DANIEL 8:10 - ALLAH NIHYET MEM TUNGWATU NYA

¹⁰ Nibou nggai dima nide nisindemti kum eisi binindig ba, wer dem mem gima hwen ham mpia-bbed him nya binjei ham ningat poi ug ei dihyeisi bico kep nyen-nyen.

DANIEL 8:10 ပူးပေါင်းရင်းမြစ်များ

YESAYA 14:13

Abungwam ndam gima akui ug ei mpia-bbed him ba, atas ade banggo mbrei ei ham di gwam anai bibor dip! Akan bipia agwam nok nibou ndig ei nungug dip ei nite bei mpia nijjai di nok mpia di kwar nya idem yam eisi.

YEREMIA 48:26

tuhan pai “Abindei minu Moab ba, nibou ngwak sibui lewo kon nonti ei Doho bei. Noni mirim-rim nyen ei ninjimti apino tungwatu nya mipa ndip.

DANIEL 11:28

Nibou ndig minu Siria ngkwei hanyen tut ndigban ngot di pos di tug ndei nya hagom ug ei nide minu. Noni bungwam ndam gima bindei timek Allah de limwa nya ide midut di ikrau kep mem ibikuk yok bak Allah. Nibou ndig dima bon mun igbit nonti ningon kanti leu api ngkwei hanyen ug ei nide minu.

DANIEL 11:30

Lewo tentara Roma miba kibar nya bibitot minyei binjei kwei leu Mios Siprus mem gima ikon pran bit noni. Apino noni gwam nidigitti. Leu api noni ba nigga biborti bingkwei hanyen binggok puig mem gima bindei timek Allah de limwa nya ide midut di ikrau kep nya mem ibikuk yok bak Allah. Noni bit yo di ingkwei leu Allah de limwa nya ide nikrau kepti dima ide nuhum ninsiti.

DANIEL 7:7

Tirigi diyai bong kep ningat-hi-ngat dima lene mindhe gi nibitai tau kwei. Mindhe dini sindem bibor cem anjan bibor cem bibindei ba, didigit tut nindig bibor. Noni ba nikwai nindig di nggwes nok ngkimom nitu baham nide siceu nya binem-nnai biduhwen yok leu api co kep nindigsi di noni bindei timek nya. Mindhe dini ter leu nindigsi nya lewo nibou nggai simnai ntun him.

DANIEL 8:7

Dingig diyai kep noni tirigi cut igkep domba nikre bihwen. Kambir nikre ba niten-pos bidat apino bindei dahat nibou nggai po ntun domba nikre him hacem. Domba nikre sindem mem gima hwen kambir nikre di njei ug ei dihyeisi bico kep nyen-nyen bi. Ba, tungwa hi di mpu domba dima cem bi.

NINGAT-HI-NGAT NYA 12:4

Noni ba nipu bibrim ham nya nittou nsi gom leu mpia-bbed him bicom hagom ug ei dihyeisi mu lene ham nya nittou nsi can jo. Noni ya ei no di sop noho bei leu binhyepo pinde nimunggwom tirigi srek tut.