Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




DANIEL 4:6 - ALLAH NIHYET MEM TUNGWATU NYA

6 Gima rino dihig yo di ipingok kep dingonti bidem minu Babel hagom kwei leu binhyepo ipai sut mumpriem dima ningat bida.

အခန်းကိုကြည့်ပါ။ ကော်ပီ




DANIEL 4:6
10 ပူးပေါင်းရင်းမြစ်များ  

Lene Firaun hig nide limwa di ingon ki nya kin gi hi di nung kui yok kwei leu api yoni cem ibon mindur di noyam kin Harun de tug hon ide nung nya.


Noro limwa dima yok micuk je ndam yo di nung kui yok kin yo di inda dut nya di yahamui nyahan ba, inggimu-nggimei leu binhyepo indo bindo bije. Yo dima mipai bije “Suar nyeni iko binggok tut nimai ingwes nya tut mun di bitut yo di igyaijo nya.”


Allah bindei ba, pinai pilei ibou bitai dima ingon ki tut mun nyeng hagom. Noni bindei ba, Daniel ne nimbot kep ningat-hi-ngat cig kin mumpriem cig ri.


Gima rino noni sok nihyet bak yo di ingon ki kin yo di nung kui yok kin yo di inda dut kin yo di iko mun bibinggok tut ndiyok nya yahagom di igya kui noni ba, suar ikwei mbot kep mumpriem dima ningat bak. Tirigi yahagom idem yam bigya ei noho bei,


Leu api Nebukadnezar bindei ba, Daniel yai ninyeng di jei bibor bitug ndei ndigban di nibok kak bibor cem. Noni ta Daniel ba, ninyeng tak kep ei minu Babel bikon ninyeng nok nibou mem yo di igya kui nibou ndig yahagom cem.


Noro ma abet ningwam bijo nijoti leu api aba lante di aba ngkimom nitu kin ngkimom-tembaga bibon bikim leu binhyepo ningwam dima jo nijoti ei susti. Ma asindui sut ba, nggou kui noti leu api bong igbit susti bit mindhe-ndhe nya.


Lewo no di ningon mpung tut Allah ninnei gi kwes ningat rin ei minu dini. Tirigi po acig nok nibou ndig pima lene no dima nintin kimbo cem ningon ki cem ningon dorti tut mumpriem nya kin nipai ningat nya cem noyam kin kwar di ingon ki nya. Nibou Ndig Nebukadnezar ta noni nok nibou mem yo di ingon ki kin yo di nung kui yok kin yo di inda dut kin yo di iko mun bibinggok tut ndiyok nya yahagom.


Gima rino noni hig yo di ingon ki kin yo di nung kui yok kin yo di inda dut kin yo di iko mun bibinggok tut ndiyok nya yahagom kwei. Tirigi idem yam ei su lene noni pai biyok “Tungwa tou rino kwop mun pas bokti dima bipai igbit ningat bida lene midiba sinsun nibou ndig di jei di dem kep nghei nta bijuk noni leu api midiba miep mas di bindo tut ninyeng jeisi bisrou nikimam cem leu api midita noni nok nibou gi niningai ei minu Babel.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ