DANIEL 7:1 - ALLAH NIHYET MEM TUNGWATU NYA

¹ Mpe di Belsyazar ninyeng tak kep mem ari bingwam gom tu lene dibong mai mem mmun gom leu api dimumpriem bidingat ningat-hi-ngat. Dipas kep ditde mumpriem ei srat meng gomti,

DANIEL 7:1 ပူးပေါင်းရင်းမြစ်များ

NITRITI 15:1

Mpe hi bu lene Abram ngat-hi-ngat bimiap tuhan nihyet di pai binoni “Abram e, attin au. Lewo midinyohou nani leu mun di kinei hagom leu api midiyai mun di kei nindig bibor binani yo.”

NITRITI 46:2

Mmun mau rino noni ngat ningat-hi-ngat bingat lo, Allah mbrap bit noni bipai “Yakub e, Yakub e?” Lene noni buhup “We? Da rini.”

AYUB 4:13

Dibong dibongti noro mumpriem di buhun gom bindei bidibong mai kan bi lewo nihyet dima bindin da,

YESAYA 30:8

Allah cuk da leu binhyepo dipas kep Nide limwa nya igyai munti di mbuk nya ei srat mbum nibiyok ngon kepti di mijo ninno bijo kikau.

YESAYA 8:1

tuhan pai bida “Ma ayai tig pas nindig bibor leu api aba hurup nindig bipas eisi ‘Nibrim Kep Mun Sinti Cig’ kin ‘Nipos Kep Mun Haninyai Cig.’

YEREMIA 23:28

Suar nabi di tri tut nide mumpriem pai hak ‘Gini ne mumpriem he yo.’ Suar nabi di miap kep dicuk noti tri tut dihyet dima nok gi igbit. Gandum nitu kei bibor dor njiriek gandum sisron.

YEREMIA 27:7

Ngkiai nya yahagom miyoom yonti binok awak mem noni kin nipmot kin nignyon kikau ug bipek mpe dino nide ninyeng tak kepti bicut kep. Leu api mben Babel miyoom yonti binok awak mem mben di isindem bibor nya kin nibou ndig di inyeng jei bibor nya.

YEREMIA 36:32

Leu api duug yai srat kijum gom kin bu kwei bidiyai bak Barukh di nok ditde sekertaris leu api noni pas kep srat bokti di dindat kep bak noni nipou pima hanyen bu ba, dibikum dihyet hi kin bu eisi.

YEREMIA 36:4

Gima rino dihig Barukh di Neria nipmot kwei leu api dindat kep mun nyeng di tuhan sok ei da dip hagom bak noni leu api noni pas kep hagom ei srat kijum gomti.

YEHEZKIEL 1:1

Ug ei hon njap gi nimuhwi ei bed gi nibitai mem ari bingwam gi ningot ningai lene da di Imam Yehezkiel di dicig ninyeng Busi dibong bit mben Yehuda ei ingkiaisi simiak Minyei Kebar ei minu Babel. Mpe dima lene dingat lo, mpia-bbed him kau leu api Allah ndo ningat-hi-ngat gom bida.

YEHEZKIEL 40:2

Allah buwak da ug ei dihyei Israel tug hon ningat-hi-ngat gom bikes da ei nungug di anai gom dip leu api dingat minu ndig gom di bon ig di dimbun di ingot nya ei doho bei.

DANIEL 1:17

Allah bindei ba, pinai pilei ibou bitai dima ingon ki tut mun nyeng hagom. Noni bindei ba, Daniel ne nimbot kep ningat-hi-ngat cig kin mumpriem cig ri.

DANIEL 2:1

Tirigi Nebukadnezar ninyeng tak kep limwa nya mem ari bingwam can tu lene noni bong mai bimumpriem. Noro ningon buhun tut nide mun di mumpriem.

DANIEL 2:26

Nibou ndig hig ser Daniel di ijem ninyeng hi Beltsazar bu “Antin kimbo nok gi dem mem gima apai sut ditde mumpriem ba, abicoi ei mumpriem ningatti e?”

DANIEL 4:13

Tirigi diba dingon bisrip huk ningat-hi-ngat dima lene dingat malaikati gom srek kwei leu gwamti. Malaikati dima put-put nyen bitindei ser mun nyeng hagom di micut igkep noni.

DANIEL 4:5

Noro mpe di gom ne dibong mai leu lene dimumpriem tut mun di buhun bibor bididigit tut. Dingat ningat-hi-ngat nya cem di bindei ba, dingwes mba.

DANIEL 5:1

Mpe di gom bu Nibou Ndig Belsyazar hig yo di inyeng jei nya ibou sribu gom kwei ba, bon pesta nindig bibor mem yok. Idut ba anggur ngei nindig bibor cem.

DANIEL 5:22

Mbro nok gino na di Andigpoi ne Nebukadnezar nipmot rin ba, akan tut mun dima yok hagom tu lo, angon jei bibor kikau.

DANIEL 5:30

Himmun dima cem nide siceu nya igyai nimai bak Belsyazar di nibou ndig minu Babel.

DANIEL 7:13

Tirigi dingat ningat-hi-ngat dini bou diyai him mem mmun dima lene dingat mun nyeng gom kin bu di noyam kin tungwatu. Noni mbut kwei ndam da lo, bumbuhui nggai kep noni. Noni mbut ndam No di niyaijo bijo ninno bijo kikau ba, ibindo noni bak.

DANIEL 7:15

Ningat-hi-ngat di dingat bou diyai him dima bindei bidingon kiowi tut ba, dingon buhun nindig bibor cem.

DANIEL 7:7

Tirigi diyai bong kep ningat-hi-ngat dima lene mindhe gi nibitai tau kwei. Mindhe dini sindem bibor cem anjan bibor cem bibindei ba, didigit tut nindig bibor. Noni ba nikwai nindig di nggwes nok ngkimom nitu baham nide siceu nya binem-nnai biduhwen yok leu api co kep nindigsi di noni bindei timek nya. Mindhe dini ter leu nindigsi nya lewo nibou nggai simnai ntun him.

DANIEL 8:1

Belsyazar ninyeng tak kep ba, ari bingwam gi niningai lene dingat ningat-hi-ngat gom kin bu.

YOEL 2:28

“Niabiati bu ne miduhug dinnei bikwop ei tungwagom-gom ningonti. Jipmot bat kin jipmisop bat nya mitri tut dihyet. Jide andigpoi nya mimumpriem. Jide pinai pilei nya mingat-hi-ngat cem.

AMOS 3:7

tuhan Di Ninyeng Jei Bibor kinyon ei Nide midyaiti nipou tirigi Noni tri tut bak Nide awak di nabi nya bigyo bi sren.

HABAKUK 2:2

tuhan buhup bida bipai “Ma apas kep mun di dimbot kep bina nok igbit ei srat gomti leu binhyepo nibokti jo nibreisi ba, krop kei mem no di kwop.

MBEN ISRAEL IMBUT-MBUT NYEN 12:6

Lene tuhan pai biyok “Suar jingig jitingou mem dihyet! Tirigi jide nabi nya ikiju bitri tut dihyet bije lene dindo dingon kanti biyok tug hon ningat-hi-ngat nya ba, dimbrap bit yok tug hon ide mun di imumpriem nya cem.

ROMA 15:4

Srat bokti ei Allah Nihyetti hagom ngginau nye. Lewo Allah Nihyet ningginau nyeti bindei ba, yoom ingon ba, biwin ingon cem. Apino igyok ingon mem Allah.

KORINTUS GI NICAN 12:1

Mbro nok gino ningat hi ntun ditde ningon di nggei him bi lo, dinggei sut Allah ningon kanti di Noni ndo brei bida tug hon ningat-hi-ngat di dingat nya.

NINGAT-HI-NGAT NYA 1:19

Gima rino ma apas kep mun di angat bou ayai him bitut mun di angat mem nijam dini kin mun di mipek kep ei nidipti bu.

NINGAT-HI-NGAT NYA 10:4

Tirigi kru muhwindacan dima nisu kes bibong bu bi lene dipi bidipas kep kru nya ighyet ei sratti. Noro dimiap nihyet gom kin bu di tibim kwei leu gwamti bipai ser bipia “Ma aku mun di tibim leu kru muhwindacan dima yuhui him bijo nding. Ma apas kep ei sratti au.”