DANIEL 7:9 - ALLAH NIHYET MEM TUNGWATU NYA

⁹ Tirigi diyai bong kep ningat-hi-ngat dima lene dingat banggo mbrei poi di sindi ikwei prion ei. Leu api No di niyaijo bijo ninno bijo kikau kwei gwam ei banggo mbrei gom dip. Noni juk sinsun di tiei kei ba, nibou nta dem kep nok bungguma. Banggo mbrei dima bon nimig nok kroba nimig ba, hagom piga kei noyam kin hum di srei nidweb a.

DANIEL 7:9 ပူးပေါင်းရင်းမြစ်များ

NIBOU NDIG NYA GI NIGOM 22:19

Lene Mikha binut bu bipai “Ma angig atingou mem Allah nihyet! Dingat Allah tirigi Noni gwam Nide banggo mbrei dip ei gwamti lene Nide malaikati nya yahagom igya kui Noni.

NIBOHON MBEN ISRAEL GI NICAN 18:18

Lene Mikha pai bu “Nogindini ma angig atingou mem tuhan nihyet ug e! Dikan huk tuhan gwam ei nide banggo mbrei dip ei gwamti brei bou diyai him lene nide malaikati nya yahagom igya kui Noni.

MAZMUR 45:8

Angon ngakei ningon di nisren-srausi lo, angon mpo tut nikinei biborti. Gima rino ade Allah dimig nani ei bibindei ba, angon nggei-hi-nggei dor njiriek nibou ndig nindigsi nya ug a.

MAZMUR 90:2

Nipou tirigi apai tes nungug nya kin dihyeisi dini cem bigyo ne Angat rin ba, ayaijo ug hon nohonti bi sren.

MAZMUR 93:2

tuhan e, ade banggo mbrei jo habiei ei nimbie him kikau kwei bipek ammani kep ba, jo ninghig-niker. Angat rin nipou tirigi ikwop ari bingwam nya nimangti sindam bigyo.

YESAYA 6:1

Ari bingwam di Nibou Ndig Uzia mai eisi ne dingat-hi-ngat bidingat tuhan. Noni gwam ei Nide banggo mbrei di jo nai ba, kei-kau-kei. Nide sinsun ninda jei nggai kep tuhan De Ig ninsi titut yam.

YESAYA 9:6

Ninyeng mitak kep limwa nya nok nibou ndig di ntun Daud him ba, sindem bibor. Nide limwa nya mingon kwes kin yam kikau. Nide nicukti di nijit nya kin ningon sren-srausi minok cou nipmem mem ninyeng di tak kep nogindini cem bijo ninno bijo kikau cem. tuhan Di Sindem Bibor yai nibou tut niyai munti dima yok hagom.

YEREMIA 49:38

Diya kep nibou ndig di ide nya bitut yo di igya kui yok nya bitimek ningwig a. Lene diwin Ditde banggo mbrei ei minu di ide dima.

YEHEZKIEL 1:26

Lene dingat mun di iba tig permata nilam bibon nok banggo mbrei di jo anai niban dip ba, mun di nok tungwatu gwam dip.

DANIEL 7:13

Tirigi dingat ningat-hi-ngat dini bou diyai him mem mmun dima lene dingat mun nyeng gom kin bu di noyam kin tungwatu. Noni mbut kwei ndam da lo, bumbuhui nggai kep noni. Noni mbut ndam No di niyaijo bijo ninno bijo kikau ba, ibindo noni bak.

DANIEL 7:22

Leu api no di niyaijo kikau pima kwei bikos tut bak Allah Di Ninyeng Jei Bibor De limwa nya bipia ingon kwes. Tto bou dem mem Nide limwa nya igyai nisindemti mem gima inyeng tak kep tungwatu nya tu.

MIKHA 5:2

tuhan mikes Nide limwa nya ei siceu nya indati kikau bibou sop gom di Noni ndo ei nok no di ninyeng jei dima nipmem misrek tut noni ug e. Gima ngwig leu api nintun yam him nya di isima ei ingkiaisi mingkwei hanyen kwei binok gom kin ide bat nya ei itimieisi bu.

HABAKUK 1:12

tuhan e, Nani ne Allah habiei nimbie him kwei ri. Nani ne tuhan kin ditde Allah di kwes-kwau di niyaijo ninno bijo kikau cem ri. Na di tuhan kin ditde Allah di aya srak ko hagau da cem e, adimig mben Babel ei lene abindei ba, isindem bibor leu binhyepo aba yok bikes hukum ei nyeni dip.

MATIUS 17:2

Tirigi yoni iba igyai nghuisi jik kep Yesus lene ingat lo, Noni luei nitta ba, niimaisi piga kei dem kep mpia comti ba, Nide sinsun sieng-siau bitiei kei.

MATIUS 28:3

Malaikat dima niimaisi njeng kei dem kep kigyei di ninjeng srei lene nide sinsun tiei-tiau kei dem kep hayok mien.

MARKUS 9:3

Nide sinsun sieng-siau bitiei kei bidor njiriek sinsun di iba sabun di sindem bitot nya hagom.

KISAH 2:30

Allah preu ei mem noni tug hon neheng bipia Noni mikon tungwagom di ntun Daud him binok Nibou Ndig bu ba, No dima miya luei Daud nohoti. Daud kan tut Allah nipreu eisi lewo noni ne nabi rin cem,

KISAH 2:33

lene bindei ba, Noni gwam kui Allah ninda com. Allah yai nisindemti kin Allah Ninnei biNoni bit leu nok Nicig nipreu ei mem Noniti cem. Allah Ninnei di Noni hug ei nyeni ningonti ribindei dino mun di jingat kin jimiap nogindini timon je.

FILIPI 3:9

bidinok gom kin Noni. Dinggok tut ningon kwes kin Allahti tug hon gi dibindei mbut Puig Yahudi niggai serti nya bu bi. Nogindini dingon kwes kin Allah hanyen tug hon ditde niba ningon com Kristusti. Lewo Allah yai ningon di kwes kin Noni hanyen bak tungwatu nya tug hon ide niba ningon com Yesus Kristus Nongkom he.

TIMOTIUS GI NIGOM 6:16

Nongkom niyaijo kikau. Noni ningat rin ei nipigati di sieng-siau kei di bit bon tungwatu nya icem kep kan bi. Hi ngat Noni bou niyai him bi sren lene bit bon hi ngat Noni kikau bi sren. Tungwatu nya yahagom mikon ninyeng ba, Nide nisindemti ug hon nohonti bi sren! Igbit ri.

YOHANES GI NIGOM 1:5

Nimiap nihyet leu Allah Nipmot leu api nitri tut hanyen bije bipia Allah ne nipigati ngat rin ba, nidinditi poi mien hi jo ei Noniti bi sren.

NINGAT-HI-NGAT NYA 1:14

Nibou nta tiei-tiau dem kep hayok mien ninta ba, niyai njeng-jau nok hum njeng.

NINGAT-HI-NGAT NYA 19:18

Jikwei puk nibou ndig nya kin nibou pran nya kin tentara nya kin kuda nya kin yo di ibri bigwam ei kuda dip nya kin tungwatu yahagom bitut awak nya kin yo di igyati kwes nya kin yo di inyeng jei nya kin yo di inyeng bi nya yahagom inghuigya.”

NINGAT-HI-NGAT NYA 20:4

Lo bi lene dingat banggo mbrei nya. Biditou kep bu lo, yo di tungwatu nya irop ibou leu drek dip gi itri tut Yesus nihyet di nijit kin Allah nihyet pima. Yo dini ikuk yok bak mindhe di niten-pos kin nide kwar bigyai mindhe de nitak bukti ei ingwak kin inda bi sren. Ikiju hanyen leu imai eisi bigwam ei banggo mbrei nya dip lewo Allah yai nisindemti biyok mem gima inyeng tak kep tungwatu nya. Inok nibou ndig nya di igwam kui Yesus mem ari bingwam sribu gom.

NINGAT-HI-NGAT NYA 4:2

Tirigi nihyet dima tibim rino Allah Ninnei sindem tut da bidingat banggo mbrei ningat gom ei gwamti ba, tungwagom gwam eisi.