DANIEL 6:5 - ALLAH NIHYET MEM TUNGWATU NYA

⁵ Gima rino nibou nya kin yo cin di ingig igyai kep nindigsi nya pima yuhum yam nsi binggok tut Daniel niyai mun tunggweisi nya mem gima ibipai kep noni drek dip. Noro ingat nitunggweisi nya hi bi sren. Lewo Daniel ningon gom ba, bon kep mun di kinei biris ei tungwatu nya dip cem bi.

DANIEL 6:5 ပူးပေါင်းရင်းမြစ်များ

ESTER 3:8

Leu api Haman pai bak nibou ndig “Na Di Anyeng Jei e, mben gom di titer leu mben nindigsi nya ibong timiei srig nyeti bidem hanjop nsi hagom ei ade ninyeng tak kepti dini. Igyai kepti nya cem titer leu ade limwa nya igyai kepti nya. Gima he bi lewo yo dini ibit niggai ser tungwatu nyati di tibim bidem anyeng tak kepti dini bi. Gima rino Na Di Anyeng Jei e, ma acigit yo di ibon mun bit leu ingon kanti dima au.

MAZMUR 37:32

No di sibut kos dik sir no di ningon sren nimbutti bipi bihwen noni.

YEREMIA 29:7

Ma jiyai kep midyai di bindei ba, jeni kin timiei minu ndig ngot di dicom je ug eisi nya cem ibong kei igwam kei. Ma jingat nadi tindei minu ndig ngot dima leu binhyepo dinjei mun di kei bak yoni. Leu gino yo dima ibong kei igwam kei lene jeni cem mijibong kei jigwam kei bit yok ba, mun di jisuar nya midem mem je.

SAMUEL GI NIGOM 24:17

Tirigi Daud kes nihyet hon bibrim ningkek kep Saul bu bi lene Saul buhup “Dipmot ndia ug o! Nani rino ambrap dima e?” Lene noni pim ba, niyai nggwei kibor.

SAMUEL GI NIGOM 29:3

Lene nibou pran mben Filistin ingat Daud nya ba, ihig ser yam “Tentara Ibrani dima yok ikwei mem mindei i?” Lene Akhis buhup “Gini ne Daud di nipou yo nok nibou tentara gom mem Nibou Ndig Saul leu Israel ri. Wer bong mimbrek bit da tu. Tirigi po noni kwei bong bit nye pima ne noni bon mun di tunggwei hi bou diyai him bi kikau kwei bipek ammani kep.”