomor di ibitak buk dima. Lewo nomor dima nimangti bindo tut tungwagom ninyenga. Nomor nimangti ug ei sratus muhwindagom ningot muhwindagom ba, muhwindagom.