DANIEL 5:13 - ALLAH NIHYET MEM TUNGWATU NYA

¹³ Haninyai ibuwak Daniel kwei biya ei nibou ndig noho bei leu api nibou ndig hig ser noni “Nani ne Daniel leu mben Yahudi po dicig njei bikat na kwei leu atimieisi ei minu Yehuda pima rin e?

DANIEL 5:13 ပူးပေါင်းရင်းမြစ်များ

EZRA 10:16

Yo di ingkwei hanyen leu ingkiaisi pima ikrau kep Ezra nihyet nghwak him dima. Gima rino imam Ezra dimig nibou ibou poi bibikwop leu nibou insi de nya ikieti ba, pas kep inyeng ei sratti. Ikinyon ei nidimig yokti dima ei njap gi nigom mem bed gi nisimnai leu binhyepo nibou nya ipigot bram munhyet dima.

EZRA 10:7

Leu api nibou nya itri tut nihyet di buhun bidem minu ndig Yerusalem kin minu Yudea nisurti-nipekti bak yo di ingkwei hanyen leu ingkiaisi pima yahagom leu binhyepo yahagom induk yam kwei ei minu ndig Yerusalem.

EZRA 4:1

Keret Yehuda kin Benyamin ide siceu nya imiap tut bipia yo po inok awak ei ingkiaisi nipou pima inghapti no inda jo kep tuhan De Ig di iwin kep a.

EZRA 6:16

Lene mben Israel bitut imam nya kin keret Lewi nya kin yo di ingkwei hanyen kwei leu ingkiaisi yahagom iba ingon di llei bibor bipiga tuhan De Ig a.

DANIEL 1:1

Tirigi Yoyakim ninyeng tak kep timiei Yehuda nya mem ari bingwam ningai leu su lene Nebukadnezar di nibou ndig minu Babel kon pran bit timiei minu ndig Yerusalem ba, nide tentara nya igyon ttai minu ndig Yerusalem.

DANIEL 1:2

tuhan sindui sut ba, Nibou Ndig Yoyakim cut bak Nebukadnezar di cat ndigban di nibok kak nya nite hi leu tuhan De Ig. Noni njei bikat timiei Yehuda nya bikri yok hanyen ug ei nide ig kwar nibousi ei minu Babel leu api ttei ndigban di nibok kak di pos nya hagom buug sut ei nibousi mem nide kwar di kuk no bak binju hagom ei ig gudanti.

DANIEL 1:21

Daniel yai midyai ei nibou ndig de kintrorti kikau ug bipek nijam dino Nibou Ndig Kores leu Persia hwen bitimek mben Babel.

DANIEL 1:6

Pinai pilei Daniel kin Hananya kin Misael kin Azarya nya isrig yo di Aspenas dimig yok ei pimati ba, yahagom itimieisi leu minu Yehuda.

DANIEL 2:25

Ariokh brim nimig bibuwak Daniel ug ei Nibou Ndig Nebukadnezar noho bei bipai bak “Andigpoi e, dittau kep tungwagom leu mben Yahudi di akat yok kwei leu itimieisi. Noni mimbot kep ade mumpriem ba, bicoi ei mumpriem ningat cemti bina di Andigpoi.”

DANIEL 2:48

Leu api Nebukadnezar bindei ba, Daniel yai ninyeng di jei bibor bitug ndei ndigban di nibok kak bibor cem. Noni ta Daniel ba, ninyeng tak kep ei minu Babel bikon ninyeng nok nibou mem yo di igya kui nibou ndig yahagom cem.

DANIEL 5:11

Lewo no di ningon mpung tut Allah ninnei gi kwes ningat rin ei minu dini. Tirigi po acig nok nibou ndig pima lene no dima nintin kimbo cem ningon ki cem ningon dorti tut mumpriem nya kin nipai ningat nya cem noyam kin kwar di ingon ki nya. Nibou Ndig Nebukadnezar ta noni nok nibou mem yo di ingon ki kin yo di nung kui yok kin yo di inda dut kin yo di iko mun bibinggok tut ndiyok nya yahagom.

DANIEL 5:14

Dimiap tut bipia angon mpung tut kwar di kwes-kwau nya innei cem antin kimbo cem angon ki cem dor njiriek yo di hiter.

DANIEL 5:18

Allah Di Ninyeng Jei Bibor ta acig Nebukadnezar nok nibou ndig di ninyeng jei bibor bisindem bibor cem ba, tungwatu nya yahagom ikuk yok bak.

DANIEL 5:2

Tirigi idut ba anggur ngei bingwig bigyo lene Belsyazar cuk nide awak nya leu binhyepo ikon mok kin bokor di iba mas kin perak bibon po nicig Nebukadnezar pos kwei leu tuhan De Ig ei minu ndig Yerusalem pima kwei. Nibou ndig ningon kanti rino yo di inyeng jei di igya kui noni kin nitnem ndig nya kin nitnem mien nya kin nonti yahagom idut ba anggur ngei eisi.

DANIEL 6:13

yahagom ittei yam ba, yuug kkin kep ninghapti ei nibou ndig noho bei bipai bak “Andigpoi e, aba buk bitak srat nicukti gom di cuon ser tungwatu nya bipia harin dima yahara ide kwar kin tungwatu hiter mem mmun-njap ningot ningai a. Noro suar yahara na di Andigpoi nangkom he. Tungwa tou rino tunggwei nicukti dima bibit bi lene icom noni ug ei jui di singa nya ibongti.” Nibou ndig buhup “Igbit ri. Gima ne Minu Media kin Persia Niggai Serti di bit bon nibou ndig luei ningonti tut kan bi ri.”

DANIEL 8:1

Belsyazar ninyeng tak kep ba, ari bingwam gi niningai lene dingat ningat-hi-ngat gom kin bu.

DANIEL 8:27

Leu api dinghuisi mbris ba, dinggwen njap poi drek dip ningat-hi-ngat di dingat dima. Gima ngwig leu api dikiju hanyen bidinda jo kep midyai di nibou ndig cuk da tut hanyen. Dikan-kan nyen tut ningat-hi-ngat dima yok ba, dingon mbut-mbut nyen drek dip lewo dingon guhuk niti tut bi.

YOHANES 7:1

Leu api Yesus mbut-mbut nyen ei hanjop Galilea. Noni joi sut ngkwei ug ei hanjop Yudea hanyen bi lewo nibou mben Yahudi nya ibingon mem gima igyai nimai biNoni.

YOHANES 7:3

Gima rino Yesus nikinjoi bat nya ipai biNoni “Ma ajo leu mpia dini ba, aug ei hanjop Yudea hanyen leu binhyepo yo di ibit Na ingat Ade midyai nya ei igyai him.