DANIEL 7:14 - ALLAH NIHYET MEM TUNGWATU NYA

¹⁴ No di niyaijo kikau yai ninyeng di jei kin nisindemti binoni noyam kin nibou ndig. Apino bikwop timiei minu nya kin mben nya kin gi imbrap ighyet hiter nya yahagom ikuk yok bak. Nide nisindemti jo ninno bijo kikau ba, ninyeng tak kepti ug hon nohonti bi sren cem.

DANIEL 7:14 ပူးပေါင်းရင်းမြစ်များ

MAZMUR 102:22

Leu api Nide limwa nya mitri tut ninyeng bidem minu ndig Sion bikon-kon nyen ninyeng ei minu ndig Yerusalem,

MAZMUR 103:19

tuhan ta nide banggo mbrei ei gwamti. Ninyeng tak kep mun nyeng hagom.

MAZMUR 145:13

Ade ninyeng tak kep limwa nyati jo ninghig-niker. Ade nisindemti ug hon nohonti bi sren. tuhan ningon gom biyai igbit nipreu eisi nya hagom. Noni ba ningon di nggriu sut nye biyai Nide midyai nya hagom.

MAZMUR 146:10

tuhan ne Nibou Ndig bijo ninno bijo kikau ri. Je di timiei Sion e, jide Allah ninyeng tak kepti jo ninno bijo kikau. Ma jinggei sut tuhan!

MAZMUR 45:6

Tibor ade di nggwen tibim ade siceu nya ingonti bikus nite hi leu ba, ngkiai nya icut ug ei amig him.

MAZMUR 72:11

Nibou ndig dihyeisi dini hagom mikwei kuk yok binoni ba, ngkiai nya bidem dihyeisi dini hagom minok awak mem noni.

MAZMUR 72:17

Abindei ba, tungwatu nya ingon prion ser nibou ndig ninyeng bi sren. Lene nikei-kau-keisi kum eisi kikau mem nijam di mpia njap com nimig. Ma abindei ba, ngkiai nya yahara Allah leu binhyepo Noni minjei mun di kei bak yoni bit leu nok Noni njei mun di kei bak nibou ndig ba, yo dima yahagom ingat nadi tindei ningon llei biborti mem noni.

MAZMUR 8:6

Apai tes tungwatu nya ba, abindei binyeng jei noro jei dor njiriek Na di Allah bi. Akes nikei-kau-keisi kin ninyeng jeisi bijo ei ibou nggram himti.

YESAYA 16:5

Leu api tungwagom di ntun Daud him mikui bigwam nok nibou ndig. Noni miba ningon ngakeisi bininyeng tak kep limwa nya ba, ningon gom tut yok cem. Noni mibrim ningkek mem gima bon mun di kei ningkom lene bindei ba, nikei nikos tutti di sren kei nya mikieng kep nide ninyeng tak kepti nisurti-nipekti.)

YESAYA 60:12

Noro ngkiai nya kin ide nibou nya di ikuk yok bina bi mitimek bingwig.

YESAYA 9:6

Ninyeng mitak kep limwa nya nok nibou ndig di ntun Daud him ba, sindem bibor. Nide limwa nya mingon kwes kin yam kikau. Nide nicukti di nijit nya kin ningon sren-srausi minok cou nipmem mem ninyeng di tak kep nogindini cem bijo ninno bijo kikau cem. tuhan Di Sindem Bibor yai nibou tut niyai munti dima yok hagom.

YESAYA 9:7

tuhan simbot dat tut hukum di Noni mikes ei mben Israel dip tu.

DANIEL 2:35

Ei nituti dima lene kwar dima titut yam tti biwer ngkimom nitu kin igtuyap kin ngkimom-tembaga kin perak kin mas ninnir-nnir di jo-jo yam dip di ndung-diem nok gandum ndung di ngwig ei ig jibei di tungwatu ibui gandum ngan eisi mem mpia ngeisi. Leu api hou miep nindung dima hagom bibit hou nimig ningwig. Noro tig nindig nindak gom dima dwoi sindam binindig bibor noyam kin nungug tou gom di kieng kep dihyeisi dini hagom.

DANIEL 2:37

Andigpoi e, nani ne nibou ndig di ninyeng jei dor njiriek nibou ndig nindigsi yahagom ri. Allah ei gwamti ta nani ba, anyeng tak kep limwa nya. Asindem bibor ba, anggwes bibor cem ba, anyeng jei bibor cem.

DANIEL 2:44

Ei nijam dino nibou ndig cin dima inyeng tak kep lene Allah ei gwamti mita Nonti ninyeng tak kepti di bit bon ug hon nohonti kan bi. Bit bon nibou ndig dihyeisi dini bitut ide tentara yahagom cem ibindei ba, Allah ninyeng tak kepti cut bak yoni kan bi. Noro ninyeng tak kepti dima mibindei timek nibou ndig bitut ide tentara pima yok yahagom ba, isar bingwig.

DANIEL 3:4

nibou ndig nisut gom di tri tut nihyet kan kiju biya lene ba nihyet nindig bibor bipai biyok “Je di jikwei leu minu ndig nya kin mben nya kin je di jimbrap jihyet ter leu yam nya jahagom e,

DANIEL 4:3

Mbenjen! Nide bindo di ndo brei binye nindig bibor! Mbenjen! Nide mindur di bibon mem nye cem mipbor ngat! Allah ne nibou ndig bijo ninno bijo kikau ri. Ninyeng tak kepti ug hon nohonti bi sren.”

DANIEL 6:26

Gima ngwig lene Nibou Ndig Darius pas srat nimeng gom bak timiei minu nya kin mben nya kin gi imbrap ighyet hiter nya ei dihyeisi dini hagom bipai biyok “Jahagom jicem o!

DANIEL 7:18

Noro Allah Di Ninyeng Jei Bibor De limwa nya migyai nisindemti leu binhyepo inyeng tak kep tungwatu nya yahagom ba, ide ninyeng tak kepti dima jo ninno bijo kikau.”

DANIEL 7:27

Mpe dima lene Allah Di Ninyeng Jei Bibor miyai ninyeng tak kepti ide nisindemti kin nikei-kau-keisi ei dihyei nisurti-nipekti hagom bak Nide limwa nya. Ide nisindemti mem inyeng tak kep mijo ninno bijo kikau leu api nibou ndig dihyeisi dini yahagom mikuk yok biyok bibit ighyet.”

OBAJA 1:21

Nicok tut siceu cig di igwam ei minu ndig Yerusalem nya mibindei timek mben Edom bicok tut yok. Leu api Da di tuhan dinyeng mitak kep Ditde limwa nya bidinok nibou ndig.”

MIKHA 4:7

Yo dima imig lit bibong ting leu itimieisi noro midibindei ba, gi hi di ingkwei hanyen inok pung di intun yam him di nijep bu. Yoni midigek kep mpia nok mben di nindig bibor bisindem bibor cem. Hon kep njap dima kui midigwam ei Nungug Sion ba, dinyeng tak kep yok bijo ninno bijo kikau.”

MATIUS 11:27

Dicig yai mun nyeng hagom biDa tu. Dicig Nongkom kan igbit tut Nipmot ba, Nipmot kan igbit tut Nicig. Gino Nipmot ndo Nicig brei bak tungwatu nya lene yo dima cem ikan igbit tut Noni.

MATIUS 28:18

Yesus son dideu yok bipai biyok “Dinyeng tak kep nisindemti hagom ei gwamti kin dihyeisi dini.

LUKAS 1:33

Ninyeng mitak kep yo di intun Yakub him yahagom bijo ninno ba, ninyeng tak kepti cem muug hon nohonti bi sren!”

LUKAS 10:22

Dicig kes mun nyeng hagom ei dindati tu. Dicig Nongkom kan igbit tut Nipmot ba, Nipmot kan igbit tut Nicig. Gino Nipmot ndo Nicig brei bak tungwatu nya lene yo dima cem mikan igbit tut Noni.”

YOHANES 12:34

Tungwatu ningot ndig dima ipai biNoni “Bit leu nok gi ipas ei ide Puig Yahudi niggai serti nibokti ne Nibou Ndig di teu tungwatu nya biyai niyaijo nijep biyok niyaijo kikau. Nggon rino apai bipia tungwatu nya ikon Munggwom Tungwatu Nipmot ei nnai leu dihyei ninjek dip i? Tou rino Munggwom Tungwatu Nipmot dima i?”

YOHANES 3:35

Nicig ningon ngakei Nipmot bibindei ba, Noni krau nisindemti hagom ei nindati.

IBRANI 12:28

Gima rino ma ipai sigyo bak Allah lewo Noni bindei ba, iba nyekep ninyeng tak kepti di bit bon ugwa-kwei kan bi. Ma inggei sut bittin tut Noni bipai sigyo biNoni tug hon nisinati di bindei ba, joi sut nye.

PETRUS GI NIGOM 3:22

Yesus Kristus kui ug ei gwamti biya kui Allah ninda com tu. Ba, ninyeng tak kep malaikati nya kin nibou nya kin nisindemti nindigsi nya ei mpia-bbed him.

NINGAT-HI-NGAT NYA 1:6

bibindei ba, inok imam nya di inggre kin ninyeng tak kepti gom bit Noni bigyai midyai mem Nide Allah kin Nicig cem. Yesus Kristus Nongkom kei-kau-kei ba, sindem bibor cem kikau buug hon nohonti bi! Igbit ri.

NINGAT-HI-NGAT NYA 11:15

Tirigi malaikati gi nimuhwindacan miep nide pun mbrei lene nihyet di nindig bibor nya kui yam ei gwamti bipai “Nogindini ide Allah kin Nide Nibou Ndig di teu tungwatu nya biyai niyaijo biyok dima igyai nisindemti ba, inyeng tak kep dihyeisi dini hagom kikau buug hon nohonti bi o!”

NINGAT-HI-NGAT NYA 17:14

Nibou dini yok mikon pran bit Domba Pmot noro Domba Pmot kin Nide limwa di Noni hig yok ba, dimig yok di ingon gom tut Noni mibindei cut nibou ndig dima yok. Lewo Domba Pmot ne Tuhan di ninyeng tak kep yo di inyeng jei nya kin Nibou Ndig di ninyeng tak kep nibou ndig nya yahagom ri.”

NINGAT-HI-NGAT NYA 3:21

Midisindui sut yo di ibindei cut sisar nisindemti bigwam kui Da ei Ditde banggo mbrei bit leu nok Dani cem dibindei cut sisar nisindemti ba, nogindini digwam kui Dicig ei Nide banggo mbrei.