DANIEL 7:16 - ALLAH NIHYET MEM TUNGWATU NYA

¹⁶ Gima rino dibrim dingkek kep tungwagom di ningat rin ei sirima bidahara noni leu binhyepo mbot kep tut mun dima hagom bida. Gima rino noni coi ei ningatti bipai igbit bida.

DANIEL 7:16 ပူးပေါင်းရင်းမြစ်များ

DANIEL 7:10

Hum dwim kwei leu banggo mbrei dima noyam kin minyei di biam kwei leu minyei bousi. Nide awak nya ibou sribu-ribu kin tungwatu nindigsi di imangti ibou juta-juta igya ei nimig him. Tto bou dem mem nikei mbus tungwatu nya ingonti leu api noni mbrek leu srat nya.

DANIEL 7:17

“Mindhe ndig ningut bitai dima ne nibou ndig ibou bitai bitut ide ninyeng tak kepti di mikiju ei dihyeisi dini ri.

DANIEL 8:17

Leu api Gabriel di ya doho bei dima son dideu da apino didigit tut nindig bibor biditti ug ei dihyeisi. Noni pai bida “Na di tungwatu di ayaijo kikau bi e, suar akan tut bipia ningat-hi-ngat dima bindo tut nijam ningwig honti ri.”

DANIEL 9:22

Leu api noni ngginau da bipai “Daniel e, dikwei mpu na leu binhyepo angon hukti tut ningat-hi-ngat dima.

ZAKHARIA 1:19

Dihig ser malaikati di mbrap bit da pima “Sapi bou nggai dima yok bindo tut mindei binye i?” Noni buhup “Sapi bou nggai dima yok bindo tut ninyeng tak kepti di sindem nya di ibindei gimahap mben Yehuda kin Israel nya kin timiei minu ndig Yerusalem ri.”

ZAKHARIA 2:3

Leu api dingat malaikati di mbrap bit da sindi mbut rin lo, malaikati hiter ikwei um noni.

ZAKHARIA 3:7

“Gino abit Ditde niggai serti nya ba, abiyai kep midyai nya di dindo bina hagom ne anyeng mitak kep Ditde Ig ba, ayok ayai kep Ditde mpia di jo bas hak nya cem bijo kikau. Midingig ditingou mem ade nadi nya noyam kin gi dingig ditingou mem malaikati di ingat rin simiak da nya ide nadi.

NINGAT-HI-NGAT NYA 5:5

Noro nibou pima yok igom pai ser da “Apim au. Angat i! Singa ningut gom di ntun keret Yehuda him di ninyeng jei di ntun Daud him bindei cut sisar nisindemti cem sindem mem gima cug biei nggrai muhwindacan dima leu srat bikwek.”