DANIEL 7:6 - ALLAH NIHYET MEM TUNGWATU NYA

⁶ Tirigi diyai bong kep ningat-hi-ngat dima lene mindhe ningut gom kin bu di noyam kin macan tutul tau kwei. Noni bon ninyehei bitai noyam kin ha ninyehei di ntun nitta kin nibou bitai cem ba, yai nisindemti mem gima ninyeng tak kep.

DANIEL 7:6 ပူးပေါင်းရင်းမြစ်များ

YEHEZKIEL 17:3

di Da di tuhan Di Dinyeng Jei Bibor dipai mem yok tut ha krubri di nindig bibor ningut gom di bon ninta kei-kau-kei ba, ninyehei nyan ba, sindem cem. Ha dima kon ninyehei bidimba ug ei nungug him ei minu Libanon bikot biei buom gom ninggrupti,

DANIEL 10:20

Leu api noni buhup “Akan tut nggon rino dikwei ngat na i? Dikwei leu binhyepo dimbot kep tut srat bokti di jo ei Srat Nijitti bina. Nogindini suar dingkwei hanyen mem gima dihwen bit malaikati di ya ser minu Persia ninyeng tak kepti. Gima leu lene malaikati di ya ser minu Yunani kwei hwen bit da. Hi dima mpu da tirigi dingkwei bidihwen bit malaikati cin dima bi. Noro malaikati Mikhael di ya ser ade minu Israel he rino mpu da ba.

DANIEL 2:39

Noro niabiati anyeng tak kepti ngwig hon nohonti tu lene nibou ndig nijep bu ninyeng tak kepti miya luei ahoti bu. Noro nide nisindemti kin ninyeng jeisi noyam kin na di Andigpoi bi. Niabiati bu lene nibou ndig nijep gi niningai bu ninyeng tak kepti miya luei gi hi dima nohoti bu. Kwar ninghopti di nok ngkimom-tembaga ndo tut nibou ndig dima ba, ninyeng mitak kep tungwatu dihyeisi dini hagom.

DANIEL 7:4

Mindhe gi nigom noyam kin singa noro bon ninyehei dem kep nok hacam krubri ninyehei a. Tirigi diyai bong kep mindhe dima rino hi puk ninyehei bitiba lene tas noni biya pijum noyam kin tungwatu leu api yai nintin tungwatu bak.

DANIEL 7:5

Mindhe gi nican di noyam kin beruang ba nimig gi ninghim biya. Noni ham ninggang njum ningai ser nuhui. Lene dimiap nihyet gom tibim kwei bipai bak “Gima ne ayem mikwau bit leu angon kanti hak ug!”

HOSEA 13:7

Gima rino midittem je noyam kin singa di ttem mun di yem. Dikos dik sir jide puig dem kep nok macan tutul.

NINGAT-HI-NGAT NYA 13:2

Dingat mindhe hiter di niimaisi dem kep macan di nillikti niimaisi, nimig dem kep beruang nimig, nuhui dem kep singa nuhuigya. Leu api naga kwas nide nisindemti kin nide banggo mbrei kin nide nisindem biborti ndrim hi tut mindhe dima.