DANIEL 6:8 - ALLAH NIHYET MEM TUNGWATU NYA

⁸ Nye dino nidimig mun nyeng hagom ei na di Nibou Ndig anyeng tak kepti bitut nibou minu kin wakil kin nibou kintrorti kin yo di inyeng tak kep mitiei kin sekertaris kin nikei kin nibou mem yo di igya ser nya nahagom nice tut yam hyet leu binhyepo na di Andigpoi atri tut nicukti di buhun gom leu binhyepo ade limwa nya yahagom ice tut ba, iba ingon di gom bibit. Gi kei mem na di Andigpoi atri tut nicukti di nibimbiti pai bipia harin dima ade limwa hi hara nide kwar kin tungwatu hiter mem mmun-njap ningot ningai a. Noro suar yahara na di Andigpoi nangkom he. Tungwa tou rino tunggwei nicukti dima ne icom noni ug ei jui di singa nya ibongti.

DANIEL 6:8 ပူးပေါင်းရင်းမြစ်များ

ESTER 1:19

Gima rino nipai ningon kanti bak Na Di Anyeng Jei. Suar akos tut bipia Sop Nibou Ndig Wasti dima mikwei ya ei Na Di Anyeng Jei aho bei bu bi. Abindei coi nyeni nihyet nghwak him dima ei minu Persia kin Media nikos tutti nya di jo tu bihigom leu binhyepo gi mbun ikus hanyen leu kan bi. Gima leu lene ma acut atnem ninyeng Sop Nibou Ndig leu ba, ayai bak sop hiter di niyai munti nya kei dor njiriek noni bu.

ESTER 3:12

Ug ei njap gi nisimnaibrimigningai mem bed gi nigom lene Haman jem nibou ndig de sekertaris nya kwei bidem yam bit noni. Noni cuk yok leu binhyepo ipas srat bit leu mun nyeng hagom di cuk yok tut nya. Leu api iluei srat dima ei nihyet kin nipas kepti di timiei nya ikrau kep ei Ahasyweros ninyeng tak kepti dima nisurti-nipekti. Ipas srat dima gau Ahasyweros ninyeng lene iba srak mas pima bitak buk ei srat dimati. Leu api ibipbur bipinak srat nicuk yokti dima bak yo di inyeng jei nya kin nibou nya kin andigpoi ndig nya bidem hanjop nsi nya yahagom. Nipas kepti di jo srat dimati bicuk timiei nya yahagom bipia ug ei njap simnaibrimigningai mem Bed Adar ne suar icok tut mben Yahudi yahagom bitut ndigpoi nya kin pinai pilei nya kin sop nya kin munggwom nya ba, hi ningwes ngun bi. Leu api suar ipos ndigban di ide nya hagom cem.

ESTER 8:10

Mordekhai yok ninda ei srat dimati gau Nibou Ndig Ahasyweros ninyeng. Noni ba srak mas pima bitak buk ei srat dimati leu api cuk tungwatu di itin ei mem ittei srat nya kak bimbut tut dima leu binhyepo iba nibou ndig de kuda di dor sindem nya bittei srat ngot dima yok hi gom hi gom ug ei hanjop nsi ei Nibou Ndig Ahasyweros ninyeng tak kepti dima nisurti-nipekti hagom.

ESTER 8:3

Gima leu lene Ester ug ngat nibou ndig hanyen bu. Noni kuk no biba nibiau bicom mpia ei nibou ndig noho bei lene ba nipim bahara nibou ndig leu binhyepo dip tut nide nikos tutti di kinei bibor di Haman di ntun Agag him bon bak mben Yahudi tu pima.

ESTER 8:8

Noro bit bon dibrim srat di dipas gau dinyeng nibou ndig biditak buk eisi tu hanyen kan bi. Mbro nok gima lo, disindui sut bijipas srat bak mben Yahudi tut mun nyeng di jikan lo, kei nya. Ma jipas srat dima gau dinyeng lene jiba ditde srak mas bitak buk eisi.”

MAZMUR 94:21

Yo dima ihwen yam ngon ba, ingon jo gom mem yo di ingon sren nya bikes hukum nimai ei yo di ingon ngun nya dip.

YESAYA 10:1

Buhun bibor mem je di jitri tut niggai serti di igbit bi nya mem gima jibico kep Ditde limwa nya.

DANIEL 5:28

‘Ikwas hacan’ ndo tut gi Allah bindei ba, anyeng tak kepti kwas hacan tu ba, mben Media inyeng mitak kep igdo hi lene mben Persia inyeng mitak kep igdo hi bu.”

DANIEL 6:12

Tirigi Daniel de siceu nya igyok igyai kep noni bingat lo, noni ngat nadi bak Allah rino,

DANIEL 6:15

Tirigi nibou ndig miap yo dima ibuhupti dima rino ningon buhun bibor binggok puig mem gima biteu Daniel leu hukum. Noni kan-kan nyen tut mun di buhun dini kikau ug bipek mpia jinjuisi.

MATIUS 24:35

Mpia-bbed him kin dihyeisi dini misar noro Da dihyet misar bi sren.”