DANIEL 7:13 - ALLAH NIHYET MEM TUNGWATU NYA

¹³ Tirigi dingat ningat-hi-ngat dini bou diyai him mem mmun dima lene dingat mun nyeng gom kin bu di noyam kin tungwatu. Noni mbut kwei ndam da lo, bumbuhui nggai kep noni. Noni mbut ndam No di niyaijo bijo ninno bijo kikau ba, ibindo noni bak.

DANIEL 7:13 ပူးပေါင်းရင်းမြစ်များ

MAZMUR 110:2

tuhan mibindei ba, anyeng tak kep timiei Sionti nya mikieng kep minu nindigsi nya cem. Noni pai “Suar anyeng tak kep ade siceu nya!”

MAZMUR 2:8

Ahara Da hak ug leu api midikes ngkiai nya bidem dihyeisi dini hagom bina lene ma anyeng tut dihyei nisurti-nipekti hagom nok ade cem.

MAZMUR 47:5

Noni pek hanjop mem nye ei minu jep dini leu binhyepo nibong kei nigwam kei eisi. Nye di mben Israel di Noni ningon ngakei nya ninggei-nggwang tut Noni.

YEREMIA 49:19

Midikwei ba, dibindei mben Edom binang kros leu itimieisi dima noyam kin singa di hei kwei leu baham tindurti ei Minyei Yordan nyai ba, kwei ndam minta nidumti di domba nya igyem kep minta eisi. Leu api mididimig nibou gom mem gima bie tut mben dima. Tou rima ibinai kin Dani i? Tou rima mimbri kui ningkek bibon munhyet bit Dani i? Nibou hi di sindem mem gima hwen bit Dani nonaha e?

YEHEZKIEL 1:26

Lene dingat mun di iba tig permata nilam bibon nok banggo mbrei di jo anai niban dip ba, mun di nok tungwatu gwam dip.

DANIEL 2:44

Ei nijam dino nibou ndig cin dima inyeng tak kep lene Allah ei gwamti mita Nonti ninyeng tak kepti di bit bon ug hon nohonti kan bi. Bit bon nibou ndig dihyeisi dini bitut ide tentara yahagom cem ibindei ba, Allah ninyeng tak kepti cut bak yoni kan bi. Noro ninyeng tak kepti dima mibindei timek nibou ndig bitut ide tentara pima yok yahagom ba, isar bingwig.

DANIEL 7:12

Lene hi cut mindhe-ndhe ningut ningai gi nindigsi nya ide nisindemti bingwig leu yok lene sindui sut bigyaijo mem nijam poi bu bibou tto bou dem ug e.

DANIEL 7:2

bitut ningat-hi-ngat di dingat bou diyai him. Hou di nimig ten bibor cut kwei leu mpia nisurti-nipekti bibindei ba, muk ningwa dip tti nindig bibor.

DANIEL 7:22

Leu api no di niyaijo kikau pima kwei bikos tut bak Allah Di Ninyeng Jei Bibor De limwa nya bipia ingon kwes. Tto bou dem mem Nide limwa nya igyai nisindemti mem gima inyeng tak kep tungwatu nya tu.

DANIEL 7:9

Tirigi diyai bong kep ningat-hi-ngat dima lene dingat banggo mbrei poi di sindi ikwei prion ei. Leu api No di niyaijo bijo ninno bijo kikau kwei gwam ei banggo mbrei gom dip. Noni juk sinsun di tiei kei ba, nibou nta dem kep nok bungguma. Banggo mbrei dima bon nimig nok kroba nimig ba, hagom piga kei noyam kin hum di srei nidweb a.

DANIEL 8:15

Tirigi dibingon mem gima dingon huk niti tut ningat-hi-ngat dima nimbot kep ningatti lene no di noyam kin tungwatu kwei ya kros ei doho bei.

MATIUS 13:41

Munggwom Tungwatu Nipmot micuk Nide malaikat nya leu binhyepo yuug mbus yo di ibindei dino hiter cut ei sisarti kin yo di isibut bibor nindigsi nya yahagom kwei leu Allah Ninyeng Tak Kepti.

MATIUS 24:30

Gima ngwig leu lene Munggwom Tungwatu Nipmot nide bindo piga mpia-bbed him. Mpe dima ne tungwatu dihyeisi dini hagom ipim tirigi ingat lo, Munggwom Tungwatu Nipmot tau kwei sut Nide nisindemti kin Nide nikei-kau-keisi ei bumbuhuiti kwei.

MATIUS 25:31

“Tirigi Munggwom Tungwatu Nipmot mikwei hanyen nok Nibou Ndig bitut malaikat nya yahagom cem lene Noni migwam ei Nide banggo mbrei di kei-kau-keiti.

MATIUS 26:64

Yesus buhup “Bit leu nok apaisi dima. Noro ma jiyok ngon kep bipia hon kep ammani kui mporo jingat Munggwom Tungwatu Nipmot di gwam kui Allah Di Sindem Bibor ninda com lene mijingat Gi kwei hanyen ei bumbuhuiti leu mpia-bbed him kwei ri!”

MATIUS 28:18

Yesus son dideu yok bipai biyok “Dinyeng tak kep nisindemti hagom ei gwamti kin dihyeisi dini.

MATIUS 8:20

Yesus buhup “Nsien bigbehei nya ibong kikepti nonaha, Ha nya cem ibas nonaha. Noro Munggwom Tungwatu Nipmot bon nibongti hi bi.”

MARKUS 13:26

Mpe dima lene tungwatu nya mingat lo, Munggwom Tungwatu Nipmot ttau kwei sut Nide nisindemti kin Nide nikei-kau-keisi ei bumbuhuiti kwei ri.

LUKAS 21:27

Mpe dima lene Munggwom Tungwatu Nipmot mittau kwei sut Nide nisindemti kin Nide nikei-kau-keisi ei bumbuhuiti kwei ri.

LUKAS 21:36

Gima rino ma jiyai ngkiem bijingat nadi bidem nituti kin nikwesti hagom leu binhyepo jiyai nisindemti. Leu binhyepo mbro nok gino mun di cut igkep je buhun bibor lo, jiba ningwes ngun biya ei Munggwom Tungwatu Nipmot Noho bei.”

LUKAS 24:27

Lene Noni pai mingat tut Allah Nihyet di pai sut Nonti hagom brei biyok bikinyon ei Musa de srat nya kin nabi nya ide srat nyati.

YOHANES 12:34

Tungwatu ningot ndig dima ipai biNoni “Bit leu nok gi ipas ei ide Puig Yahudi niggai serti nibokti ne Nibou Ndig di teu tungwatu nya biyai niyaijo nijep biyok niyaijo kikau. Nggon rino apai bipia tungwatu nya ikon Munggwom Tungwatu Nipmot ei nnai leu dihyei ninjek dip i? Tou rino Munggwom Tungwatu Nipmot dima i?”

YOHANES 3:13

Munggwom Tungwatu Nipmot di kwei leu gwamti Nongkom kui ug ei gwamti noro tungwa hi kui ug ei gwamti bi sren.

YOHANES 5:27

Nicig yai nisindemti bak Nipmot leu binhyepo mbus tungwatu nya ingonti lewo Nipmot ne Munggwom Tungwatu Nipmot ri.

KISAH 7:56

Noni hara “Jingat i! Dimbou gwamti kau leu ba, Munggwom Tungwatu Nipmot ya kui Allah ninda com!”

TESALONIKA GI NIGOM 4:17

Leu api Allah mibuwak nye di igyaijo nya ba, yuum yo di ikiju bibie nya ei bumbuhuiti lene yahagom mikui biyuum Tuhan ei mpia-bbed him ba, yahagom migwam bit Noni bijo ninno bijo kikau.

TIMOTIUS GI NIGOM 6:16

Nongkom niyaijo kikau. Noni ningat rin ei nipigati di sieng-siau kei di bit bon tungwatu nya icem kep kan bi. Hi ngat Noni bou niyai him bi sren lene bit bon hi ngat Noni kikau bi sren. Tungwatu nya yahagom mikon ninyeng ba, Nide nisindemti ug hon nohonti bi sren! Igbit ri.

IBRANI 2:14

Yo di Noni simbot dat bipia munggwom nya ne tungwatu di itug ndei nimai rin. Gima rino Yesus luei nitta binok tungwatu bibon Nonti nok timiei dihyeisi dini. Noni yai nok gima leu binhyepo ba nimaisi binggek tut Bilis di ninyeng tak kep minu nimai nya ide.

IBRANI 9:24

Lewo Kristus coi ug ei Ninsi Di Kwes-Kwau di tungwatu nya ibon bou inda him di dat Ninsi di jo kikauti bi. Noro noni coi kikau ug ei gwamti biya ei Allah Noho bei leu binhyepo ya hacan mem nye.

NINGAT-HI-NGAT NYA 1:13

Ba, dingat tungwagom di ya srigsi bijuk sinsun ndok di nijeisi ug bipek nimig lene ba bang mas bikri kep ninggeda.

NINGAT-HI-NGAT NYA 1:18

kin No di niyaijo ri. Nipou ne dimai su noro angat i! Nogindini diyaijo kikau buug hon nohonti bi. Dinyeng tak kep yo di imai su kin minu nimai nya ide.

NINGAT-HI-NGAT NYA 1:7

Jingat i! Noni mikwei ei bumbuhuiti kwei ri! Tungwatu nya yahagom bitut yo di idat Noni cem ingat Noni ei igyai him. Ba, tungwatu dihyeisi dini hagom iba nicot bipai sut nikweisi. Gini ne mun di mungkun ri! Igbit ri!

NINGAT-HI-NGAT NYA 14:14

Leu api dingat bumbuhui ttou di tiei ba, no di dem kep tungwatu gwam dip bittin topi mas lene krau singau koi di nggwen bibor ei nindati.