DANIEL 6:4 - ALLAH NIHYET MEM TUNGWATU NYA

⁴ Jei bi lene jo nibreisi bipia Daniel nijoi bibor dor njiriek nibou nindigsi nya kin yo cin po ingig igyai kep yok pima yahagom. Daniel nijoi biborti bindei ba, Darius joi sut ta noni nok no di ninyeng jei bibor dor njiriek hiter ei nide ninyeng tak kepti.

DANIEL 6:4 ပူးပေါင်းရင်းမြစ်များ

NITRITI 41:38

Leu api Firaun pai biyok “Bit bon inggok bingat no di ningon ki dor njiriek Yusuf kan bi lewo Allah Ninnei bie tut noni.”

NITRITI 43:18

Tirigi yuug ei puig sinon tu lene ingwes mien ba, ikan bigya awak dima mibuwak yok ug ei ig bei nsi drek dip mitiei di jo ei ide kron nyati mem imbutti gi nigom pima ri. Mbigom noni kin nide limwa nya mihwen yok bikat yok nok awak bipos ide keledai bingwig leu yok ug rin e?

NIPINGOK NINGONTI 29:27

Yo di ingon gom nya kin yo di isibut nya iba nitok biyam.

NIBA NINGON SRIP HUKTI 4:4

Lene dikan tut bipia tungwatu nya igyai midyai sindem drek dip gi ingat yo di inttig-tta nya ide ndigban di itug ndei leu midyai di ibrim ingkek tut nya. Gima yok hagom ne mun di bit bon dingon dorti tut kan bi rin ba, dem kep nok niyon igkep hou nimig.

YEREMIA 18:18

Lene yo dima ipai biyam “Jikwei ba, igyok ingon gom mem gima ihwen Yeremia. Nongkom he rino tri tut Allah nihyet binye bi. Noro ide imam nya di ingginau nye kin ide andigpoi di ingon ki di ipingok nyeni ingonti kin ide nabi di itri tut Allah nihyet binye mingat rima mem nye kikau yo. Jikwei ba, ipai kep Yeremia ei nikei noho bei leu binhyepo noni bindin nye kikau bu bi.”

YEREMIA 18:23

Noro tuhan e, akan bidem tut ide nuhum yam nsi mem gima igyai nimai bida. Ma akos ser igyai munti di kinei kin ide sisar au. Ma abui yok ba, anjei yok bibou icut ug e. Ma aba angon sibut biborti biyai yok.”

YEREMIA 20:10

Dimiap tut yo di yahamui nyahan bidem minu ighyet di ipai “Ningon ttin biborti kieng kep minu! Jikwei ba, iba kilak Yeremia bak nibou nya!” Disut bat di dingon kieti nya cem imem kep ser dicutti. Isimbot kep biyam “Ma ibingon mem gima iba ninsi di mmau biris noni leu api noni micut bak nyeni. Leu binhyepo ikat noni ba, iba ingon di mbuk birop hanyen bak.”

YEREMIA 29:7

Ma jiyai kep midyai di bindei ba, jeni kin timiei minu ndig ngot di dicom je ug eisi nya cem ibong kei igwam kei. Ma jingat nadi tindei minu ndig ngot dima leu binhyepo dinjei mun di kei bak yoni. Leu gino yo dima ibong kei igwam kei lene jeni cem mijibong kei jigwam kei bit yok ba, mun di jisuar nya midem mem je.

DANIEL 3:8

Mun di pek kep dima bon nikwesti di kei bibor mem mben Babel ibou poi ipai kep mben Yahudi.

DANIEL 5:12

No dima nintin kimbo cem ningon ki cem mbot kep tut mumpriem nya cem mbot kep mimun cem mbus tungwatu nya ingonti tut mun di srou yok cem hagom kan. Ninyeng rino Daniel noro acig jem ninyeng Beltsazar. Ma ahig noni kwei. Noni micoi ei hurup bokti dima ningatti bipai bina.”

DANIEL 6:22

Mbigom lene Daniel buhup “Ma na di Andigpoi ayaijo ninno!

MATIUS 26:4

Itindei ser biken tirigi bon nituti leu binhyepo ikat Yesus nyahan ba, ijem nimai gau Noni.

MATIUS 27:18

Pilatus hig singgre yok nok gima lewo kan tut bipia nibou mben Yahudi nya ikes Yesus ei nindati kin ingon di kinei sut Noni.

LUKAS 20:20

Gima rino inggok nituti di kei bibor. Iba mitiei bingot kep ibou poi di ibon yonti dem kep nok yo di ingon sren nya. Yo dima yuug hig simber Yesus leu binhyepo iba nibuhup biyokti bisrou Nonti hanyen leu api ibikes Noni ei nibou pemerinta nindati.

LUKAS 20:26

Bit bon iba Yesus nihyet bisrou Nonti ei tungwatu ningot ndig di ingat rin ei mpia dima yoho bei bi. Ikimut yuhui binggap leu tut nibuhupti.

LUKAS 22:2

Imam nindig nya kin guru Puig Yahudi nicukti nya inggok puig mem gima ikat Yesus bihwen Noni nyahan lewo ittin tut tungwatu imang bibor.

YOHANES 19:4

Gima ngwig lene Pilatus hei ug ei nisai hanyen bipai bak yo di imang ndig dima “Jitou kep! Mbigom dihig Yesus hanyen kwei leu binhyepo jahagom jikan tut bipia dimbus ningonti tu lo, dikan tut mun di Noni yai tunggwei hi bi.”

KORINTUS GI NICAN 11:12

Dinda jo kep midyai di diyai kep nya nogindini kikau ser nhyema “nibou di mipbor ngat nya” igyai nituti mem ingon jei ba, itri tut bipia igyai bram nyende niyai kepti au.

FILIPI 2:15

Tug hon nisinati dima lene jibindo brei bipia jinok Allah nimunggwom bat di ibon sisar bi di ingon sren ba, ingon gom cem mem nijam di ingat rin ei yo di isuwok kin yo di ibon sisar nya ikieti. Ma jinok ninjeng di piga ei yo dima ikieti noyam kin ham di piga digai mpia-bbed him,

TIMOTIUS GI NIGOM 5:14

Gima rino dijoi sut bipia kibom di pilei nya iwak ijjep bat nya hi bu leu binhyepo igyai imunggwom ba, inyohou ide ig bei nsi nya. Gino igyai nok gima lene mibon nituti mem ide siceu nya irom ighyet kui nye bi.

TITUS 2:8

Suar ningginausi di atri tut dima com nigau ei angon di kiti leu binhyepo bit bon ade siceu nya irom ighyet kui na kan bi. Apino immai sut yonti lewo bit bon ipai kep nye di mbusyamei kan bi.

PETRUS GI NIGOM 2:12

Suar jiyai mun di kei bibor ei yo di ingon tindur nya igyai him. Gima mibindei ba, mpe dino ipai kep je bipia jisibut bibor ne ighyet micut hanyen ei ingonti drek dip jiyai munti di kei bibor nya. Leu api yoni minggei sut Allah mem njap di Noni mikwei hanyen.

PETRUS GI NIGOM 3:16

Ma jiba jingon di jo nyahan kin jibou di cut biyok cem bibuhup ighyet. Ma jinyohou jingon mien di kwes leu binhyepo gino hi pai je di jibit Kristus kinei drek dip jiyai munti di kei nya lene ighyet dima mibindei ba, immai sut yonti hak ug.

NIJAM NIKEI NYA 14:4

tuhan bie tut Simson niyai munti dima noro nicig-nipmem nya ikan tut bi. Lewo tuhan sindi nggok nituti mem gima Noni hwen mben Filistin. Mpe dima lene mben Filistin inyeng tak kep mben Israel.

SAMUEL GI NIGOM 12:4

Lene nide limwa nya ibuhup “E bi! Aris nye ba, ambuk tut nye ba, ambrai mindhe-ndhe hi leu nye cem bi sren.”

SAMUEL GI NIGOM 18:14

Noni yai bipek kep midyai di yai nya hagom lewo tuhan mpu noni.

SAMUEL GI NIGOM 22:14

Leu api Ahimelekh buhup “Noro Daud ne Na di Anyeng Jei ade nibou tentara di ningon gom dor njiriek nindigsi nya ri. Noni ne Na di Anyeng Jei apmang ningat ri. Noni ne nibou tentara di igya ser Na di Anyeng Jei ide nibou rin ba, nibou di igya kui na di ingat rin ei ade ig yahagom ibou cut bak noni bibor.