DANIEL 6:23 - ALLAH NIHYET MEM TUNGWATU NYA

²³ Ditde Allah cuk Nide malaikati gom kwei leu api noni tak kep singa yuhui ser leu ba, yaham da bi tu. Noni teu da bidingwes ngun lewo kan tut bipia dingon ngun. Dibon mun tunggwei sut Noni kin na di Andigpoi cem bi.”

DANIEL 6:23 ပူးပေါင်းရင်းမြစ်များ

NIBOU NDIG NYA GI NIGOM 5:7

Lene Hiram joi sut srat di Salomo pas kep mem noni nindig bibor bipai sut “Njap di ammani dinggei sut tuhan lewo Noni bindei ba, Daud yai nipmot di ningon ki di ya luei nohoti nok nibou ndig mem mben di nindig bibor dima!”

NIBOHON MBEN ISRAEL GI NIGOM 5:20

Tentara dima yok iba ingon com Allah ba, yahara bak leu binhyepo mpu yoni. Leu api Noni buhup ighyet bisindem tut yok leu binhyepo ibindei timek mben Hagri nya bitut tentara ngkiai di itti kin yok nya yahagom.

NIBOHON MBEN ISRAEL GI NICAN 20:20

Njapti kui lene limwa timiei Yehuda nya injei mem njap tekti ba, yuug ei iggum ndigsi dideu Tekoa pima. Tirigi ikiju bimbut rin lene Yosafat sok kep yok “Timiei Yehuda kin Yerusalem jen! Ma jiba jingon com jide tuhan Allah leu api mijiya ngkiem mem gima jikon pran bit yok! Ma jice tut bijibit nabi jide nya ipingok jeti leu api mijibindei cut jide siceu nya!”

MAZMUR 18:21

tuhan singat tut da lewo dibon mun di igbit. Noni kwas mun di kei cem tut da lewo diyai mun tunggwei bi.

MAZMUR 37:40

Noni mpu yok biteu yok bingwes ngun leu yo di isibut nya indati lewo igwam coi Noni.

NEHEI LEUSI 18:9

Tirigi Yitro miap tut mun dini yok hagom tu lene ningon llei bibor.

NIPINGOK NINGONTI 18:10

tuhan dem kep nok ig di bon ninggre di jo-jo yam dip di inang coi. Yo di ingon sren nya igwam coi ig dima bingwes ngun leu ide siceu nya indati.

YESAYA 26:3

tuhan e, ayai ningon kwes kin yamti bak yo di ingon nddong lewo iba ingon com Nani.

DANIEL 3:17

Nyende Allah sindem mem gima teu nye leu hum nindig bibor di ninjeng cig-cai dima biteu nye leu na di Andigpoi anda nsi cem.

DANIEL 3:25

Leu api noni hig ser yok “Nggon rino dingat ibou bitai di imbut-mbut nyen ei hum di cig-cai dima ninggimau i? Kuk pas leu yok tu ba, hum yem yok bi! Dingat lo, no di ba no kum yok ne malaikati hi ri!”

DANIEL 6:14

Leu api ipai bak nibou ndig “Daniel di akat kwei leu nitimieisi ei minu Yehuda kuk no bak na di Andigpoi bibit nicukti di atri tut dima bi. Noro ngat nadi mbiningai bikwop njap ngwa hagom bit leu nok niyai kepti.”

DANIEL 6:18

Gima ngwig leu lene yo dima ibei tig mma nindig gom bibikibou kep jui nuhui leu api nibou ndig ba nide buk bitak ser tig mma leu binhyepo bit bon hi teu Daniel leu jui nsi dima biningwes ngun kan bi.

MARKUS 9:23

Yesus buhup “Nggon rino ahig Da ‘Gino asindem mem gima ampu nye’ i? Lewo bon no di ba ningon com Da yai mun di hagom kan.”

IBRANI 11:33

Niba ningon comti bindei ba, yo dima ikon pran bit nibou ndig nya bitut tentara nya bibindei ba, nibou ndig nya icut biyok. Ide nikon pranti dima ne igbit rin lewo iba ingon com Allah De nipreu ei mem yokti. Gima cem itak kep ser singa nya yuhui ba,