DANIEL 8:13 - ALLAH NIHYET MEM TUNGWATU NYA

¹³ Leu api dimiap malaikati gom di pai bak nisut malaikati hiter “Mun di singat brei tug hon ningat-hi-ngat dima mimbut bipek njap pig bu i? Sisar nindig dima mimbut bico kep midut gi nindig mindhe ei nimbar hum dokti bikwop njap-njap dima mbut bipek njap pig bu i? Nibou nggai dima mico kep tentara gwamti kin tuhan De Ig bipek njap pig bu i?”

DANIEL 8:13 ပူးပေါင်းရင်းမြစ်များ

MAZMUR 74:10

Allah e, nyende siceu nya miba ighyet bicig Na ug bipek njap pig bu i? Mpaba ighyet tigut anyeng bijo kikau e?

MAZMUR 74:9

Ningat nabi nya kin mindur nya ei niyai him bu bi. Lene hi di kan tut mun di cut igkep nye dini nohonti bi.

MAZMUR 79:5

tuhan e, agga nye bijo ninno bijo kikau e? He Angon sibui sut nyeti micig-cai nok hum ug bipek nohonti kan bi e?

YESAYA 28:18

Mididip tut jide nipreu ei bit nimai kin jide nipreu ei bit minu nimai nya ide cem apino mun di buhun bibor micut igkep je.

YESAYA 6:11

Dihig ser Noni “tuhan e, ug ei mpe di tou leu api inok gini bu bi i?” Noni buhup “Ug ei mpe di minu ndig nya hagom timek bingwig ba, bon timiei nya hi bu bi ug e. Ug ei mpe di ig hagom ngwak ba, hi bong ser bu bi. Ug ei mpe di ide dihyei ninda rom titut yam minok iggum ndigsi bu ug e.

YESAYA 63:18

Nggon rino asindui sut nyende siceu nya ba, ibindei timek Ade Ig lene ibimangkrei Ade nungug tou di kwes-kwau i?

YESAYA 9:6

Ninyeng mitak kep limwa nya nok nibou ndig di ntun Daud him ba, sindem bibor. Nide limwa nya mingon kwes kin yam kikau. Nide nicukti di nijit nya kin ningon sren-srausi minok cou nipmem mem ninyeng di tak kep nogindini cem bijo ninno bijo kikau cem. tuhan Di Sindem Bibor yai nibou tut niyai munti dima yok hagom.

YEREMIA 12:10

Nibou ndig ngkiai nya imang bibor inda jo kep Ditde miai ba anggur nghousi binggek tu. Itug-tug nyen gandum ei Ditde ngoi dumti nya cem tu. Ibindei ba, Ditde minu di kei-kau bidem kep iggum ndigsi di mpia mbum-bra bram.

DANIEL 11:31

Noni cuk nide nimpung tentara di ibindei suwok tuhan De Ig tug hon gi idip tut midut nindig mindhe ei nimbar hum dokti bak tuhan bikwop njap-njap ba, itas Nisibutti Di Bindei Map Kui tuhan De Ig eisi cem.

DANIEL 12:11

Leu njap di nibon midut nindig mindhe ei nimbar hum dokti bikwop njap-njap dima kes hon ba, nijam di bibon ningon ttinti di ijem Nisibutti Di Bindei Map Kui tuhan De Ig tau lene nijam dima miyem njap sribu gom sratus can ningot muhwindatai.

DANIEL 12:8

Dimiap mun di malaikati simbot dat dima yok noro dingon guhuk niti bi. Leu api dihig ser “Andigpoi e, notou mun dima yok hagom kes hon i?”

DANIEL 4:10

Tirigi dibong mai lene dingat ningat-hi-ngat gom. Biei di jei ndig krop ninjem gom hei ei dihyeisi dini ninggimau.

DANIEL 4:13

Tirigi diba dingon bisrip huk ningat-hi-ngat dima lene dingat malaikati gom srek kwei leu gwamti. Malaikati dima put-put nyen bitindei ser mun nyeng hagom di micut igkep noni.

DANIEL 4:23

Tirigi na di Andigpoi ayai bong kep biei dima lene malaikati gom juk kwei leu gwamti bipai ‘wim biei dima bisar hak ug noro ma abet ningwam bijo nijoti. Aba lante di aba ngkimom nitu kin ngkimom-tembaga bibon bikim leu binhyepo ningwam dima jo nijoti ei susti. Ma asindui sut ba, nggou kui noti bibong bit mindhe-ndhe nya kikau mem ari bingwam muhwindacan.’

DANIEL 7:16

Gima rino dibrim dingkek kep tungwagom di ningat rin ei sirima bidahara noni leu binhyepo mbot kep tut mun dima hagom bida. Gima rino noni coi ei ningatti bipai igbit bida.

DANIEL 7:23

No di tri tut nimbot kepti pai bida “Mindhe nibitai pima ne nibou ndig nibitai bitut nide ninyeng tak kepti di mikieng kep dihyei nisurti-nipekti di ter leu nibou ndig nindigsi yahagom ri. Ninyeng tak kepti dima mibindei sar biduhwen dihyeisi dini leu api bico kep tungwatu nya yahagom di noni bindei timek yok tu nya.

DANIEL 9:27

Nibou ndig pima kin tungwatu nya imang bibor iba ingon gom bipreu ei mem yam kikau mem ari bingwam muhwindacan bu. Ug ei nijam dima nahacanti lene noni ggai ser nibon midut ei nimbar hum dokti kin munkwas di igyai bak Allah. Noni bindei ba, nide awak nya itas Nisibutti Di Bindei Map Kui tuhan De Ig biya anai ei ig bou ninjek dip bijo nijoti kikau bibou nibou ndig di bindei dima tug ndei hukum nimai di Allah tin ei mem noni ug e.”

ZAKHARIA 1:19

Dihig ser malaikati di mbrap bit da pima “Sapi bou nggai dima yok bindo tut mindei binye i?” Noni buhup “Sapi bou nggai dima yok bindo tut ninyeng tak kepti di sindem nya di ibindei gimahap mben Yehuda kin Israel nya kin timiei minu ndig Yerusalem ri.”

ZAKHARIA 14:5

Mijidor kak briep di bikwas nungug can dima noyam kin jidigup bat-jidigai bat di nipou nya inang ei mpe di ngkit cut ei nijam di nibou ndig Uzia di ninyeng tak kep timiei Yehuda nya yo. Lene ditde tuhan Allah mikwei sut Nide malaikati yahagom di injei bit Noni.

MATIUS 11:27

Dicig yai mun nyeng hagom biDa tu. Dicig Nongkom kan igbit tut Nipmot ba, Nipmot kan igbit tut Nicig. Gino Nipmot ndo Nicig brei bak tungwatu nya lene yo dima cem ikan igbit tut Noni.

MATIUS 24:15

“Mijingat lo, ‘Nisibutti Di Bindei Di Map Kui Tuhan De Igti’ tirigi ya ei ninsi di kwes-kwau dem igbit srat di nabi Daniel pas kep tut. (Ma no di kwop srat bokti dini yok ngon kep ningginausi!)

MARKUS 13:14

“Mijingat Nisibutti Di Bindei Map Kui Tuhan De Ig ya ei ninsi di kwes-kwau (ma no di kwop srat bokti dini yok ngon kep ningginausi!) Mpe dima lene suar yo di ibong ei hanjop Yudea inang ug ei cet him.

LUKAS 10:22

Dicig kes mun nyeng hagom ei dindati tu. Dicig Nongkom kan igbit tut Nipmot ba, Nipmot kan igbit tut Nicig. Gino Nipmot ndo Nicig brei bak tungwatu nya lene yo dima cem mikan igbit tut Noni.”

LUKAS 21:20

“Tirigi jingat tentara nya imang bibor igyon ttai Yerusalem lene mijikan tut bipia tto bou dem mem inggek minu dima hagom bingwig ri.

LUKAS 21:24

Lewo siceu nya iba simeda bitot bihi bikri bihi ug ei ingkiaisi cem leu api ngkiai nya mico kep minu ndig Yerusalem binnir-wap kikau bibou nijam di Allah kos tut mem yok ngwig ug e.”

YOHANES 1:18

Hi ngat Allah bou niyai him bi sren. Noro Nipmot nimig gom ngat di ya kui Nicig binok gom kin Allah cem ndo Nicig brei binye.

NINDAT KEP TUHAN NICUKTI NYA 33:2

“tuhan tau kwei leu Nungug Sinai. Noni kiju leu minu Edom nok mpia di pri bipiga digai Nide limwa nya nok mpia di com kwei leu Paran cem. Nide malaikati nya ibou sribu simnai igya tut Noni lene hum di cig-cai ya kui ninda com.

TESALONIKA GI NIGOM 3:13

Tug hon nisinati dima Noni mibiyai jingon nddong kei leu binhyepo jingon sren ba, jingon kwes cem ei Icig Allah Noho bei tirigi ide Tuhan Yesus kwei hanyen tut Nide limwa nya yahagom.

IBRANI 10:29

Gi nok ne notou mem no di co kep Munggwom Tungwatu Nipmot i? Notou mem no di bimangkrei ninggrom di tug hon Allah de gi preu nijep di piap noni leu sisar i? Notou mem no di nihyet wer mpiahi tut Allah Ninnei di singat tut nye i? Ayo! No dima mitug ndei hukum nindig bibor dor njiriek bu.

PETRUS GI NIGOM 1:12

Allah mbot kep tut bak nabi dima yok bipia mun di itri tut dima mem yonti bi noro mem jeni. Mun di itri tut habiei dima tibim kwei leu yo di itri tut Nihyet Di Kei yuhui him. Ba, yo dini itri tut Nihyet Di Kei bije tug hon Allah Ninnei di Allah pinak kwei leu gwamti nisindemti. Gino malaikati nya ingon dorti tut mun di yo dima itri tut nipek kepti ne ingon llei bibor.

YUDAS 1:14

Lewo Henokh di nok pung nimuhwindacan di ntun Adam him tri tut yo dini mimbrek ngan tu bipai “Jingat i! Tuhan mehei sut Nide malaikati di ingon kwes-kwau nya ibou sribu-ribu kwei,

NINGAT-HI-NGAT NYA 11:2

Noro anai bisai nya au. Lewo Allah kes bisai dima bak ngkiai di ikan tut Allah bi nya leu api yoni mico kep minu ndig di kwes dima kikau mem bed ningot bitai ba, can.

NINGAT-HI-NGAT NYA 6:10

Iba ighyet nindig bahara “Na di Tuhan di Sindem Bibor cem di kwes-kwau cem di ningon gom cem e, njap pig bu leu api ambus tungwatu dihyeisi ingonti ba, akes hukum ei yok dip drek dip gi ihwen nye i?”

NIJAM NIKEI NYA 13:18

Lene tuhan de malaikati buhup “Nggon rino jihig ser da tut dinyeng i? Lewo dinyeng mindur.”