DANIEL 6:26 - ALLAH NIHYET MEM TUNGWATU NYA

²⁶ Gima ngwig lene Nibou Ndig Darius pas srat nimeng gom bak timiei minu nya kin mben nya kin gi imbrap ighyet hiter nya ei dihyeisi dini hagom bipai biyok “Jahagom jicem o!

DANIEL 6:26 ပူးပေါင်းရင်းမြစ်များ

EZRA 1:3

Handei kon ba, Allah ningat rin bit je di jinok Nide limwa nya. Suar jingkwei hanyen ug ei minu ndig Yerusalem leu binhyepo jiwin tuhan De Ig hanyen. Noni ne mben Israel ide Allah di ikuk yok bak ei minu ndig Yerusalem ri.

EZRA 7:21

Ditri tut nicukti dini bak nibou kintror mitiei nibousi bidem hanjop Efrat-Ei-Mpia-Nikimbasti hagom leu binhyepo ibipbur ba, ikwas mitiei tut Imam Ezra di ningon ki tut Allah di ninyeng jei ei gwamti Nicukti nya dima bit leu nok nahara yok tutti.

MAZMUR 119:120

Didigit lewo dittin tut Nani ba, didigit tut Ade nikos tutti nya.

MAZMUR 146:10

tuhan ne Nibou Ndig bijo ninno bijo kikau ri. Je di timiei Sion e, jide Allah ninyeng tak kepti jo ninno bijo kikau. Ma jinggei sut tuhan!

MAZMUR 2:11

Suar jibit tuhan nicuk jeti nya hagom ba, jibou cut bak Noni cem.

MAZMUR 29:10

tuhan ninyeng tak kep muk ndigsi di jut bibor ba, ninyeng tak kep nok Nibou Ndig bijo ninno bijo kikau.

MAZMUR 42:2

Allah e, diyok dingon mem Na noyam kin rusa di nggok minyei di dut kep ninggobiausi.

YESAYA 66:2

Dangkom dipai tes mun dima yok hagom bou dinda him! Dijoi sut yo di iba ibou coi mem Da kin yo di ittin ser ide sisar kin yo di ittin tut Da kin yo di ibit dihyet.

YESAYA 9:7

tuhan simbot dat tut hukum di Noni mikes ei mben Israel dip tu.

YEREMIA 10:10

Noro Nani ne tuhan Allah di nijit-jau ba, Allah di yai niyaijo bak tungwatu nya cem nibou ndig di niyaijo kikau cem ri. Gino angon sibui lene dihyeisi dini ugwa-kwei bibor. Gino agga lene ngkiai nya igya mem kan bi. (

DANIEL 2:44

Ei nijam dino nibou ndig cin dima inyeng tak kep lene Allah ei gwamti mita Nonti ninyeng tak kepti di bit bon ug hon nohonti kan bi. Bit bon nibou ndig dihyeisi dini bitut ide tentara yahagom cem ibindei ba, Allah ninyeng tak kepti cut bak yoni kan bi. Noro ninyeng tak kepti dima mibindei timek nibou ndig bitut ide tentara pima yok yahagom ba, isar bingwig.

DANIEL 3:29

Gima rino ditri tut bipia bikwop tungwagom-gom di leu timiei minu nya kin mben nya kin gi mbrap nihyet hiter nya di nihyet wer mpiahi tut Sadrakh kin Mesakh kin Abednego ide Allah mitug ndei hukum nikos noni kukiau kin, nilet nide ig bingwig biwer ig kum kroi cem. Bit bon kwar hi teu tungwatu nya noyam kin Allah di teu yo dini kan bi.”

DANIEL 4:3

Mbenjen! Nide bindo di ndo brei binye nindig bibor! Mbenjen! Nide mindur di bibon mem nye cem mipbor ngat! Allah ne nibou ndig bijo ninno bijo kikau ri. Ninyeng tak kepti ug hon nohonti bi sren.”

DANIEL 4:34

Mpe dino nijam ari bingwam muhwindacan ngwig leu lene dikon dibou biditou kep mpia-bbed him leu api dingon tungwatu hanyen bu. Gima rino dinggei sut Allah Di Ninyeng Jei Bibor. Dikon No di niyaijo bijo ninno bijo kikau ninyeng. Allah nok nibou ndig bijo ninno bijo kikau. Ninyeng tak kepti ug hon nohonti bi sren.

DANIEL 6:20

Njap tekti rino noni kiju bibrim nimig ug ei jui dip.

DANIEL 7:14

No di niyaijo kikau yai ninyeng di jei kin nisindemti binoni noyam kin nibou ndig. Apino bikwop timiei minu nya kin mben nya kin gi imbrap ighyet hiter nya yahagom ikuk yok bak. Nide nisindemti jo ninno bijo kikau ba, ninyeng tak kepti ug hon nohonti bi sren cem.

DANIEL 7:27

Mpe dima lene Allah Di Ninyeng Jei Bibor miyai ninyeng tak kepti ide nisindemti kin nikei-kau-keisi ei dihyei nisurti-nipekti hagom bak Nide limwa nya. Ide nisindemti mem inyeng tak kep mijo ninno bijo kikau leu api nibou ndig dihyeisi dini yahagom mikuk yok biyok bibit ighyet.”

HOSEA 1:10

Mben Israel midigek kep mpia ba, imangti noyam kin iggum ei muk nipimat nimangti apino bit bon tungwatu nya ikwop imangti ba, inai ide minu nijeisi cem kan bi. Nogindini Allah hig yok “Jinok Ditde limwa nya bi.” Noro jei bi ne Noni hig yok “Dani ne Allah Di Niyaijo rin ba, jinok dimunggwom bat nya!”

MALEAKHI 3:6

“Dani ne tuhan rin ba, diluei dingonti bi sren. Gima rino je di jintun Yakub him jisrawir bi.

MATIUS 6:13

Asindui sut nye ba, ningkwei hanyen tirigi nibiam mun di srou nye au. Noro anyohou nye ba, ningwes ngun leu Bilis de nisindemti. [Lewo Nani ne Nibou Ndig rin ba, nisindemti kin nikei-kau-keisi hagom jo biNa kikau. Igbit ri.]’

LUKAS 1:33

Ninyeng mitak kep yo di intun Yakub him yahagom bijo ninno ba, ninyeng tak kepti cem muug hon nohonti bi sren!”

LUKAS 12:5

Suar jittin tut tou i? Dindo Noni bije. Ma jittin tut Allah lewo niabiati Noni kimukep tungwatu nya leu lene Noni sindem mem gima com yonti njem titut yam ug ei hum njengti. Ma jiyok ngon kep bipia suar jittin tut Noni.

KISAH 17:25

Noni cem suar tungwatu nya bimpu Noni bi. Lewo Noni rino yai mun di tungwatu isuar ninyeng hagom biyok lene biyai niyaijo kin nihi ninnei bak tungwatu cem.

ROMA 9:26

Ei mpia ttou nsi di hi pai sut yok ‘Jinok Ditde limwa nya bi’ lene Noni mipai sut yok ei mpia dima ‘Yoni ne Allah Di Niyaijo nimunggwom bat nya rin’.”

NINDAT KEP TUHAN NICUKTI NYA 5:26

Tungwa hi di miap Allah Di Niyaijo mbrap kwei leu hum njengti no niyaijo yo e?

TESALONIKA GI NIGOM 1:9

Lewo yo dima itri tut binye bipia nipou jiya um nye tirigi nihwou ngat je ba, jikiek je leu kwar nya leu binhyepo jinok awak mem Allah di Nijit di nok nibousi mem niyaijo nijep ba,

IBRANI 12:29

Lewo ide Allah dem kep hum di cig-cai di bindei timek mun nyeng hagom.

YAKOBUS 1:17

Mun di kei kin mun di dia-diau nya hagom ntun Allah him bisrek kwei leu Noni. Noni pai tes nipigati nya hagom ei mpia-bbed him. Noni luei ningonti bibindei ba, nidinditi nggai kep tungwatu nya bi.

NINGAT-HI-NGAT NYA 11:15

Tirigi malaikati gi nimuhwindacan miep nide pun mbrei lene nihyet di nindig bibor nya kui yam ei gwamti bipai “Nogindini ide Allah kin Nide Nibou Ndig di teu tungwatu nya biyai niyaijo biyok dima igyai nisindemti ba, inyeng tak kep dihyeisi dini hagom kikau buug hon nohonti bi o!”

NINGAT-HI-NGAT NYA 4:10

ne nibou nya ibou nyatungwagom ba, bitai pima ikuk yok ei No di gwam banggo mbrei dip Noho bei binggei sut No di niyaijo kikau buug hon nohonti bi. Leu api ikes ide topi mas ei banggo mbrei nuhui leu lene ipai,

NINGAT-HI-NGAT NYA 5:14

Leu api mindhe nya ningut bitai ibuhup “Igbit ri!” Leu api nibou nya ikuk yok bak binggei sut.

SAMUEL GI NIGOM 17:26

Lene Daud hig ser yo di igya ei sirima “Ui! No di ngkiai di mben Filistin dima brim ningkek bisrep huk Allah di niyaijo de tentara e! No di bindei timek noni bibindei ba, noni minim kep nye di mben Israel bu bi mitug ndei mindei ngan i?”

SAMUEL GI NIGOM 17:36

Dibui singa nya kin beruang nya bimai lene midibindei mai ngkiai mben Filistin dima cem bimai drek dip gi noni srep huk Allah di niyaijo de tentara nya.