DANIEL 7:7 - ALLAH NIHYET MEM TUNGWATU NYA

⁷ Tirigi diyai bong kep ningat-hi-ngat dima lene mindhe gi nibitai tau kwei. Mindhe dini sindem bibor cem anjan bibor cem bibindei ba, didigit tut nindig bibor. Noni ba nikwai nindig di nggwes nok ngkimom nitu baham nide siceu nya binem-nnai biduhwen yok leu api co kep nindigsi di noni bindei timek nya. Mindhe dini ter leu nindigsi nya lewo nibou nggai simnai ntun him.

DANIEL 7:7 ပူးပေါင်းရင်းမြစ်များ

SAMUEL GI NICAN 22:43

Dihwen yok binem-nnai bidem kep dihyei ndung di kimba-kimba wai. Dico kep yok noyam kin gi dico kep igkrop di jo ei puigsi.

AYUB 41:14

Tou ridem mem gima bindei ba, unggor dima hap niji di mpung tut nikwai di sindem bibor i?

YEHEZKIEL 40:2

Allah buwak da ug ei dihyei Israel tug hon ningat-hi-ngat gom bikes da ei nungug di anai gom dip leu api dingat minu ndig gom di bon ig di dimbun di ingot nya ei doho bei.

DANIEL 2:19

Mmun mau mem njap gom ndia rino Allah ndo igbit mimun tut mumpriem dima bak Daniel tug hon ningat-hi-ngat. Gima rino noni nggei sut Allah ei gwamti,

DANIEL 7:13

Tirigi dingat ningat-hi-ngat dini bou diyai him mem mmun dima lene dingat mun nyeng gom kin bu di noyam kin tungwatu. Noni mbut kwei ndam da lo, bumbuhui nggai kep noni. Noni mbut ndam No di niyaijo bijo ninno bijo kikau ba, ibindo noni bak.

DANIEL 7:2

bitut ningat-hi-ngat di dingat bou diyai him. Hou di nimig ten bibor cut kwei leu mpia nisurti-nipekti bibindei ba, muk ningwa dip tti nindig bibor.

DANIEL 8:10

Nibou nggai dima nide nisindemti kum eisi binindig ba, wer dem mem gima hwen ham mpia-bbed him nya binjei ham ningat poi ug ei dihyeisi bico kep nyen-nyen.

DANIEL 8:22

Nibou nggai bitai di ntun him niabiati nibou nggai gi nigom dahat leu pima ne bindo tut minu Yunani ninyeng tak kepti di kwas binok ninyeng tak kepti bitai ri. Noro ninyeng tak kepti dima yok ide nisindemti noyam kin ninyeng tak kepti gi nipou ngig-ngat pima nide nisindemti bi.

ZAKHARIA 2:1

Dingat ningat-hi-ngat gom bu tut pinai gom di krau kuk nibinai nijeisi ei nindati.

NINGAT-HI-NGAT NYA 12:3

Leu api bindo di mindur bibor gom kin bu ttau hak ei mpia-bbed him. Nok naga ngwoi di nindig bibor di bon nibou muhwindacan di nibou nggai simnai ntun him ba, ttin topi mas bikwop ei nibou muhwindacan dimati.

NINGAT-HI-NGAT NYA 13:1

Leu api dingat lo, mindhe hiter di niten-pos ningut gom kiju kwei leu muk jou. Noni bon nibou muhwindacan ba, nibou nggai simnai ntun nibou muhwindacan pima him lene ttin topi mas bikwop ei nibou nggaiti. Leu api srat bokti di wer mpiahi tut Allah jo bikwop ei nibou ngwakti nya.

NINGAT-HI-NGAT NYA 17:12

Nibou nggai simnai di angat dima ne nibou ndig ibou simnai di inyeng tak kep ide limwa nya bigyo ri. Noro yoni mikrau nisindemti binok nibou ndig di inyeng tak kep ide limwa nya bit mindhe di niten-pos mem jam gom ngat he.

NINGAT-HI-NGAT NYA 17:7

Leu api malaikati dima hig ser da “Nggon rino anga leu tut noni i? Midimbot kep tut mimun tut sop dima kin mindhe di noni bri bigwam dip di bon nibou muhwindacan ba, nibou nggai simnai ntun him dima bina.

NINGAT-HI-NGAT NYA 17:8

Mindhe di niten-pos di angat dima niyaijo nipou su noro niyaijo bu bi. Jei bi ne noni hei kwei leu ninnei rom nya ide jui nsi bidor ug ei nisar bihigomti. Tungwatu dihyeisi di inyeng jo ei srat niyaijoti habiei ei nimbie him tirigi po Allah pai tes dihyeisi dini bigyo bi nya inga leu tut noni. Lewo niyaijo nipou su noro tini bu ne niyaijo bi noro noni ttau hanyen kwei.